Iōng-chiá thó-lūn:Astroviolin

Góa ū khoàⁿ-tio̍h lí siá tī Chhiū-á-kha ê oē, góa kám-kak lí ê POJ siá liáu bē bái, ha̍k-si̍p ê sok-tō· mā chiâⁿ kín, kā lí kiong-hí. Nā ū su-iàu, ē-sái chhì-iōng chit-ê pheng-im kiám-cha-khì (spell checker). A-giâu 09:56, 15 Jī-goe̍h 2006 (UTC)

Category:User languages

Astroviolin,

Góa kā Category:User languages chéng-lí--chi̍t-piàn, goân-chek sī án-ne:

• 1 chióng gí-giân (x) ê lūi-pia̍t (Category:User x) kan-na chhut-hiān 1 pái (kah pa̍t-ê Wikipedia sio-siâng);
• Só·-ū ê gí-giân chân-chhù (-0, -1, -2, téng-téng.) ê lūi-pia̍t (Category:User x-n) kan-na chhut-hiān tī Category:User x ē-kha (kah pa̍t-ê Wikipedia sio-siâng).

Í-siōng ê hun-lūi-hoat ū 1-ê hó-chhù: tùi pa̍t-ê Wikipedia lâi ê lâng m̄-bián koh o̍h 1-ê sin hun-lūi-hoat. Án-ne hó bô?

A-giâu 21:25, 2 Saⁿ-goe̍h 2006 (UTC)

Ah! Án-ne hó! Kî-si̍t goá cha-hng chiah khai-sí siá Babel, jî-chhiáⁿ ōaⁿ-kòe kúi-ā-chióng ê siá hoat, mā-koh chham-khó kúi-ā-chióng ê Wiki pán-pún ê chò-hoat: pí-lūn-kóng góa ê Babel-ia̍h sī chham-khó tio̍h ji̍t-pún-gú Babel ê chò-hoat, (goân-pún hit-ia̍h kin-pún tio̍h bô siá-liáu @@"). Lēng-gōa chit-má sī koat-tēng beh iōng "pān-thò-pān (templates-thò-templates)" ê chò-hoat lâi siá gú-giân ê pān, in-ūi án-ne chiah-sī kha̍h kán-tan khok-chhiong ê program language (í-āu beh siá sim-ê gú-giân ê pān tio̍h chiok-kín ah), chit-pō-hūn góa sī chham-khó Tek-gú Babel ê siá-hoat; m̄-koh chit-má tú-á chiah ôan-sêng bó-gú ê pān niâ, chit-nn̄g-kang ē kāh kî-thaⁿ gúi-kip siá-liáu ^^

Kî-si̍t góa siá ê sî mā-sī ū chi̍t-kóa só·-chāi bô-khoat-teng beh án-chóaⁿ siá, pau-koat lí téng-bīn kóng ê hiah-ê. Góa ē khì kái ^^ to-siā lí :)

M̄-koh siūⁿ-beh-koh khoat-tēng chi̍t-piàn -- sī-m̄-sī kóng chi̍t-chiong gú-giân ê "Category:User lang-x" ê lūi-pia̍t sī "Category:User lang"; jî-chhiáⁿ só·-ū-ê "Category:User lang" ê lūi-pia̍t sī "Category:User languages" án-ne kám-tio̍h? Lēng-gōa kám koh-ū pa̍t-hāng ài chú-ì ê pō-hun leh? Kám-siā li ^^

Goá ê koan-chhat:

• Wikipedia:Babel sī hóng cy:Wicipedia:Babel, só͘-í kàu taⁿ iáu-ū iōng Cymru-oē :) Che chiah ta̍uh-ta̍uh-á lâi kái.
• Lí chò ê Template:Babel language-B kám sī hóng de:Vorlage:Babel field M? Khoàⁿ--khí-lâi ū bô kāng-khoán ê só͘-chāi?
• Chiam-tùi lí mn̄g ê būn-tê: tio̍h, che sī siōng tan-sûn ê chò-hoat. Eng-gí kóng, "Keep it simple".

A-giâu 02:59, 4 Saⁿ-goe̍h 2006 (UTC)

XHTML lang

Astroviolin:

Gí-giân pang-bô· ê "text" parameter ū 1 kù span lang, bo̍k-chêng lang ê ta̍t (value) chhan-chhiūⁿ sī "en" (Eng-gí). M̄-koh XHTML span lāi-bīn ê gí-giân khah chē m̄ sī Eng-gí. Góa ē khai-sí kàu-chèng. Lí nā ū-êng mā chhiáⁿ lí lâi tàu-saⁿ-kāng, ló·-la̍t.

Koh, "letter code" oân-ná ū iōng lang chit-khoán meta chu-sìn, bo̍k-chêng mā siat-tēng sī "en". Letter code sī gí-giân tāi-bé, ē-sái kóng m̄ sī chū-jiân gí-giân. Tú tio̍h chit-ê chêng-hêng, m̄-chai "lang" téng-î "en" kám ū ì-gī, ū chèng-khak? Góa teh siūⁿ, sī m̄ sī kui-khì the̍h tiāu, mài iōng lang? M̄-chai lí ê khoàⁿ-hoat siáⁿ khoán?

