Tang Timor

Tang Timor

Tang Timor Bîn-chú Kiōng-hô-kok (Tetum: Republika Demokratika Timor Lorosa'e, Portugal-gí: Republica Democratica de Timor-Leste), sio̍k-chheng Tang Timor, sī tiàm tī Tang-lâm-a ê tó-kok, léng-thó͘ pau-koat Timor-tó ê tang-poàⁿ-pêng; Atauro, Jaco chit nn̄g-ê tó; kap Oecussi-Ambeno chit-ê tī Ìn-nî Se Timor ê hui-tē (enclave).

Timor pún-sin ū "tang" ê ì-sù, só͘-í Timor Lorosa'e ū "tang (tó) ê tang-pêng" ê ì-sù.

Tang Timor tī 1975 nî 11-goe̍h 28 soan-pò͘ tùi Portugal to̍k-li̍p. 2002 nî 5-goe̍h 20 (chèng-sek) koh tùi Ìn-nî to̍k-li̍p chhut-lâi.

Ki-pún chu-liāu

• Koaⁿ-hong gí-giân: Tetum, Portugal-gí
• Siú-to͘: Dili
• Chóng-thóng: José Ramos Horta
• Chhoā-thâu ê pō͘-tiúⁿ: Xanana Gusmão
• Kok-koa: Pátria ("Pē ê Tē")
• Kok-hō: "Honra, Pátria e Povo" (Portugal-gí, "Êng-ū, Pē ê Tē, kap Jîn-bîn")
• Bīn-chek: 15,007 km²
• Jîn-kháu:
  • 1,019,252 (2004)
  • Bi̍t-tō͘: 68/km²

Siang-koan ê bûn-chiuⁿ

• Pátria: Tang Timor ê kok-koa