Tâi-oân ESP Hia̍p-hōe

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Tâi-oân ESP Hia̍p-hōe (Ji̍t-gí: 台湾エスペラント協会), Ji̍t-pún thóng-tī sî-tāi ê Tâi-oân Sè-kài-gí cho·-chit. Pān-sū-chhù siat tī Tâi-pak Báng-kà Ē-khàm. Tōa-tiū-tiâⁿ sī chú-iàu ê oa̍h-tōng hoān-ûi. Hia̍p-hōe ê chiân-sin hō·-chò "Ji̍t-pún ESP Hia̍p-hōe (Japana Esperantista Asocio) Tâi-oân-chi-pō·", iû Kodama Sirô (児玉四郎) tī 1913 nî chhòng-pān. Āu--lâi iû So· Phek-hui (蘇璧輝), Liân Un-kheng (連溫卿) hoāⁿ, jī-chhiáⁿ kā kái-miâ.

Hia̍p-hōe bat hoat-hêng goe̍h-khan La Verda Ombro (1919-1924, "Le̍k-ǹg" ê ì-sù), chú-pian sī Liân sī. La Verda Ombro bat hām pa̍t-kok ê cho·-chit chò khan-bu̍t kau-oāⁿ ê kau-liû.

Hia̍p-hōe ū chiam-tùi sè-kài pa̍t-ūi ê chèng-tī hoat-tián hoat-giân. Tī 1932 nî 11 goe̍h 6, in tī Tâi-oân Sin-bîn-pò hoat-piáu khòng-gī Ji̍t-pún chhim-lio̍k Tiong-kok Tang-pak ê bûn-chiuⁿ, m̄-koh hō· tong-kio̍k san-tû. Tī 1933 nî Hia̍p-hōe sêng-li̍p "Deutsch Hoán-bûn-hòa Khòng-gī Tông-bêng" khòng-gī Tek-kok Adolf Hitler ê chèng-tī. In kó·-chhoe Sè-kài-gí ê oa̍h-tōng mā siū-tio̍h kéng-chhat ê kan-sia̍p.

1990 nî sêng-li̍p ê Tajvana Esperantista Asocio [1] kap ESP Hia̍p-hōe bô le̍k-sú-siōng ê koan-hē.

Tù-chok[siu-kái]

  • 組織的研究エスペラント講習書 (日本エスペラント協会台湾支部編; 191?, Tâi-oân, 緑星社)

Chham-khó chu-liāu[siu-kái]