Thó-lūn:Lîm Gí-tông
(Tùi 林語堂 choán--lâi)
林語堂[kái goân-sí-bé]
林語堂（1895年10月10日 - 1976年3月26日），福建龍溪（這陣的龍海）人，原名叫做和樂， 路尾過名玉堂，後來又閣過做語堂，1912年入去上海聖約翰大學，畢業了後踮清華大學做先生，1919年秋天佇美國哈佛大學文學系(Department of literature of Harvard University)深造，1922年提著碩士學位，了後去到德國萊比錫大學(University of Leipzig)，專攻語言學，1923年提著博士學位，了後倒轉去中國佇北京大學做教授，又閣兼北京女子師範大學教務長佮英文系主任，1924年了後，成做語絲的主筆(主要作者)，1926年擔任廈門大學文學院院長，1927年擔任國家外交部祕書，1932年主編半月刊 論語，1934創辦人世間，1935年創辦宇宙風，倡議寫作的方格就愛堅持"自我為中心，塑造清閒閣四序的風格"，1935年了後，佇美國用英文寫了一寡仔著名的文學作品佮長篇小說，比論講：吾國吾民、京華煙雲、風聲鶴唳等等。
1944年，林語堂對美國倒轉去中國，佇重慶講學，1945年去新加坡籌建南洋大學，佇遐做校長，1952年佇美國和朋友創辦天風雜誌，1966年去臺灣定居，1967年予香港中文大學聘任做研究教授，1975年成做國際筆會副會長，1976年踮香港過身。