Template:In the news
Wikipedia (chū-iû ê pek-kho-choân-su) beh kā lí kóng...
- Bí-kok kap Lō͘-se-a ê kho-ha̍k-ka chhoē tio̍h siāng tāng ê hoà-ha̍k goân-sò͘ Uuo, goân-chú-hoan 118. 2002 nî bat ū ké-paû ê hoat-hiān, chit pái ū keng-koè khah giân-keh ê khak-jīn.
- Nobel Hô-pêng Chióng pan hō͘ Bangladesh ê Muhammad Yunus kap i hoat-khí ê Grameen Gîn-hâng. In khai-hoat bî-sìn-iōng ê tāi-kim chè-tō͘.
- Google kong-si tng teh hām soàⁿ-téng iáⁿ-phìⁿ bāng-chām YouTube tâm bé-siu, khó-lêng ē ēng kè-ta̍t 16.5-ek bí-kim ê Google kó͘-phiò kā YouTube bé--lo̍h-lâi.
- Nobel Hoà-ha̍k Chióng pan hō͘ Roger Kornberg. I gián-kiù chin-he̍k sè-pau ê choán-lio̍k thêng-sū.
- Nobel Bu̍t-lí-ha̍k Chióng pan hō͘ John C. Mather kap George F. Smoot. In hoat-hiān ú-tiū bî-pho poē-kéng hok-siā ê chi̍t-koá te̍k-chit, tùi liáu-kái Toā-phek-le̍k ū pang-chān.
- Nobel I-ha̍k Chióng pan hō͘ Andrew Z. Fire kap Craig C. Mello. In hoat-hiān RNA kan-gāi.
- Abe Sinzô (siòng) tòng-soán chiâⁿ-chò Ji̍t-pún tē-90-jīm ê siú-siòng. I sī Tē-jī-chhù Sè-kài Tāi-chiàn kah taⁿ, siōng-kài siàu-liân ê Ji̍t-pún siú-siòng.
- Thài-kok kun-hong thàn chóng-lí Thaksin Shinawatra tī Bí-kok chham-ka Liân-ha̍p-kok tāi-hoē ê sî, khòng-chè chèng-hú kap tiān-sī-tâi, soan-pò· kài-giâm. Che sī Thài-kok chit 15-tang thâu-chi̍t-pái ê kun-tūi chèng-piàn. Kun-hong tī keh-tńg-kang kóng, in chip-chèng sī chiām-sî--ê, tī chèng-tī kái-kek liáu-aū, ē kā chèng-koân hêng hō· jîn-bîn.
Kî-thaⁿ ê sin-bûn
