Hugo Wolf

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Hugo Wolf ê bōng-pâi

Hugo Wolf (1860 nî 3 goe̍h 13 – 1903 nî 2 goe̍h 22) sī hoat-chó͘ tī Slovenija ê Tang-kok chok-khek-ka; i ê Tek-gí gē-su̍t-koa (Lied) te̍k-pia̍t chhut-miâ. I ūi Lô-bān sî-kî boán-kî ê koa-á hêng-sek toà lâi 1 khoán chi̍p-tiong ê piáu-ta̍t jia̍t-tō͘. Chit-khoán kán-séⁿ bē-su āu--lâi Sin Wien Ga̍k-phài (Second Viennese School), chóng--sī ki-su̍t-te̍k ū toā cheng-chha. I it-seng ū kúi-ā-pái chhòng-chok-la̍t te̍k-pia̍t heng ê sî-kî, iû-kî 1888 kàu 89 nî hit-chām-á. Chóng--sī in-ūi gâu ut-chut, bē-tit soà-chiap. Siōng boé chok-phín tī 1898 nî, āu--lâi mûi-to̍k ná siong-tiōng, lâng khí-siáu, koè-sin.

Toān-kì[siu-kái]

Thâu-khí-seng Wolf ùi lāu-pē (1 ê seng-lí-lâng) hia o̍h koá im-ga̍k. Āu--lâi khì tī Wien Im-ga̍k-īⁿ, 18-kò-goe̍h tō hông thoè-o̍h. Soà--lo̍h-lâi chhì kà-chheh, chí-hui, bô sūn-lī, kái tô͘ siá im-ga̍k phêng-lūn. Hit-tang-sî sù-siông phô͘ Richard Wagner, kong-kek Johannes Brahms, tì-tio̍h kiat chē chē oân-siû.

Chok-phín[siu-kái]

I it-seng oân-sêng 240 tiâu koa, lēng-goā ū 1 siú hō͘ hiân-ga̍k-khì ê Italia Sió-iā-khek. Wolf tùi kok-chióng koa-si ū chin bín-kám, téng-chin ê lí-kái kap chhú-lí, te̍k-pia̍t sī Eduard Mörike, Joseph von Eichendorff, Johann Wolfgang von Goethe ê chok-phín. Tī i ê koa lāi-bīn, im-ga̍k hām si-kù kau-chiam thàu-thiat, lâi chiâⁿ-chò 1 siú "sim-lí-te̍k ê koa-iâu", āu--lâi ū lâng o-ló i sī Tek-gí gē-su̍t koa-á chhui kàu chīn-pōng ê tāi-piáu-sèng jîn-bu̍t.

Koa-kio̍k[siu-kái]

Koa[siu-kái]

Ga̍k-khì[siu-kái]

  • D Sió-tiāu Hiân-ga̍k Sù-tiông-chàu (1878-84)
  • Penthesilea (1883-85)
  • Italia Sió-iā-khek (1887)

Chham-khó chu-liāu[siu-kái]

  • Gammond, Peter. (1988). The Harmony Illustrated Encyclopedia of Classical Music. New York, NY: Harmony Books. ISBN 0-517-57094-7.