A-giâu 23:20, 10 Saⁿ-goe̍h 2006 (UTC)

wikisource

Wikisource hit-pêng góa ū khì chhiam-miâ-a. Ǹg-bāng chin-kín lán tio̍h ū wiki tô͘-su-kóan thang iōng. Pektiong 02:44, 27 Saⁿ-goe̍h 2006 (UTC)

Tóng-àn ē-sái khǹg Commons

Hi, Commons hit pêng oân-ná ē-tàng khǹg siaⁿ-im tóng-àn, khó-pí kóng commons:Category:Languages by country. Hó-chhù sī khǹg hia ta̍k-ê Wikimedia kè-e̍k lóng ē-tàng iōng. A-giâu 12:34, 29 Saⁿ-goe̍h 2006 (UTC)

POJ kàu-châi

Hôa-gí siá ê POJ kàu-châi ōe-sái khǹg-tī wikibook http://zh.wikibooks.org/w/index.php?title=语言&variant=zh-tw Pektiong 01:48, 30 Saⁿ-goe̍h 2006 (UTC)

Choan-iú miâ-sû: Chhe-sū-óa-hū Mi-ū-ó-sū

Kok-ka miâ nā bô thôan-thóng ê hoan-e̍k (chhin-chhiuⁿ "Hoat-kok"), èng-kai iōng thong-iōng ê Latin-jī pún-miâ! Chhiáⁿ m̄-thang o·-pe̍h sóa-ūi. Chhiáⁿ lí kā lí o·-pe̍h sóa-ūi--ê sóa-tó-tńg--khì. – Kaihsu 14:57, 3 Sì-goe̍h 2006 (UTC)

Kaihsu sin seⁿ lí hó! Góa hi-bāng lí m̄-thang ngō·-kái ah. In-ūi góa ê hoan-e̍k chin-chiàⁿ m̄-sī "o·-pe̍h-lâi" -- góa ê múi chi̍t-ê hoan-e̍k, lóng-sī seng khì chhâ: 1. Gôan-pún ê miâ, 2. Nā-sī góa bōe-hiáu thak (ná-chhiūⁿ Arabia), góa lóng ū chhâ im-piau, kap International Phonetic Alphabet (IPA), khoat-tēng liáu āu chiah siá ê.

Tâi-gí bo̍k-chêng sī bô kò·-teng ê hoan-hoat bô-m̄-tio̍h, m̄-koh góa-sī kám-kak nā-sī chi̍t-sî bô sit-kòan, ē-tàng khǹg chi̍t-phiⁿ tùi-chiāu pió tī-leh kok-ka hun-lūi í-hā, jî-chhiáⁿ ū kok-chióng kî-thaⁿ pán-pún ê liân-kiat, jî-chhiáⁿ koh-ū Wiktionary choan-bûn tī-leh chò chit-hāng khang-khòe, góa kám-kak án-ne ê phòe-hap sī chin-hó ê tāi-chì.

Khó-lêng ū lâng kám-kak chò che chin bô-liâu, m̄-koh góa kám-kak ū chi̍t-ê lâng choan-bûn chò chit-ê khang-khòe sī chiok tiōng-iàu ê tāi-chì. Chhiūⁿ Holland hoan-chò Kē-tē-kok, Iceland hoan chò Peng-tē góa kam kak chiaⁿ hó. Jî-chiaⁿ in mā-m̄-sī i̍t-poan ê La-teng jī bó hoan-e̍k. I̍t-poaⁿ lâng hiông-hiông khòaⁿ mā khó-lêng ài siuⁿ chi̍t-ē. M̄-koh bōe-sái kóng án-ne chia-ê tio̍h lóng-sī "o·-pe̍h hoan". Jî-chhiaⁿ góa kám-kak thóng-it chò chit-hang tāi-chì sī pit-iàu ê, bô, cha̍p-phiⁿ bûn-chiuⁿ lāi lóng ū "Holland", ū-ê siá "Niederland", ū-ê siá "Holland", ū-ê siá "Dutch", ū-ê siá "Kē-tē-kok". Góa kám-kak, án-ne chiah kiò-chò "lōan". Góa siuⁿ: nā-sī ū lâng thóng-it kóan e̍k-miâ -- beh sóa-ūi chò-hóe sóa, beh kái chò-hóe kái -- án-ne, khó-lêng hē-thóng lāi khòaⁿ-kí-lâi chiok lōan, m̄-koh tha̍k ê lâng tio̍h bōe lōan. Nā-sī bô án-ne, hē-thóng khó-lêng bô hia lōan, m̄-koh tha̍k ê lâng tio̍h lōan.

Góa siōng siūⁿ beh chò ê tāi-chì tio̍h sī che. Chin-chiàⁿ chiok siū beh chò. Gōan-í choaⁿ-bûn hū-chek chit-ê pō-hūn án-ne mā hó.

