Goân-chho͘ o͘-khang

NASA oē ê o͘-khang.

Goân-chho͘ o͘-khang (primordial black hole) sī 1 chióng lí-lūn-siōng ê o͘-khang (black hole), i m̄ sī chheⁿ in-ūi tāng-la̍t pang-lap (gravitational collapse) lâi chō-chiâⁿ--ê, i sī ú-tiū tī phòng-toā chá-kî in-ūi bu̍t-chit ê bi̍t-tō͘ thài koân lâi ín-khí. Chiàu toā-phek-le̍k ê lí-lūn, ú-tiū chho͘-kî bi̍t-tō͘ kap un-tō͘ lóng put-chí-á koân, nā ū sím-mih só͘-chāi bu̍t-chit ê bi̍t-tō͘ khah koân--koá, tō ē chō-chiâⁿ o͘-khang; chiah-ê o͘-khang koh ē it-ti̍t lâu kaù taⁿ.