Hui-chiu Cho͘-ha̍p

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Khioh-khì Morocco í-goā ê Hui-chiu kok-ka lóng ka-ji̍p tī Hui-chiu Cho͘-hap--ni̍h.

Hui-chiu Cho͘-ha̍p (African Union, kán-séng chò AU) sī 53 ê Hui-chiu kok-ka cho͘-sêng ê kok-chè cho͘-chit. I tī 2002 nî tiàm Durban khí-ki. Hui-chiu Liân-bêng ē sêng-li̍p ê bo̍k-tek, sī beh thè-oāⁿ Hui-chiu Thoân-kiat Cho͘-chit (Organisation of African Unity, OAU) kap Hui-chiu Keng-chè Liân-ha̍p (African Economic Community, AEC) chit 2 ê khah chá tō ū ê cho͘-chit.

Hui-chiu Cho͘-ha̍p bī-lâi ū beh kiàn-li̍p Hui-chiu tan-it ê hoè-pè kap sio-chéng-hoē tan-it ê kun-tuī. I kap pa̍t-ê to-kok cho͘-chit sio-siâng, tī chóng-pō͘ ū siat 1 ê lāi-koh.

Tong-goân-chhe khí-chō Hui-chiu Cho͘-ha̍p sī beh khak-pó Hui-chiu Tāi-lio̍k ê bîn-chú, jîn-koân kap ē-thang î-chhî ê keng-chè hoat-tián, te̍k-pia̍t sī ū siūⁿ-beh kā Hui-chiu kok-ka tiong-kan ê chhiong-thu̍t chhé-soah, thang kiàn-lip ū èng-hāu ê kiōng-tông chhī-tiûⁿ.

Mā thang chham-khó[siu-kái]

Pa̍t-ê bāng-chām[siu-kái]