Chiong Lí-hô
Chiong Lí-hô (Kheh-ōe: Chûng Lî-fò; Hàn-jī: 鍾理和; 1915 nî 12 goe̍h 15 ji̍t – 1960 nî 8 goe̍h 4 ji̍t) sī Tâi-oân chi̍t-ūi sió-soat-ka, i sī Lio̍k-tui Kheh-lâng, ūi Pîn-tong ê Ko-chhiū chhut-sì, āu-lâi poaⁿ-khì Bî-long.
I-ê tāi-piáu-chok ū Li̍p-soaⁿ Lông-tiûⁿ (笠山農場), Ú (雨), Goân-hiong-jîn (原鄉人) kap Pîn-chiān Hu-chhe (貧賤夫妻) téng. I it-seng ê chhòng-chok lóng-chóng ū tiông-phian siáu-soat 1 phō, tiong-phian siáu-soat 7 phō, toán-phian siáu-soat 41 phō, iáu-koh ū pō͘-hūn koa-si kap sàn-bûn téng.