Kài-hoà

Kài-hòa (Hàn-jī: 鈣化; Eng-gí: calcification) sī kài-iâm tîm-chek tī iú-ki cho·-chit lāi-té, sú-tit i pìⁿ tēng ê kòe-têng.

Êng-ióng-put-liông-sèng kài-hòa

Êng-ióng-put-liông-sèng kài-hòa (dystrophic calcification) sī siū-siong, piàn-sèng, he̍k sí--khì ê cho·-chit lāi-té kài ê tîm-chek, ē hoat-seng tī hiat-kài lông-tō· chèng-siông ê chêng-hóng. Tī jīm-hô hêng-sek ê cho·-chit siū-siong i lóng-ē sán-seng, m̄-koh ū pū-lâng e̍k-hòa (suppurative liquefaction), gêng-hiat hāi-sú (coagulation necrosis), chí-hông piàn-sèng (fatty degeneration), kap kàⁿ-sò· hāi-sú (enzymatic necrosis) ê chêng-hóng te̍k-pia̍t ē tú--tio̍h. Siāng-chia̍p tú--tio̍h ê chióng-lūi sī kiat-he̍k hāi-sú (tuberculous necrosis), tōng-me̍h-ngē-hòa (arteriosclerosis), kap lia̍p-á-jiah (scar). Khí-hōaⁿ, chhùi-chi̍h, he̍k chhùi-phóe sī siāng-gâu hoat-seng êng-ióng-put-liông-sèng kài-hòa ê pō·-ūi.