Ē-mn̂g-chhī

Wikipedia (chū-iû ê pek-kho-choân-su) beh kā lí kóng...
(Tùi Ē-mn̂g choán--lâi)
Thiàu khì: Se̍h chāmchhiau-chhoē
Ē-mn̂g-chhī

Ē-mn̂g-chhī (kán-thé hàn-jī: 厦门市, thoân-thóng hàn-jī: 廈門市; Hàn-gú Pheng-im: Xiàmén Shì) sī lâm Tiong-kok Hok-kiàn-séng hái-hoāⁿ Bân-lâm tē-tāi ê 1 ê hù-séng-kip siâⁿ-chhī. Ē-mn̂g hù-kīn ū Chiang-chiu, Choân-chiu. Ē-mn̂g chá-kî tī kok-chè bú-tâi ê miâ-chheng hō-chò Amoy; che sī kin-kù Bân-lâm-gí ê hoat-im. Hiān-chú-sî Amoy kap āu-lâi ê Xiamen (Hôa-gí hoat-im) lóng ū lâng iōng.

Tē-lí[siu-kái]

Bīn-chek: 1565.09 km² (300 km² sī hái)

Hiān-chú-sî, Ē-mn̂g ū 6 ê khu tī Tāi-lio̍k. Ē-mn̂g-tó óa-kīn Kim-mn̂g, sī Hok-kiàn tē-4-tōa tó.

Ē-mn̂g ê khì-hāu sǹg sī a-jia̍t-tāi hêng, pêng-kin khì-un iok-lio̍k 21-tō· Celsius.

Ē-mn̂g-chhī ê cho̍at-tùi tē-lí ūi-tì tòa-leh tang-keng 118°04'04", pak-úi 24°26'46" hūn-kīn. Khu-he̍k hōan-ûi pau-koah Ē-mn̂g-tó, Kó·-lōng-sū, tāi-lio̍k ê Tâng-oaⁿ, Chi̍p-bí, Hái-chhng, Hēng-lîm kah kî-thaⁿ chōe-chōe hái-siōng ê sió tó-sū.

模板:Infobox Weather

Jîn-kháu[siu-kái]

1,371,600 (2002)

Keng-chè[siu-kái]

2003 nî ê GDP per capita: ¥38567 (iok-liok US$4660). 659 ê Tiong-kok siâⁿ-chhī pâi tē-9-miâ.

Le̍k-sú[siu-kái]

Tī se-goân 282 nî, Ē-mn̂g sī Tâng-oaⁿ-kōaiⁿ (Hàn-jī:同安县), sio̍k 晉安郡. Tī 1387 nî Chheng-tiâu iōng Ē-mn̂g chò phah hái-chha̍t ê ki-tē. Hit-chūn sio̍k-î Choân-chiu. Tēⁿ Sêng-kong tī 1650 nî tiàm hia khiā-khí, jī-chhiáⁿ kā miâ kái chò Su-Bêng-chiu (思明洲). Put-jî-kò Boán-chheng tī 1680 nî koh-chài kā miâ kái tńg-khì Ē-mn̂g Subprefecture. 1912 nî Sin-hāi Kek-bēng liáu-āu Su-Bêng pìⁿ-chiâⁿ 1 ê koān-miâ (?). Chóng-sī bô-kàu 1 tang koh kái tńg-khì Ē-mn̂g-chhī. Tī 1949 nî Ē-mn̂g chiâⁿ-chò 1 ê séng-ha̍t-chhī, sòa-lo̍h-lâi seng-téng chò hù-séng-kip-chhī. Tī 1984 nî Ē-mn̂g chiâⁿ-chò 1 ê keng-chè-te̍k-khu.

Au-chiu-lâng tī 1541 nî tio̍h ū tī Ē-mn̂g chò seng-lí. 19 sè-kí ê Ē-mn̂g sī Tiong-kok chú-iàu chhut-kháu tê-bí ê káng-chhī, tì-tio̍h Europa gí-giân khip-siu Hàn-gí ê kòe-têng siū Ē-mn̂g-oē he̍k-chiá kî-thaⁿ ê Bân-gí éng-hióng. Khó-pí kóng, Amoy, tea (tê), cunshaw (kám-siā), ketchup.

Tē-1-chhù (?) A-phiàn Chiàn-cheng liáu-āu chhiam ê Lâm-kiaⁿ Tiâu-iok (1842) iau-kiû khai-hóng Ē-mn̂g kap kî-thaⁿ 4 ê hái-káng, che to̍h-sī Tiong-kok le̍k-sú siōng ê "Ngó·-kháu thong-siong" .

Bûn-hòa[siu-kái]

Chhiáⁿ cham-khó Bân-lâm bûn-hòa

Hêng-chèng tan-ūi[siu-kái]

Ē-mn̂g-chhī ē-kha ū 6 ê khu.

  • Hái-chhng-khu (海沧区)
  • Ô͘-lí-khu (湖里区)
  • Chi̍p-bí-khu (集美区)
  • Su-bêng-khu (思明区)
  • Tâng-oaⁿ-khu (同安区)
  • Siông-an-khu (翔安区)

Su-bêng kap Ô͘-lí-khu tī Ē-mn̂g tó-lāi.

Tī 2003 nî 5 go̍eh, gôan-té ê Kó͘-lōng-sū-khu (鼓浪嶼區) kap Khai-gôan-khu (开元區) ha̍p-pèng kàu Su-bêng-khu. Hēng-lîm-khu (杏林区) kái-miâ chò Hái-chhng-khu. Siông-an-khu ùi Tâng-oaⁿ pun--chhut-lâi.