Si--sī Si̍t-su Sú

Wikipedia (chū-iû ê pek-kho-choân-su) beh kā lí kóng...

Si--sī Si̍t-su Sú (施氏食獅史) sī gí-giân-ha̍k-ka Tiō Goân-jīm (趙元任) só· siá ê "siat-hān bûn-chiuⁿ" (設限文章), choân-bûn 92 ê hàn-jī, ta̍k jī ê Hôa-gí hoat-im to-sī shi, cheng-chha siaⁿ-tiāu bô siâng. Tiō--sian siūⁿ-beh iōng che lâi chèng-bêng "Tiong-bûn" Latin-hòa sī kiâⁿ bē-thong--ê, La-teng-hòa liáu-āu, ē ke chin oh khu-pia̍t kāng-im ê oē-kù.

Chóng--sī, nā iōng Bân-lâm-gí lâi tha̍k, chia ê hàn-jī ê Bân-lâm-gí tha̍k-im tō pí Hôa-gí khah to-goân-hòa, pau-koat ū se, si, su, sek, sip, sit 6-chióng im. Put-jî-kò, chit khoán to-goân-hòa tùi liáu-kài bûn-chiuⁿ ê ì-gī ū pang-chān a̍h bô, sī 1 ê koan-kiàn.

Bûn-chiong[siu-kái | kái goân-sí-bé]

Goân-bûn[siu-kái | kái goân-sí-bé]

《施氏食獅史》

石室詩士施氏,嗜獅,誓食十獅。
氏時時適市視獅。
十時,適十獅適市。
是時,適施氏適市。
氏視是十獅,恃矢勢,使是十獅逝世。
氏拾是十獅屍,適石室。
石室濕,氏使侍拭石室。
石室拭,氏始試食是十獅。
食時,始識是十獅屍,實十石獅屍。
試釋是事。

Bûn-tho̍k[siu-kái | kái goân-sí-bé]

Phó͘-thong-oē-pán[siu-kái | kái goân-sí-bé]

Shī Shì shí shī shǐ

Shí shì shī shì Shī Shì, shì shī, shì shí shí sh.
Shì shí shí shì shì shì shī.
Shí shí, shì shí shī shì shì.
Shì shí, shì Shī Shì shì shì.
Shì shì shì shí shī, shì shǐ shì, shǐ shì shí shī shì shì.
Shì shí shì shí shī shī, shì shí shì.
Shí shì shī, Shì shǐ shì shì shí shì.
Shí shì shì, Shì shǐ shì shí shì shí shī.
Shí shí, shǐ shí shì shí shī shī, shí shí shí shī shī.
Shì shì shì shì.

Bân-lâm-gú-pán[siu-kái | kái goân-sí-bé]

Si--sī Si̍t Su Sú

Se̍k sek si sū Si--sī, sī su, sè si̍t si̍p su.
Sī sî-sî sek chhī sī su.
Si̍p sî, sek si̍p su sek chhī.
Sī-sî, sek Si--sī sek chhī.
Sī sī sī si̍p su, sī sí-sè, sú sī si̍p su sē-sè.
Sī si̍p sī si̍p su si, sek se̍k-sek.
Se̍k-sek sip, sī sú sū sek se̍k-sek.
Se̍k-sek sek, sī sú sì si̍t sī si̍p su.
Si̍t sî, sú se̍k sī si̍p su si, si̍t si̍p se̍k su si.
Sì sek sī sū.