Thó-lūn:Thu̍t-the

頁面內容不支援其他語言。
Wikipedia (chū-iû ê pek-kho-choân-su) beh kā lí kóng...
落胎的情形

飼奶動物來講,脫胎落胎[1]流產是指胚胎抑是胎兒未曾出世,捾膭(有膭抑是有身的狀態)就提早扯煞,脫胎有可能是家己發生的,這定定是因為過程中有佗位出問題的起致,若人類有當時仔會刁工做予脫胎,這叫做拍脫身

幼胎佮囡仔胎的區別[kái goân-sí-bé]


人有身了後著用38禮拜通長成了後出世,一般是老母上尾擺月身了後40禮拜了後就生囝,佇老母腹肚咧生長的上起頭8个禮拜就叫做幼胎(英語:embryo),閣來的32禮拜就叫做囡仔胎(英語:fetus)。

脫胎的類型[kái goân-sí-bé]


脫胎有兩个大類,有時陣是有身的過程中脫胎,結果幼胎抑囡仔胎自按呢死去,這个情形號做母身死

脫胎是一寡時陣對婦人人是蓋危險的,婦人人生囝嘛真艱計,伊凡勢真煩惱,閣檢采伊無想欲愛囡仔,若按呢,伊就有可能刁工共扯煞,這个情形,就叫做拍脫身。

頂懸這兩款,若幼胎抑囡仔胎對子宮出來,就是完全脫胎,有時陣,幼胎抑囡仔胎會猶原留佇子宮裡,這號做脫胎敗馬(missed abortion),若脫胎敗馬,著透過手術共胎提出來,按呢婦人人才袂感染破病。

拍脫身(刁工予脫胎)[kái goân-sí-bé]

詳細:人工流產

名稱[kái goân-sí-bé]

若胎是因為自然的因端佇有身的頭20禮拜裡死去,咱講小產抑落胎,若佇第20到37禮拜就生囝,就是早產(無足月生),胎若佇20禮拜了後佇子宮死去,或是生的時chuâⁿ死,就叫做死胎抑是死產(英語:stillbirth),早產佮死胎一般無看做是小產。

參考資料[kái goân-sí-bé]

  1. 朱子宏、張子嚴,「醫院台語教學」,國立台灣大學醫學院