Bí-chiu kiàn-siàu-chháu

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
?Bí-chiu kiàn-siàu-chháu
Bí-chiu kiàn-siàu-chháu
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Fabales
Kho: Fabaceae
A-kho: Mimosoideae
Sio̍k: Mimosa
Chéng: M. diplotricha
Ha̍k-miâ
Mimosa diplotricha
C. Wright
Tông-gī-miâ

Mimosa invisa Mart.

Bí-chiu kiàn-siàu-chháu (Hàn-jī: 美洲見笑草; Hôa-gí: 美洲含羞草; ha̍k-miâ: Mimosa diplotricha) kui-sio̍k-î tāu-kho (Leguminosae), sī to-nî-seng chháu-pún si̍t-bu̍t. I-ê goân-sán-tē sī jia̍t-tāi Bí-chiu, tī Tâi-oân i taⁿ chiâⁿ-chòe kui-hòa-chéng. Tī Tâi-oân i hun-pò· tī tiong-lâm-pō· ê pêⁿ-tē kàu kē hái-poa̍t soaⁿ-khu, seⁿ tī lō·-piⁿ, pha-hng-tē. Kui-nî-thàu-tang lóng-ū khui-hoe. Kah-ì seⁿ tī kui-kang ū ji̍t-thâu pha̍k ē-tio̍h ji̍t ê khoân-kéng.

Hêng-thāi[siu-kái]

Keng ū 4 chōa lêng-kak, kap 4 pâi ba̍t-ba̍t-ba̍t ê tò-chhah-chhì. Keng ê ki-pō· ē bo̍k-chit-hoà. Hio̍h-á seng-tióng sūn-sū sī hō·-seng, jī-hôe í-chōng ho̍k-hio̍h, í-phìⁿ 3~8 tùi, hio̍h-me̍h ū chhì. Hio̍h-phìⁿ nā kā tāng--tio̍h ē khoan-khoan-á ha̍p--khí-lâi.

Hoe sió-sió--á, ū ba̍t-ba̍t-ba̍t ê tn̂g hoe-si, sī kiû-hêng thâu-chōng hoe-sū. Hoe-sek hún-âng-sek, hoe ê ti̍t-kèng siāng-tōa ē-sái ta̍t-kàu 15 mm.

Kóe-chíkiap-kó, koh kiò-chò chiat-gia̍p-kó, siāng-chē kàu 5 chat, gōa-hêng sī píⁿ-píⁿ pêⁿ-pêⁿ tn̂g thó-îⁿ-hêng, ū chiâⁿ ba̍t ê té chhì kap ngē mo·.

Bí chiu kiàn-siàu-chháu