Thó-lūn:Bán-bīn

挽面[kái goân-sí-bé]

挽面是一款自古早就有的美容術，挽面就是用幼棉線佮白粉共面裡的毛、thiâu仔子佮tēng皮剾落來，予面變較光滑閣幼皮，佇中東、南亞、東亞攏有挽面的傳統。

往早並毋是攏總的查某人攏會使挽面的，若照傳統的風俗，猶未出嫁的少年查某囡仔就袂使挽得，(人因)著等甲欲出嫁進前，祖先拜了，才予親情內底有歲佮有福氣的查某序大替新娘仔做頭一改的挽面，煞了後查埔這爿才包紅包予挽面的序大做禮。

較早婦人人除去照時間固定挽面，閣有幾个仔特別的日子嘛會挽免，比論新正的時，二四送神了後，隔轉工愛挽面，表示改頭換面，若五月節、中元節等等的節日嘛會刁工去挽面。

因為較早的人認為挽面會當共歹運擲挕捒，所以年仔節就較會去挽面。

挽面的家私真簡單，干焦一蜷棉線佮一盒號做膨粉的白粉爾定。

這起芡會先共膨粉抹佇面裡，通吸收面油，予棉線較好通共毛剾起來，閣來就用一條棉線相扯，用手對線中央咬咧，才雙手掠雙頭，志力來剾面，咬毛、thiâu仔子佮tēng皮剾起來，(敖力)挽面的人挽了真清氣佮袂痛，鋩角有三點，第一是愛會曉志力，第二是棉線愛繃絚倚予峇，佮加上跤手猛掠，按呢就會較順序。