Ko͘ Liâm-siông

Ko͘ Liâm-siông (辜濂松, 1933-nî 9-goe̍h 8-ji̍t ~ 2012-nî 12-goe̍h 6-ji̍t) sī Tâi-oân ê khì-gia̍p-ka, Lo̍k-káng Ko͘-ka sêng-goân chi it, chāi-seⁿ sî sī Tiong-kok Sìn-thok Kim-iông Khòng-kó͘ Kong-si ê táng-sū-tiúⁿ. Bat chò kòe Tiong-hôa Bîn-kok Chóng-thóng-hú chu-chèng, Tâi-pak Kok-chè Siā-khu Bûn-hòa Ki-kim-hōe (ICRT) táng-sū chú-sek. Mā sî-siông tāi-piáu Tâi-oân chhut-sek A-thài Keng-ha̍p-hōe (APEC) ê khì-gia̍p léng-siù gōa-kau hōe-gī. Jî-chhiáⁿ tn̂g-kî chi-chhî bûn-hòa sū-gia̍p Sin-bú-tâi (新舞臺).