Kî-si̍t tī-leh Wiktionary mā-sī ū lâng mn̄g, góa ê hôe-tap sī án-ne --

---

Góa ê khòaⁿ-hoat: Būn-tê sī, siáⁿ-mih sī "pún-miâ" leh? It-poaⁿ kóng "pún-miâ" lóng chiong Eng-bûn tòng-chò sī "gôan-bûn". Chheh-tiàm lāi-bīn ê "gōa-bûn chheh khu", "gōa-bûn chheh", tio̍h tāi-piáu "Eng-bûn chheh". Góa kam-kak án-ne mā-sī chin kî-kòai.

Kú chi̍t-lē, góa kin-á-ji̍t nā-sī beh hoan Italia, góa sī ái kā Italia-gí lāi ê "Italia" tòng-chò "gôan-bûn", ia̍h-sī kā Eng-bûn lāi ê "Italy" tòng-chò "gôan-bûn"? Nā-chún iōng Eng-bûn miâ hó ah, nā-sī chhiùⁿ Eng-bûn "Spain" leh, ia̍h-sī iōng "España" leh? Ná-chhiùⁿ Hôa-gí ê "西班牙", góa siūⁿ èng-kai bô khó-lêng sī úi "Spain" hoan kòe-lâi ê.

Góa jīn-ûi, ē án-ne siūⁿ sī chèng-siông ê. M̄-koh án-ne góa jīn-ûi chí-sī túi "gôan-bûn" bô se̍k niâ. Góa mā-sī bōe-hiáu Arabia, mā-sī bōe hiáu Polish...téng-téng. M̄-koh góa chit-má ê chò-hoat sī, khì kā gôan-pún ê liām-hoat chhâ chhut lâi (góa chit-má ū chò ê lóng-sī chin-chiáⁿ ū khì chhâ). Tong-jiân góa bōe khì kái-piàn ta̍k-ke iōng si̍t-kòan ê "ná-chhiùⁿ Bí-kok, Tek-kok, Hoat-kok". M̄-koh iáu-bōe tēng miâ ê góa siuⁿ ē-ēng án-ne lâi chò. Khó-lêng ū chi̍t-kang kî-tiong chit-kóa-á kok-ka miâ tak ê ia̍h-sī ē si̍t-koan tò-tǹg-lâi iōng Eng-bûn miâ, nā-sī ū, sî-kàu chiah kái mā-sī ē-sái. ^^

M̄-chai góa án-ne siūⁿ hó-m̄-hó. Nā-sī ū bô hó ê só·-chāi chiah-koh hôe-tap góa, hó-bô? Kám-siā lí!

---

Lēng-gōa, góa bô chin-chiàⁿ kian-chhî ê hoan-hoat. Ū koh khah hó ê hoan-hoat mā-sī chin-hó -- chí-iàu chò-hóe kái tio̍h hó... Góa ûi-it khah kian-chhî ê chí-ū -- ài ū thóng-it hū-chek hoan-e̍k ê pō·-mn̂g. Góa chin gōan-í hū-chek gián-kiù che. In-ūi góa kám-kak i̍t-poaⁿ lâng ê bo̍k-piau lóng-sī: siá bûn chiuⁿ, siá bûn chiuⁿ, koh siá bûn chiuⁿ, khó-lêng mā bô-lâng ū sî-kan lâi chhap che... Góa gōan-í kā sî-kan lóng khai tī chia mā bô iàu-kín. Góa án-ne ê siuⁿ-hoat, hó-m̄-hó leh? Chin kám-siā lí lâi koan-sim. :)

--Astroviolin: lâi chhōe góa lim ka-pi! 16:40, 3 Sì-goe̍h 2006 (UTC)

Lán iōng Latin-jī siá, ū ê hó-chhù tō sī chioh Latin-jī ê jī bô būn-tê, m̄-bián chiàu tha̍k-im lâi "hoan-e̍k". Brunei ê hú-siâⁿ sī Bandar Seri Begawan, tō siá "Bandar Seri Begawan" tō hó. Mn̄g lí nā beh siá "Bán-lah-lú Se̍h-jī Be̍h-gā-oan" sī beh chhòng-siaⁿh?? Kám ū ke khah hó khoàⁿ? Hó liām? Hó kì?? Nā ū-lâng siá "Bàn-lā-jû-sé-lí-bē-kā-ôa-an", lí kám kóng i siá m̄-tio̍h?? "Ísland" hoan-e̍k chòe "Peng-tē", "Nederland" hoan "Kē-tē-kok", "Crna Gora" hoan "O·-soaⁿ" sī chiàu ì-sù hoan-e̍k; án-nē chò sī hó, in-ūi pat-chióng gú-giân tùi chiah ê kok-ka mā ū án-ne chò: Pays-Bas, Iceland, Montenegro. M̄-koh che kap chiàu tha̍k-im hoan-e̍k sī bô-kâng--ê. – Kaihsu 17:36, 3 Sì-goe̍h 2006 (UTC)

