Thó-lūn:Pò͘-tē-hì

頁面內容不支援其他語言。
Wikipedia (chū-iû ê pek-kho-choân-su) beh kā lí kóng...
tóng-àn:PiLiSuHuanJen.jpg
布袋戲尪仔

布袋戲是一種地方戲劇,閩南布袋戲主要流行佇閩南臺灣,並且佇臺灣得著真大的改良,上出名的,比論黃俊雄布袋戲,算是臺灣電視布袋戲的代表,伊的表演藝術佮語言風格有真懸的水準,布袋戲佇臺灣甚至發展成做一款流行文化

有關布袋戲的記載[kái goân-sí-bé]


布袋戲佇中國民間,嘛叫做手中傀儡,伊的歷史譀譀久長,根據武林舊事東京夢華錄的記載,中國宋代的時著已經有布袋戲的表演出現佇宮廷宴會當中。

閩南布袋戲上早出現佇明朝嘉靖的時代,傳說講,泉州秀才梁炳鳞因為考功名無牢,心情鬱卒,有一工伊招朋友鬥陣去泉州開元寺抽籤卜卦,相命先佇伊的手掌寫了五个字功名在掌中,Lái講這个梁先生從對開元寺倒轉來了後,嘛毋捌閣考著功名,伊看破流浪佇街頭巷尾,講古度日子,因為驚見笑,刁工用一塊布簾仔掠面,無愛予人認出伊來,伊自我解說講這號做隔簾仔講古,有一日,一个人傀儡戲的師傅嘛來聽梁秀才講古,這个人傀儡尪仔的師傅感覺梁秀才講古講了真正讚,尤其語言趣味閣kho̍k-khe(笑詼),故事講甲徛真徛現,了後,這个傀儡師chôaⁿ建議粱秀才講古的時著愛手提傀儡尪仔,那講那弄,並且教伊弄傀儡尪仔的撇步,這以後,佇閩南地區著沓沓仔出現這種手中傀儡戲,因為傀儡尪仔的身軀是用布做的lâng-á-pak,親像布袋,在地的百性chôaⁿ共伊號做布袋戲。

不而過另外閣有一種講法,講彼是因為表演的家私頭仔真簡單,干焦有一跤布袋著會當四界去表演,所以叫做布袋戲。

文字記載講,布袋戲開始佇泉州這个所在時行起來,差不多是佇清朝乾隆的時代,佇清代,泉州府管轄之下的五个縣攏有專題咧弄布袋戲趁食的家族。

布袋戲的派系[kái goân-sí-bé]


古早人講,布袋戲代先出現佇泉州府五个縣,路尾才閣傳到漳州府這角勢,逐漸形成兩个無siâng的派別,總的來講,泉州的布袋戲予人叫做南派,漳州的布袋戲號做北派,南派的表演是模仿泉州在地的傀儡戲,用指頭仔弄,這著是傀儡掌中班,另外若是模仿梨園戲表演的,叫做梨園掌,北派的表演方式主要是模仿京劇,所以人叫做京班體。

外部連接[kái goân-sí-bé]