Thó-lūn:Koa-si

詩

詩是文學的一个款式，佇誠濟所在，攏有久長傳統佇咧，詩定倚韻(嘛有詩無押韻的)，內容來講, 或是寫感覺、感情，或是記錄代誌佮光景，佇濟濟所在佮時代，詩攏是真重要的一類文學作品。

印字的技術普及了後，誠濟詩的作品攏用活字印版，嘛開始有較濟人公開朗讀詩作，抑是配曲來唱，現此時，嘛定有公開共詩朗讀或是配合音樂來表演的活動，比論臺北市的歌詩節，閣逐年五月節的詩人節攏是。

往過吟詩是指共漢詩配曲來唱的意思，這款活動，佇中國、日本、臺灣或是別位屬佇漢字文化區的所在，攏捌真時行。

詩捷捷是以感動抑思情做中心來創作的，閣大部份的詩攏比散文較短，致使詩比較加真對重表現的手路，嘛咱佇詩呢會較捷發現修詞技巧的使用。

窮實欲講啥款作品是詩，啥款作品毋是，有時陣真僫掰會. 有的作品有倚韻, 總是算佇押韻的散文，有的詩煞無倚韻, 毋過予人講做是詩。

一般學者會用作品內底有詩質 ( 詩的性質)無，來判斷這作品是毋是，毋過若欲叫學者共"詩質"講予明閣到角，恐驚仔嘛無人講有路。

詩的部類

下跤的分類，並毋是講逐首詩攏會用得共歸屬佇下面的獨獨一類，比論講一首詩，伊有可能是自由詩，嘛仝時是口語詩，親像這款情形，咱就會當用口語自由詩，抑文言格律詩的款式來叫(人因)。

詩佇無仝地區定定有無仝的固定形式，像日本就無俳句等等的濟濟格律詩體佇咧，所以下跤所舉的並無齊全。

形式的部類

• 格律詩
• 漢詩

• 古體詩

• 古詩
• 樂府

• 今體詩

• 絕句
• 律詩

• 自由詩 - 對照格律詩來講，無固定格律的詩就是自由詩。
• 散文詩

照描寫的對象來分的部類

• 敘情詩
• 敘景詩
• 敘事詩

用文字的文白來分

• 口語詩
• 文言詩

時代的部類

• 現代詩
• 古早詩

詩人

下跤是一寡重要的詩人：

• 李白
• 杜甫