Poe-o͘

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Ha̍k-miâ Cheilopogon exsiliens ê poe-o· lóng-chóng ū 4-ê "si̍t".

Poe-o· mā hō-chò poe-hî, sió-o· ia̍h-sī iàn-chú-hî. Sī chha-put-to 70-chióng hî-á ê chóng-miâ. Lóng-chóng hun-chò 7 kàu 9 ê sio̍k. Sī seng-o̍ah tī hái--ni̍h ê hî.

Poe-o· chú-iàu tī jia̍t-tài kap a-jia̍t-tài ê hái-iûⁿ lāi-té. In ê heng-ia̍t chin tōa phìⁿ, hō· in ē-tàng tī thiàu-chhut chúi-bīn liáu-āu, té-chiām poe--chi̍t-tè-á, lâi siám-phiah tùi-te̍k.

Ū chi̍t-kóa poe-o· ê pak-tó·-ia̍t mā chiâⁿ tōa phìⁿ, soah bē-su ū 4-ê si̍t.

Poe-o· sī Lân-sū gôan-chū-bîn Tao-cho̍k chú-iàu ê chia̍h-mi̍h, Ji̍t-pún mā ū tia̍t-pia̍t ēng chit-khóan hî-bah chò ê susi.