Chiáu-lô
?Chiáu-lô | ||||||||||||||
---|---|---|---|---|---|---|---|---|---|---|---|---|---|---|
Seng-bu̍t-ha̍k hun-lūi | ||||||||||||||
| ||||||||||||||
Ha̍k-miâ | ||||||||||||||
Ipomoea quamoclit L. |
Chiáu-lô (Hàn-jī: 蔦蘿; Eng-gí: cypress vine; ha̍k-miâ: Ipomoea quamoclit L.) ia̍h sī kiò sin-niû-hue, chi̍t-nî-seⁿ tîn-pún si̍t-bu̍t. Goân-pún seⁿ-tī jia̍t-tāi Bí-chiu, tī 1911 nî tùi Ji̍t-pún ín-ji̍p-lâi Tâi-oân chai-chèng.
Thoàⁿ-chéng ê hoat-tō·[siu-kái | kái goân-sí-bé]
Chhái-iōng chéng-chí pò-chéng-hoat, hoat-gê-lu̍t koân, gâu seⁿ-thoàⁿ.
Seng-tióng ê koàn-sì[siu-kái | kái goân-sí-bé]
Seng-tióng ê sok-tō· kín, tī iú-ki-chit thô·-jiáng seⁿ tio̍h chiâⁿ hó-sè, seng-tióng kî-kan ài chù-ì im-chúi kap si-phûi; kah-ì kui-kang ū-ji̍t ê khoân-kéng, ji̍t-thâu nā bô-kàu, kan-taⁿ hoat keng-ki bē khui-hoe.
Iōng-tô·[siu-kái | kái goân-sí-bé]
Hio̍h-á kap hoe lóng chin-súi, khoàⁿ-súi ê soan-tîn si̍t-bu̍t.
Hêng-thài[siu-kái | kái goân-sí-bé]
Hio̍h-á hō·-seng, ú-chōng, sió-hio̍h iù-iù tn̂g-tn̂g nā-chhiūⁿ chiam.
Hoe chhim âng-sek mā-ū pe̍h-sek; hoe-koan nā-chhiūⁿ lāu-á, hoe-tâng iù-iù tn̂g-tn̂g, chiâⁿ-bīn khoàⁿ gō·-chheⁿ-hêng; chū-thâu pe̍h-sek thâu-chōng. Hoe-pèⁿ sió-kóa-á chho·-chho· kāu-kāu.
Koé-chí sī sok-kó, ke-nn̄g-hêng, chū-thâu siù-chûn tī koâng-téng, chiâⁿ-chò 1 ê chiam-chiam ê hêng. Chéng-chí khò-ngē sī o·-sek ê.