Keh-nâ-chhài

Wikipedia (chū-iû ê pek-kho-choân-su) beh kā lí kóng...
Lian--khì ê keh-nâ-chhài

Keh-nâ-chhài ia̍h keh-mî-chhài (ha̍k-miâ: Brassica oleracea Alboglabra Group) sī Brassicaceae ka-cho̍k ê si̍t-bu̍t. I sī iá-seng ê Brassica oleracea ê 1 khoán chai-poê-chéng (cultivar), kap hoe-chhài, chheⁿ-hoe-chhài (broccoli), ko-lê-chhài kāng chéng (species).

Keh-nâ-chhài ê hio̍h-á khoah-khoah kāu-kāu, keng chho͘. Chhut-hiān tī Tiong-hoâ liāu-lí, te̍k-pia̍t sī Kńg-tang chhài. Hio̍h-á kap keng lóng ē-chia̍h-tit, bô chhiūⁿ Se-iûⁿ ê chheⁿ-hoe-chhài kan-taⁿ chia̍h i khui-hoe ê pō͘-ūi.