Sarah Flannery

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Sarah Flannery (1982 nî —) tī Éire Contae Chorcaí chhut-sì, 16 hoè ê sî tī Baltimore Ki-su̍t (Baltimore Technologies) si̍t-sip koè chi̍t-chām-á, liáu-āu hoat-tián Cayley-Purser ián-sǹg-hoat, boé--á tit tio̍h 1999 nî BT Chheng-siàu-liân Kho-ha̍k-ka kap Ki-su̍t Tián-lám (BT Young Scientist and Technology Exhibition) ê chóng koan-kun. Sarah ê gián-kiù kè-oē hō chò "Àm-bé-ha̍k - Chi̍t ê sin ê ián-sǹg-hoat kap RSA ê pí-phēng" ("Cryptography - A new algorithm versus the RSA"), mā tit tio̍h 1999 nî Au-chiu Liân-bêng Chheng-siàu-liân Kho-ha̍k-ka Pí-sài (European Union Contest for Young Scientists) ê kim-pâi. Sarah kap lāu-pē ha̍p-siá ê chheh In Code tī 2001 nî chhut-pán.

Sarah boé--á khì Cambridge Tāi-ha̍k Peterhouse Ha̍k-īⁿ tha̍k tiān-náu kho-ha̍k, 2003 nî chhut-gia̍p. 2006 nî ê sî tiàm tī Tiān-chú Gē-su̍t (Electronic Arts) khang-khoè.

Ka-cho̍k[siu-kái]

Sarah Flannery ê pē-bú sī David kap Elaine Flannery. Ū 4 ê sió-tī.

Chham-khó chu-bo̍k[siu-kái]

Siong-koan chu-liāu[siu-kái]

Goā-pō͘ liân-kiat[siu-kái]