Thó-lūn:Tn̂g-siâⁿ

長城

長城

長城，或者是講萬里長城，是中國幾仔堵長形城壁的總號名，起造、重起佮維護的時間真長，對公元前五世紀到公元十六世紀攏有大大細細的工事進行，起造的目的是欲保護逐時代佇現此時中國的帝國，通避免北爿民族的攻擊。

長城毋但一loa̍h爾定，上早的的年代通揪到公元前五世紀，若上出名的是佇公元前220到200年，秦始皇所下令起造的彼段長城，彼當陣起的，佮現此時較齊全的部份比起來，佇咧的所在閣較北爿，毋過古早的長城今已經賰無若濟啊，目前較齊全的長城，是大明帝國起造留落來的，長城是通世界上長的人造建築物，差不多有6,400 公里遐爾長，行的路線約略仔是順內蒙古的南墘，長城oān-nā是自早到今，人類所起造的建築物內底，表面積佮體積上蓋大的。