Thó-lūn:Kok-chè Hêng-sū Kéng-chhat Cho͘-chit
國際刑事警察組織[kái goân-sí-bé]
國際刑事警察組織四常簡稱做Interpol，也就是伊的英文 "International Criminal Police Organization"的簡寫，伊佇1923年成立，當原初是號做"國際刑事警察委員會" (International Criminal Police Commission)，後來佇1956年改做現此時的名，"Interpol"這个簡寫自本是欲做收銅線批的位址的，尾仔才沓沓仔時行起來。
今這个組織是通世界第二大的國際組織，干焦較輸聯合國，下跤是國際刑事警察組織的一寡資訊：
歷史[kái goân-sí-bé]
國際刑事警察組織佇1923年踮東國開始運作，彼當陣是號做"國際刑事警察委員會" (International Criminal Police Commission, ICPM)，佇第二次世界大戰的中間，納粹帝國(Nazi Germany)占東國，也國際刑事警察委員會自按呢予納粹控制，替納粹收集濟濟無仝款的資訊，大戰煞了後，比利時(Belgien)、法國、斯堪地那維亞(Skandinavia)佮英國的高級軍官對伊做嶄然濟改革，也這个組織以新的款式繼續運作。
組織[kái goân-sí-bé]
國際刑事警察組織祕書處(The Interpol General Secretariat)就是組織的總部，佇組織裡，上大的頭人是總長(president)，閣來是一个祕書長，2001年的時，有對54國約其略384人佇祕書處作穡，往擺(人因)辦公時間是早起9點到下晡5點，毋過今是規年迵天24點鐘攏無歇，仝2001年彼冬，國際刑事警察組織有鬥逮捕抑揣著差不多1400个人，大部份是罪犯。
運作[kái goân-sí-bé]
國際刑事警察組織並無政治的向倚，只要是牽涉較加一个國家的範圍抑事件，伊就會介入，遮的khè-suh(case)比論：
經過遮濟冬，國際刑事警察組織已經發展出伊工作的手路，伊佇逐个會員閣攏有一个特別辦公室，名號做國家中央辦公室 (National Central Bureau, NCB)，若有需要的時，國際刑事警察組織就會佮遮的辦公室連繫，來提資訊或者是進行必要的行動，倒反來看，遮个佇逐國的辦公室嘛會代表會員國佮國際刑事警察組織連繫通做查詢抑要求協助。
國際刑事警察組織嘛收集大量關係犯罪佮罪犯的資訊，親像非法的毒品交易，拍毋見也是予人偷提的護照佮簽證，會員國攏會用得使用遮的資訊，這个組織的人員並無直接處理查巡抑調查的工課，, 伊的運作基本的是靠透過佇逐个會員國的警察。
相關文化[kái goân-sí-bé]
- 有一个樂團嘛號做國際刑警(Interpol)