M... Góa kò-jîn ê siūⁿ-hoat: Kám-ū khah hó khóaⁿ? Sī bô... M̄-koh, kám ū khah hó liām, hó kì? Góa kám-kak: cho̍at-tùi sī ū. Nā m̄-sī in-ūi chit-ê hó-chhù, góa mā bòe án-ne khì chhōe ka-tī mâ-hôan (Jî-chhiáⁿ góa kò-jîn si̍t-chāi chiok bô kà-ì khòaⁿ liân-jī-hō (hyphens) =.=) Hoan-e̍k ê pit-iàu sèng tio̍h-sī -- ta̍k-ke lóng ē-tàng tha̍k ē chhu̍t-lâi! Kin-á-ji̍t chi̍t-phiⁿ bûn-chiuⁿ, hó-pí "Opera" hó ah, lāi-té iû-koh ū Eng-gí, iû-koh ū Italiano, iû-koh ū Tek-gí... Án-ne sī beh án-chóaⁿ thak-leh? Khó-lêng lí ē-hiáu thak, góa gián-kiù chi̍t-ê mā ē-hiáu thak, m̄-koh lāu a-kong, a-má leh? Sió ha̍k-seng leh? Múi chi̍t-ê lâng nā-sī bōe-hiáu thak, tio̍h o·-pe̍h thak (góa kám-kak bô chhì-khòaⁿ-māi hoan-e̍k, tio̍h ē kā būn-tê thoa-kàu sú-iōng ê sî, chit-ê sî chiah chin-chiàⁿ sī "o·-pe̍h-lâi"...) ho·-siōng m̄-chai tī kóng siáⁿ-mí, án-ne chiah sī lōan... Mái kóng kî-thaⁿ gí-giân, Bí-kok Ka-chiu-chiu-tiúⁿ "Arnold Schwarzenegger", ū gōa-chōe lâng kì-ē-tiâu? Ū gōa-chōe lâng ē-ēng tha̍k chèng-khak?

POJ sī La-teng jī-bó, kok-chè-hòa, bô m̄-tio̍h, m̄-koh bô tāi-piáu bô su-iàu kā im hoan-e̍k. Kî-thaⁿ ê gí-giân tī-leh chiap-siu miâ-sû ê sî, mā-sī ke-kiám ē kái chi̍t-ē. Pí-jû kóng Tek-gí tio̍h tiāⁿ-tiāⁿ ē kái ah, Eng-gí "sh" kái chò Tek-gí "sch"; Tek-kok miâ "Friedrich" kàu Eng-gí pián "Frederik"...téng-téng, chia ê lē lóng chin-chōe. Jî chhiáⁿ in ê gí-giân koh ū chin-tōa ê pō·-hūn siō-siâng, khòaⁿ-kí-lâi kán-á phin-im bô chha chin-chōe, m̄-koh mā bô piáu-sī bô hoan-e̍k ê pit-iàu.

Hoan-e̍k sī pit-iàu ê. Bô kan-a in-ūi hó kì, hó thak, koh-ū chi̍t hāng tio̍h-sī -- La-teng gí-hē ê gí-giân, chū-iú chi̍t-thò chò-jī-hoat. Prefix, suffix, root, kap kî-thaⁿ gí-giân lāi ê piàn-hòa. Só·-í in tī-leh khòaⁿ tio̍h kî-thaⁿ gí-giân ê iōng-gí ê sî leh, tio̍h sǹg kóng bōe-hiáu, mā-sī ē-ēng ke-kiám ioh chi̍t-ē. M̄-koh túi góan lâi kóng...Nā-sī bô hoan-e̍k, kam-kóng múi chi̍t ê lâng, kám-kóng lóng ài ē-hiáu chia-ê kui-chek chiah ē-ēng lâi khòaⁿ bûn-chiuⁿ leh? Hó-pí góa siá ê Koa-kio̍k lāi-bīn, "Tàn-seng" hit tōaⁿ, ū chi̍t chōa "Tī-leh Mantova ê Gonzaga hú-tē kah Vicenza chiah-ê só·-chāi, lóng-ū ián kòe Pastorale kah Intermedio ê kì-chài." Nā-chún kin-á-ji̍t góa sī chi̍t-ê bōe-hiáu Italiano ê Bí-kok-lâng hó-ah: góa khòaⁿ-tio̍h "Pastorale" sui-jiân m̄-chai i sī tī-leh tó chi̍t-ê sî-kî, tó chi̍t-ê só·-chāi hoat-seng ê siáⁿ-mi̍h, m̄-koh góa tio̍h ē ioh kóng i khó-lêng sī kap chhân-hn̂g ū-koan-hē; sio-kâng, sui-jiân m̄-chai "Intermedio" sī siáⁿ, mā-sī ē-ēng ioh kóng khó lêng sī bō· kap bō· chi-kan ê siáⁿ-mi̍h mi̍h-kiāⁿ. M̄-koh lâi kàu Tâi-gí, kám-kóng hoan chò "Chhân-hn̂g-kio̍k", "Bō·-kan-kio̍k" bô kah hó? M̄-sī ta̍k-ke chi̍t khòaⁿ tio̍h chai? Siá gôan-bûn sī-m̄-sī siat-tēng sī ta̍k-ke lóng-ū it-tēng ê têng-tō·?

