Jī-sò͘

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Jī-sò͘ sī 1 hūn bûn-kiāⁿ (document) lāi-té (word) ê chóng-sò͘.

Lō͘-ēng[siu-kái]

Chin chē só͘-chāi ū hān-chè jī-sò͘ chē-chió, chhiūⁿ ha̍k-su̍t lūn-bûn, hoat-lu̍t bûn-kiāⁿ, ...

Beh tō͘ phah-jī iah sī tha̍k-chheh ê sok-tō͘, jī-sò͘ chē-chió tō chin iàu-kín.

Ke-si[siu-kái]

Chi̍t-koá bûn-su chhú-lí (word processing) ê nńg-thé lóng ē kah sǹg jī-sò͘ ê ke-si. Chhiūⁿ OpenOffice ê Writer ē-tit ēng menu ê tòng-àn\sèng-chit\thóng-kè lâi sǹg, Microsoft Word ē-tit ēng menu ê ke-si\jī-sò͘ thóng-kè lâi sǹg. Tī Unix, Linux chit lūi ê hē-thóng ē-tit ēng wc lâi sǹg.

Án-choáⁿ sǹg[siu-kái]

Bo̍k-tek bô kâng, jī-sò͘ ê sǹg-hoat mā bô sio-siâng. Chhiūⁿ chù-kái (footnote) tō ē-tàng sǹg, mā ē-tàng bô sǹg. Che tio̍h khoàⁿ nńg-thé (software) ê ián-soat-hoat (algorithm) án-choáⁿ chhú-lí, bô kāng nńg-thé sǹg--chhut-lâi ê kiat-kó ē ū cheng-chha.

Iáu bô nńg-thé thang ēng chìn-chêng, Eng-gí tiāⁿ ēng 5 ê jī-goân (character) chò 1 jī lâi sǹg. Bûn-kiāⁿ nā sī ēng kò͘-tēng-khoah-tō͘ (monospace) chhiūⁿ phah-jī-ki (typewrite) hit khoán ê jī-thé (font), ēng 1 jī 5 ê jī-goân chit tiâu kui-chek, jī-sò͘ tō chin hó chat.

Kin-kì Tâi-gí-bûn gí-liāu-khò͘ 2005 nî 7 goe̍h ê POJ gí-liāu, phó͘-lio̍k-á ū 3,415,031 ê im-chat (syllable) lâi sǹg, POJ ê bûn-chiūⁿ 1 ê im-chat chha-put-to ū 5.1 ê jī-goân.

Kin-kì Tâi-gí Su-bīn-gí Im-chat Sû-pîn Thóng-kè chit ê kè-oē ê lô-má-jī chu-liāu, 3,462,367 ê im-chat chha-put-to sī 2,436,599 jī, POJ 1 jī chhat-put-to 1.42 ê im-chat, 7.2 ê jī-goân.

Hiān-chú-sî ê nńg-thé ē-tit lī-iōng khang-pe̍h (whitespace) kap chi̍t-koá piau-tiám hû-hō chò keh-kài chū-tōng lâi sǹg jī-sò͘.

Goā-pō͘ liân-kiat[siu-kái]