Chiúⁿ Keng-kok

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Chiúⁿ Keng-kok ê Koaⁿ-hong siòng

Chiúⁿ Keng-kok (蒋经国/Chiang Ching-kuo, 1910 nî 3 ge̍h 18 hō ~ 1988 nî 1 ge̍h 13 hō ), Chiat-kang Hōng-hòa lâng, Tiong-kok hiān-tāi tù-miâ chèng-tī-ka Chiúⁿ Kài-se̍k ê tióng-chú, Tiong-hôa Bîn-kok tē-6 kap tē-7 jīm chóng-thóng ( 1978 nî ~ 1988 nî chāi-ūi ).

Keng-le̍k[siu-kái]

Chiúⁿ Keng-kokChiúⁿ Kài-se̍k hām i ê tōa-bó· ( tōa-chiá ) Mô· Kok-mûi seⁿ--ê. Chiúⁿ Keng-kok chhut-sì tī Chiat-kang Hōng-hòa, 1922 nî tiàm Siōng-hái chiū-ha̍k, 1925 nî 10 ge̍h, khì-kàu chêng-So·-liân ê Bo̍k-su-kho liû-ha̍k, tī hia ka-ji̍p Kiōng-san-tóng, pēng-chhiáⁿ hām 1-ê tng-tē ê ko·-niû 芬娜 (āu--lāi kòe miâ Chiúⁿ Hong-liông ) kiat-liân-lí, chò ang-á-bó·. 1937 nî Chiúⁿ chhōa bó·-kiáⁿ lī-khui Bo̍k-su-kho, tò-tńg kàu Tiong-kok.

Chiúⁿ Keng-kok chêng-keng tam-jīm sam-bîn chú-gī Chheng-liân-thôan kàn-sū-tiúⁿ, Tâi-ôan-séng tóng-pō· chú-jīm úi-ôan, Hêng-chèng-īⁿ īⁿ-tiúⁿ chià-ê chit-bū.

Ka-têng[siu-kái]

Chiúⁿ Keng-kok kah i ê khan-chhiú--ê ( ke-āu ) Chiúⁿ Hong-liông seⁿ-io̍k 3-ê hāu-seⁿ kah 1-ê cha-bó·-kiáⁿ. 3-ê hāu-á sī Chiúⁿ Hàu-bûn, Chiúⁿ Hàu-bú kah Chiúⁿ Hàu-ióng. In ê cha-bó·-kiáⁿ miâ hō-chòe Chiúⁿ Hàu-chiong. Che i-gōa, Chiúⁿ Keng-kok tī gōa-khàu koh hām sè-î-á Chiong A-jio̍k seⁿ 1-tùi siang-seⁿ-á, to̍h-sī Chiong Hàu-giâm kah Chiong Hàu-chû