To·ng-jiân téng-kôan chit-tōaⁿ kah ū-koan ì-e̍k, góa mā chai-iáⁿ Peng-tē, Kē-tē-kok chia-ê sī ì-e̍k, kap thâu-chêng ê im-e̍k bô saⁿ sio-kâng, m̄-koh góa beh kóng-ê sī: im-e̍k ia̍h-hó, ì-e̍k mā-hó, lóng-sī ū e̍k khah hó. Kin-á-ji̍t im-e̍k ê kiat-kó bô bóan-ì, ē-ēng ōaⁿ lēng-gōa chi̍t-ê im, bô nā-sī siūⁿ-tio̍h chiok-hó ê ì-e̍k hong-sek mā-sī chin hó. M̄-koh kóng-lâi-kóng-khì.....Ia̍h sī ū e̍k khah hó.:) Che sī góa ê khòaⁿ-hoat.

--Astroviolin: lâi chhōe góa lim ka-pi! 18:56, 3 Sì-goe̍h 2006 (UTC)

Pó·-chhiong chi̍t-ē: góa kám-kak bô hoan-e̍k kán-á sī siat-tēng múi chi̍t-ê lâng lóng ē-ēng khòaⁿ ū, liām ē chhu̍t-lâi. M̄-koh éng-kai kî-si̍t bô siáⁿ khó-lêng... Siūⁿ-khóaⁿ-māi nā bô hoan-e̍k ē hoat-seng siáⁿ-mi̍h tāi-chì -- ta̍k-ke tī-leh thó-lūn sim-ê mi̍h ê sî, it-teng tha̍k-tha̍k-leh hoat-hiān tio̍h pháiⁿ liām ê sî, bōe-chêng-bōe tio̍h ē sú-iōng Hôa-gí im-e̍k ê hoan-e̍k. Nā bô, kàu-hōe lāi-bīn ná-ē tio̍h kā "John" hoan-chò "Io̍k-hān"? Kā "Babel" hoan-chò "Pa-pia̍t"? Nā-sī bô-lâng gián-kiù hoan-e̍k, chia ê tāi-chì mā-sī ē it-tēng tiāⁿ-tiāⁿ hoat-seng. Ūi siáⁿ-mi̍h leh? In-ūi ū iōng chhin-chhiùⁿ ka-tī ê gí-giân ê liām-hoat im-e̍k kòe ê gí-giân, chin-chiàⁿ ū khah-hó kì, hó liām. Só·-í nā-chún Hôa-gí ū ê sû, Tâi-gí bô, it-poaⁿ lâng it-tēng sī khì kā Hôa-gí ê sû chóan hoan kòe lâi... Án-ne kám-ū khah-hó? "John" pián-chò "Io̍k-hān"?? Tó-ūi ū "k" ê im leh?? "Babel" ná-ē hoan-chò "Pa-pia̍t" leh?? "t" ê im tī tó-ūi?? (Tong-jiân góa sī kú-lē niâ, chit-má èng-kai sī bô-kó-lêng khì tāng Sèng-keng lāi-bīn ê miâ.)

Wiki sī chi̍t-ê chiok hong-piān ê só·-chāi, lāi-bīn ê chu-liāu lóng ē-ēng hō·-siōng liân-lâi-liân-khì. Khò chit-ê ki-su̍t kî-si̍t góan ē-ēng kā chu-liāu chéng-lí lia̍t-pió kah chiok-hó-ê. Múi chi̍t-phiⁿ bûn lāi ê sû thóng-it hoan-e̍k, liân-kia̍t kàu thóng-it chéng-lí ê lia̍t-pió, bô khòaⁿ bô ê tō-lí. Beh hoan chò-hóe hoan, beh kái tàu-tīn kái, góa kám-kak án-ne kah-hó. Ôan-chôan bô hoan, chí-ū koh-khah lōan. Che-sī góa kò-jîn siūⁿ-hoat. --Astroviolin: lâi chhōe góa lim ka-pi! 20:06, 3 Sì-goe̍h 2006 (UTC)

Chhiáⁿ seng thó-lūn chiah chò tōa-hêng ê sóa-ia̍h tōng-chok

Astroviolin, góa hi-bāng lí seng thó-lūn chiah chò tōa-hêng ê sóa-ia̍h tōng-chok. Tōa tōng-chok tùi sú-iōng, pian-chi̍p Holopedia ê lâng sī chin tōa ê "kiáu-jiáu". Kiàn-gī lí thó-lūn "im-e̍k" goân-chek, sûi-ê gī-lūn èng-iōng ê chêng-hêng. Góa hoán-tùi lí ka-kī iōng ka-kī ê hong-hoat "im-e̍k", ka-kī koh tōa-liōng sóa chē-chē ia̍h. Chhin-chhiūⁿ Khái-sū kóng--ê, lí ê im-e̍k-hoat bī-pit phēng pa̍t-lâng--ê khah hó. Chhong-pōng tùi Holopedia bô hó-chhù. Chhiáⁿ lí chim-chiok. A-giâu 06:50, 5 Sì-goe̍h 2006 (UTC)

