Kǹg-thih

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Kǹg-thih.
Kǹg-pán, chi̍t-khóan kǹg-thih sán-phín.

Kǹg-thih sī lī-iōng thih (Fe) chham chió-liōng ê thòaⁿ (C) só͘ liān-chè chhut-lâi ê ha̍p-kim. I-kù su-kiû, béng (Mn), koh (Cr), (W) chham hōan (V) téng-téng ê goân-sò mā-sī kǹg-thih ê gôan-liāu. Liān-chè kǹg-thih ê kòe-têng hō-chòe liān-kǹg, sī siōng ki-pún ê chè-chō-gia̍p chi-it.

Tēng-gī[siu-kái]

Fe-C ha̍p-kim ê chōng-thài piàn-hòa.

kim-sio̍k-ha̍k ê tēng-gī lāi-bīn, "kǹg" sī thòaⁿ (C) hâm-liōng 0.0218% kàu 2.14% (chit-liōng ê %) chi-kan ê Fe-C jī-gôan ha̍p-kim. Nā-sī chhiau-kòe 2.14% hō-chòe chù-thih (鑄鐵); bōe-móa 0.0218% ê hō-chòe thih.

Gôan-lí[siu-kái]

Thòaⁿ gôan-chú ē kau-chham ji̍p-khì thih ē kim-sio̍k chiⁿ-thé lāi-bīn, kái-piàn thih gôan-chú ê pâi-lia̍t hong-sek. Liān-chè un-tō͘ ê ko-te piàn-hòa, chham thòaⁿ ê pi-lē, ē éng-hióng kǹg-thih ê sèng-chit.

Le̍k-sú[siu-kái]

Kó͘-chá sî-tāi chiū-ū kǹg-thih, tī Tang-hui ū hoat-hiān kong-gôan-chêng 1400 nî ê kǹg.[1]. Tī Kó͘-lô-má, chham Tiong-kok ê Chiàn-kok Sî-tāi mā-ū.[2]Ìn-tō͘ , tāi-iok kong-gôan-chêng 300 nî chiū-ū kǹg-thih, jî-chhiáⁿ chè-chō ki-su̍t tī 5-sè-kí thôan-kàu Tiong-kok.[3] Tiong-kok tī 11-sè-kí ê Sòng-tiâu, í-keng ū hoat-bêng chiap-kīn hiān-tāi ê nn̄g-khóan liān-kǹg ki-su̍t.[4]

Sán-gia̍p[siu-kái]

Kǹg-thih sī chin-chōe sán-gia̍p ê gôan-liāu, ē éng-hióng kui-ê keng-chè ê hoat-tián, in-chhú, kǹg-thih ê chè-chō sī tiōng-iàu ê keng-chè chí-piau. Kun-kù 2006 nî ê chu-liāu, thong-sè-kài kǹg-thih sán-liōng siāng-chē ê kok-ka sī Tiong-kok, koh-lâi sī Ji̍t-pún.[5] Sán-liōng tē-it ê kong-si sī ArcelorMittal.

Hun-lūi[siu-kái]

Sêng-hun hun-lūi[siu-kái]

  • Thòaⁿ-kǹg
    • Kē-thòaⁿ-kǹg
    • Tiong-thòaⁿ-kǹg
    • Ko-thòaⁿ-kǹg
  • Ha̍p-kim-kǹg
    • Kē-ha̍p-kim-kǹg
    • Tiong-ha̍p-kim-kǹg
    • Ko-ha̍p-kim-kǹg

Hêng-chōng hun-lūi[siu-kái]

  • Khúi-tiâu (軌條)
  • Hêng-kǹg (形鋼)
  • Pāng-kǹg (棒鋼)
  • Sòaⁿ-châi (線材)
  • Kāu-iong-pán (厚中板)
  • Po̍h-pán (薄板)
  • Kǹg-kóng (鋼管)

Chham-khó chu-liāu[siu-kái]

  1. Civilizations in Africa: The Iron Age South of the Sahara
  2. Wagner, Donald B. (1993). Iron and Steel in Ancient China: Second Impression, With Corrections. Leiden: E.J. Brill. ISBN 90-04-09632-9. Page 243.
  3. Needham, Volume 4, Part 1, 282.
  4. Robert Hartwell, 'Markets, Technology and the Structure of Enterprise in the Development of the Eleventh Century Chinese Iron and Steel Industry' Journal of Economic History 26 (1966). pp. 53-54
  5. International Iron and Steel Institute (2006). "World Steel in figures", abgerufen am 14. Januar 2006 (PDF, englisch)

Ia̍h khòaⁿ-māi[siu-kái]