Saⁿ-kak-hio̍h se-hoan-liân

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Passiflora suberosa (flower).jpg

Saⁿ-kak-hio̍h se-hoan-liân (Hàn-jī: 三角葉西番蓮; ha̍k-miâ: Passiflora suberosa) kui-sio̍k-tī Se-hoan-liân-kho, sī to-nî-seng soan-tîn-sèng siông-le̍k tîn-pún si̍t-bu̍t. Chôan-ji̍t-chiò he̍k pòaⁿ-ji̍t-chiò ê khoân-kéng sī I kah-ì seng-tióng ê khoân-kéng.

Tâi-oân hun-pò· tī pêⁿ-tē kàu kē-hái-poa̍t ê soaⁿ-khu, seng-tióng tī chhiū-nâ-piⁿ, koàn-bo̍k-châng, he̍k chhiûⁿ-á. Kui-nî-thàu-tang lóng-ē khui-hoe.

Hêng-thài[siu-kái]

Keng phòa jiû-nńg ê mo·, ū kńg-chhiu.

Hio̍h-á hō·-seng, ke-nn̄g-khoán saⁿ-kak-hêng, 3 lia̍t, lióng-bīn phòa mo·.

Hoe-go̍k lián-á-hêng, 5 lia̍t, n̂g-le̍k-sek, ti̍t-kèng ū-kàu 18 mm; bô hoe-pān, m̄-koh ū si-chōng ê hù-hoe-koan; hoe tiāⁿ-tiāⁿ sêng-siang-sêng-tùi seⁿ tī hio̍h-á-pèⁿ kah keng sio-chiap ê só·-chāi (kòe-hīⁿ-khang-seⁿ, he̍k e̍k-seng).

Chiuⁿ-kó chhin-chhiūⁿ kiû-hêng, se̍k-chúi āu chí-o·-sek.