Hó, kám-siā lí. Góa seng bô ài sóa-ia̍h ah. M̄-koh m̄-chai-iáⁿ beh khì toh-ūi thó-lūn hoan-e̍k, jî-chhiáⁿ kán-á mā bô siáⁿ-mi̍h lâng gōan-ì lâi thó-lūn hoan-e̍k, só·-í siūⁿ seng sóa, ū lâng bô bóan-ì hoan-hoat chiah lâi sóa-tǹg-lâi. Ū-lâng gōan-ì thó-lūn góa mā chin hoaⁿ-hí!:)

Lēng-gōa, góa siūⁿ lín khó-lêng koh-ū ngō·-hōe -- góa cho̍at-tùi m̄-sī beh kian-chhî iōng góa ka-tī ê hoan-e̍k hoat lâi chò, tian-tò-péng, góa koh hi-bāng ū koh-khah-chōe ê lâng ē-ēng lâi tàu-tīn siuⁿ. Hi-bāng lí ē-ēng liáu-kái. --Astroviolin: lâi chhōe góa lim ka-pi! 07:03, 5 Sì-goe̍h 2006 (UTC)

Astroviolin, góa liáu-kái lí iáu teh gián-kiù án-choáⁿ "im-e̍k". Góa chit-má ū liáu-kái lí jīn-ûi choán-iú-bêng-sû "im-e̍k" khah "si̍t-iōng" (sui-jiân góa giâu-gî ū hiah hó iōng). Góa mā u khoáⁿ tio̍h lí iōng soá-ia̍h ê tōng-chok "hoat-piáu" lí siōng sin ê gían-kiù kiat-kó. Góa oân-ná ū liáu-kái lí ǹg-bāng ū lâng hām lí thó-lūn chhut 1 ê kiat-kó. A-giâu 07:19, 5 Sì-goe̍h 2006 (UTC)

Góa bô lé-māu, kā lí hōe sit-lé. Góa siōng hôan-ló ê sī, iōng tha̍k-im hoan-e̍k, cheng-ka pún-lâi bô ê siāⁿ-tia̍u, bú-im, téng-téng: pún-lâi bô ê mi̍h, sī beh án-chóaⁿ phiau-chún-hòa? Chit lé-pài kap āu lé-pài siá--ê, in-ūi kí-tî bái, chin khó-lêng siá bô-kâng, chhōe-bô pún-lâi siá ê mi̍h. Chit-ê lâng kap hit-ê lâng siá--ê mā ū khó-lêng bô-kâng, in-ūi beh ka ê mi̍h sī pún-lâi bô--ê, bô sim-mi̍h gôan-chek thang kóng sim-mi̍h-lâng tio̍h, sim-mi̍h-lâng m̄-tio̍h. Nā bô thôan-thóng hoan-e̍k (chhin-chhiūⁿ "Ku-pí-lō·"), tō iōng gôan-bûn siá, ka chù-kái "iōng Hō-ló-ōe siōng chiap-kīn ê hoat-im" án-ne ōe-sái. Hi-bāng lí ōe-tàng chiap-siū. M̄-koh mā pài-thok lí m̄-thang tiāⁿ-tiāⁿ kāng sóa-ūi. – Kaihsu 08:06, 5 Sì-goe̍h 2006 (UTC)

Kám-siā lín ê hôe-tap. Iú-koan Kaihsu sian-siⁿ kóng ê chit-ê būn-tê, góa siuⁿ ê sī: Tio̍h ti̍t-chiap chò chi̍t-tiuⁿ "IPA Im-piau <= tùi-chiàu => POJ" ê pió. Chò chhut-lâi ê pió nā-chún ta̍k-ke lóng bóan-ì, tio̍h chiàu án-ne hoan-e̍k.

Khak-si̍t sī ū chin-chōe im Tâi-gí lāi bô. Hó-pí Hoat-gí ê: u, f, r; Tâi-gí lóng-bô. M̄-koh che bô tāi-piáu góan kā "Fourier" ti̍t-chiap siá chhut-lâi, ta̍k-ke tio̍h ē liām kah tio̍h.

Nā-sī góan koat-teng ê tùi-chiāu, f -> hu, r -> h, ou -> u, án-ne tio̍h ē piàn-sêng "Hu-hi-e̍h"; Nā-bô nā-sī koat-teng iōng Eng-gí lâi chò, koat-teng f -> h, r -> l, ou -> u, án-ne tio̍h sī "Hu-li-e̍h". M̄-koh thó-lūn chhut-lâi tio̍h chin-hó hoan-e̍k loh. Che mā-sī góa hi-bāng ta̍k-ke chò-hóe lâi thó-lūn ê.

