Hūi-oaⁿ-koān

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Hūi-oaⁿ-koān (惠安县), Hok-kiàn-séng Chôan-chiu-chhī kóan-khu lāi ê chi̍t-ê kōan.

Hūi-oaⁿ-koān
Tang-keng 118°38'~119°05'
Pak-úi 24°49'~25°15'
Bīn-chek 668k㎡
Jîn-kháu 92 bān (2001 nî)
Tāi-má 350521
Iû-chèng pian-má 362100
kōan-tī Lê-siâⁿ-tìn

Tē-lí[siu-kái]

Hūi-oaⁿ tòa leh Hok-kiàn-séng tang-lâm iân-hái, tang-pêng óa Tâi-ôan-hái-kiap, lâm-pêng liâm Chìn-kang-chhī, sai-pō͘ chiap Chôan-chiu chhī-kau, pak-pō͘ kap Sian-iû-kōan. Hūi-oaⁿ ê khì-hāu sio̍k-î lâm-a-jia̍t-tài hái-iû-hêng kùi-hong khì-hāu. Chôan-kōan lâm-pak siāng tn̂g beh-óa 47 km, tang-sai siāng khoah tit-beh 42 km.

Hêng-chèng khu ōe-hun[siu-kái]

Lê-siâⁿ-tìn (螺城镇), Chiông-bú-tìn (崇武镇), Tang-niá-tìn (东岭镇) Tang-hn̂g-tìn (东园镇) N̂g-tn̂g-tìn (黄塘镇) Chēng-hong-tìn (净峰镇) Lê-iûⁿ-tìn (螺阳镇) Lo̍h-iûⁿ-tìn (洛阳镇) San-hâ-tìn (山霞镇) Thô͘-chē-tìn (涂寨镇) Bóng-chhoan-tìn (辋川镇) Tiuⁿ-pòaⁿ-tìn (张坂镇) Pek-kiā Hôe-chio̍k-hiuⁿ (百崎回族乡)

Le̍k-sú[siu-kái]

Hūi-oaⁿ kiàn-kōan tī Pak-sòng Heng-kok 6 nî (kong-gôan 981 nî), kàu-taⁿ 1000 gōa nî ê le̍k-sú.

Hôa-kiâu kah Tâi-pau[siu-kái]

Hūi-oaⁿ sī Hok-kiàn chú-iàu ê kiâu-hiong, mā-sī Tâi-ôan-lâng chú-iàu ê chó·-ke chit-chi̍t. Hôa-kiâu kah Káng-Ò hiong-chhin ê lâng-sò͘ liōng-kî-iok 80 bān. Thiaⁿ-í-kóng Tâi-ôan Hō-ló cho̍k-kûn tang-tiong, ū 96 bān lâng chó·-ke tī Hūi-oaⁿ.

Phoh-si̍t ê hiuⁿ-lí[siu-kái]

Chêng kó͘-chá kàu-taⁿ, Hūi-oaⁿ-lâng to̍h thàu-té thong-kòe hái-lō͘ lâi kah gōa-hiuⁿ lâng, gōa-kok lâng chòe-seng-lí. Bêng, Chheng chit 2-ê tiâu-tāi, Hūi-oaⁿ chit-tah ê iâm-tiâⁿ siāng-kài chōe, it-ti̍t kàu-kah chit-mái, Hūi-oaⁿ chhut-sán ê iâm iu-gôan sī chiàm-kàu Hok-kiàn chôan-séng ê 1/4. Che í-gōa, Hūi-oaⁿ ôan-á chhut-sán hái-lê, in-ūi hái-lê ê sán-liōng kôan, phín-chit koh hó, nî-kú-go̍eh-chhim, lâng chôan kā Hūi-oaⁿ iū-koh hō chi̍t-ê miâ, kiò-chòe "Lê-siâⁿ", āu--lâi, "Lê-siâⁿ" mā chôan-á pìⁿ-chòe Hūi-oaⁿ-kōan ê kōan-siâⁿ.

Chhī hái-lê, pha̍k-iâm lia̍h-gōa, tī Hūi-oaⁿ iá-koh ū 2-chióng kó͘-ló ê hâng-gia̍p thèng-hó the̍h chhut-lâi kóng, he to̍h-sī phah-chio̍h-á kah chòe-thô͘-chúi. Hūi-oaⁿ ê chio̍h-châi, só͘-liōng chin-chiàn chōe, sī tú-miâ ê hoa-kong-giâm sán-tōe. Hiān-chú-sî, chôan-kōan lóng-chóng ū chiâⁿ-cha̍p-bān ê phah-chio̍h-sai kah thô͘-chúi-sai. Hūi-oaⁿ tiàm Tiong-kok Tāi-lio̍k, it-kòan hō͘ lâng o-ló chòe "chio̍k-tiau kah kiàn-tiok chi-hiong".

Chham-khó[siu-kái]

Gōa-pō͘ liân-kiat[siu-kái]