Lēng-gōa sī im-tiāu. Im-tiāu góa siūⁿ ê chò-hoat sī iōng POJ tiāu-hō lâi mô·-hóng tiōng-im. Tiōng im-chiat chìn-chêng ê im tha̍k-chò Tâi-gí ê tē 7 im; tiōng im-chiat āu-piah tha̍k tē 3 im; tiōng im-chiat pún-sin tha̍k tē 1 im. Chia-ê sī tha̍k ê sî ê tiāu, siá ê sî iōng "pún-tiāu" lâi siá. Kú chi̍t-ê lē: "curiosity" ê tiōng-im si "curi‵osity", tio̍h siá-chò "khiu-li-á-sī-thì" (góa kú-lē niâ, kî-si̍t chit jī im-e̍k tio̍h hó :D). Chiàu án-ne siá, tiōng im-chiat ê bó-im téng-kôan ê tiāu-hō tú-tú-á hó sī "／"; tiōng im-chiat chêng ê tiāu-ho tú-á hó sī bô; tiōng im-chiat āu ê tiāu-hō sī "－"; chōe-āu im-chiat tú-á hó sī "＼". Góa kám-kak án-ne khòaⁿ khì lâi, tio̍h sǹg-kóng tùi gōa-kok lâng lâi khòaⁿ mā chin ti̍t-koan(直觀), tha̍k ê sî mā bián siūⁿ siuⁿ-kú. Góa chín-chêng kúi ê hoan-e̍k lóng sī iōng án-ne chhì ê. Che sī góa ê khòaⁿ hoat.

M̄-koh ài tùi ta̍k-ke hōe sit-lé. Góa chìn-chêng sī siūⁿ kóng Holopedia sī chi̍t-ê éng-kai hō ta̍k-ke chhì-giām ê só·-chāi, bô-éng-kai kóng che bô su-iàu thó-lūn, tio̍h kóng m̄-thang lâi chò. M̄-koh góa éng-kai seng iōng koh-khah-chōe lat lâi thó-lūn liáu chiah chò. Góa í-āu ē koh-khah chú-ì. Mā ái kā Kaihsu sian-siⁿ kóng pháiⁿ-sè... kî-si̍t ta̍k-ke ē-tàng lâi chò-hóe thó-lūn, góa kám-kak chin hoaⁿ-hí! ^^

--Astroviolin: lâi chhōe góa lim ka-pi! 08:51, 5 Sì-goe̍h 2006 (UTC)

Góa bô hoaⁿ-hí. Góa bô-ài thó-lūn iōng tha̍k-im "hoan-e̍k" ê būn-tê. Che kap í-chêng thó-lūn Hàn-jī toh-chit-jī chiah sī "chiàⁿ-jī" kāng-khóan, lóng sī lōng-hùi sî-kan. Góa beh siá bûn-chiuⁿ, bô-ài bûn-chiúⁿ hōng sóa-lâi sóa-khì. – Kaihsu 08:59, 5 Sì-goe̍h 2006 (UTC)

Kap chiàⁿ-jī bô kâng. Hán-jī sī ū chiok-chōe jī sī kâng-im, só·-í chiah ū hit-ê būn-tê. POJ m̄-sī -- án-chóaⁿ tha̍k tio̍h án-chóaⁿ siá; án-chóaⁿ siá tio̍h án-chóaⁿ tha̍k. Nā-sī ū tùi-chiàu-pió tio̍h chin kán-tan. Nn̄g-hāng tāi-chī bô-kâng.

Hō Kaihsu sian-siⁿ lí kám-kak bô liâu, chin phái-sè. M̄-koh lí kám-kak bô-liâu m̄-sī kóng chit-hāng tāi-chì tio̍h bô ì-gī. Lín kám-kak it-ti̍t siá bûn-chiuⁿ tio̍h hó, góa kám-kak koh-ū it-ti̍t siá í-gōa ê tiōng-iàu tāi-chì. Góa ē seng kā pió siá chhut-lâi chhì-khòaⁿ-māi. Lēng-gōa sī khì chhōe-khòaⁿ-māi ū lâng ū hèng-chhù thó-lūn bô.

Che bōe-tàng kóng sī bô-liâu. Bōe-sái kóng lí kin-á-ji̍t lí tha̍k Hôa-gí, Eng-gí, Tek-gí, kám-kak chit-má chia-ê gí iōng khì-lâi chiok khak-teng, chiok-hó tio̍h bōe-kì-chi̍t in sī keng-kòe gōa-chòe kái-piàn chiah piàn-chò chit-má án-ne. Tio̍h sī ū í-chêng chia-ê gián-kiū, chiah ē hō chit-má chia-ê gí-giân chiah hó-iōng. Chia-ê thó-lūn, ná ē sī bô-liâu leh?

Kin-ná ji̍t góa siūⁿ tio̍h chit-hang tāi-chì, nā-chún góa bô koh kè-sio̍k mn̄g, í-āu mā-sī ē koh-ū lâng thó-lūn. Lí tī Chhiū-á-kha kóng: che í-keng thó-lūn kòe-ah, m̄-bián koh kóng; m̄-koh, góa khì khòaⁿ hoat-hian: chìn-chêng kin-pún tio̍h bô kiat-lūn. Í-chêng ê lâng thó-lūn ê sî, góa khòaⁿ kū-ê bûn-chiuⁿ kám-kak lí ia̍h bô kā sòe-ho̍k; kin-á-ji̍t ia̍h bô kā góa sòe-ho̍k (sui-jiân góa mā chin siūⁿ beh chīn-liōng chiap-siū); í-āu ê lâng nā-sī siūⁿ-tio̍h chia-ê tāi-chì beh-lâi thó-lūn, khó-lêng mā-sī bô hoat-tō lâi kā sòe-ho̍k lâi chiap-siū. Che tio̍h sī góa kóng beh lâi thó-lūn ê ì-gī. M̄-sī góa chhìn-chhái siūⁿ tio̍h siáⁿ tio̍h beh lâi "ke-pô".

Koh kú chi̍t-ê lē: Chit-má ê Tek-gí, pí-kàu khì-lâi, sī khah sin ê gí-giân. (Lí khòaⁿ Eng-gí, hoat-gí lāi-bīn, siá kap tha̍k chha-chin-chōe, tio̍h sī in-ūi keng-kòe chiok-chōe sî-kan liáu-āu, hoat-tián gí-giân chiah piàn án-ne ê.) Tek-kok kàu kin-á-ji̍t iáu-koh múi chi̍t-tòaⁿ sî-kan tio̍h ē khui-hōe lâi thó lūn in-ê gí-giân ê piau-chún. Lí khòaⁿ in mā-sī tiāⁿ-tiāⁿ kā "ß" kap "ss" ê siá-hoat kái-kòe lâi -- koh kái tǹg-khì...XD. Góan chia-ê gōa-lâng lâi khòaⁿ khó-lêng lóng ē kám-kak chia-ê Tek-kok-á ná-ē chiah-nī-á bô liâu leh? M̄-koh che tùi in lâi kóng chiok ū ì-gī. Che sī in tùi in ê gí-giân ê tiōng-sī, ē tiāⁿ-tiāⁿ thó-lūn ka-tī ê gí-giân án-chóaⁿ ē piàn kah khah-hó. Án-ne chin-hó ah, m̄-sī bô-liâu.

M̄-koh ia̍h-sī chin kám-siā lí hō góa chai-iáⁿ Holopedia ê chiân-pōe sī án-chóaⁿ siūⁿ ê ah. Mā khah chai-iáⁿ ū siáⁿ-mi̍h khang-khòe ái chò. Ia̍h-sī chin kám-siā lī hō góa su-khó chiaⁿ-chōe. Góa iû-gôan chin hoan-hí.:)

--Astroviolin: lâi chhōe góa lim ka-pi! 10:42, 5 Sì-goe̍h 2006 (UTC)

請與我聯繫

您好。維基媒體協會的正式名稱即將經由投票命名投票出來，待名稱確定之後，我就會開始整理文件要送到內政部去。其中發起人名冊的製作需要各位配合，請與我聯繫。來信請告訴我以下事項（因為事涉隱私，請不要在我的討論頁上留言，請使用系統寄發電子郵件的功能）：

1. 方便籌備事宜聯繫
   1. email
   2. 居住地區（非戶籍地，而是平常出沒的地區）
2. 發起人名冊需要資料
   1. 姓名
   2. 性別
   3. 出生年月日
   4. 身分證統一編號
   5. 簡歷
   6. 現職
   7. 學歷（學校科系所）
   8. 聯絡電話

關於身份證要怎麼收集，還有發起人名冊上的簽章要怎麼簽，我會進一步通知大家。如果對個人資料的提供有疑慮，請先不要寄給我，先把email和居住地區告訴我，我好安排發起人名冊製作事宜。--211.72.108.19 15:53, 13 Sì-goe̍h 2006 (UTC)

Wiktionary

Astroviolin, I'm A-yao. May I please ask if you're still continuing your Kok-ka-mia5 because the Min Nan Wiktionary is not enough with only Chùn-hiàn and me editing and progressing the project. If you don't, please tell me at my User talk in Wiktionary so I'll know if you'll continue or not. Thanks.

關於福州語的回復

Astroviolin 你好，莫稱呼我“先生”啦，我們倆的年紀可能差不多。^^

關於你提出的福州話連讀變調的問題，我的答復如下：

• 華語wiki上關於福州話雙字連讀變調的表格，粉紅色的為前字，淺藍色的為後字。
• 至於三字連讀變調的規則，後兩個字總是符合雙字規則，但第一個字的規律就不那麽好找了。我家裡有一本書，書的作者把三字連讀變調的規則畵成了一張蠻複雜的表。我試圖把這張表畵在wiki裡，但總是不成功，就只好暫時先擧個“獨立日”的例子説明。比如，“獨立日”，“立日”兩個字抽出來看，它們的變調規則就符合雙字規則。
• 馬祖母語教材裡的記音方式有兩種：一種是國際音標的方式，那個是學術界統一的，右上角的五度標音數字表示的是變調後的調值；另一種是注音符號的方式，我猜想是為了方便馬祖小朋友學習而設計的（因爲除了我爺爺那一輩的人以外沒人認得這種標音方式）。
• 平話字和白話字一樣，都是標本調，而不是變調。

還有什麽問題，歡迎來問，我很樂意幫忙！--GnuDoyng 17:11, 24 Saⁿ-goe̍h 2007 (UTC)