Thó-lūn:Chhit-goe̍h-pòaⁿ

中元普渡

舊曆7月15是中元普渡，一般嘛定定共叫做七月半，臺灣傳統舊曆的七月是鬼月，15這工拜好兄弟，這个普渡的例是對佛教的盂蘭盆(Ullambana)來的，總是佇臺灣民間普遍較無佛教的氣味。

緣由

---

普渡的緣由有真濟講法佮傳說，主要是共佛說盂蘭盆經的內容提來加油添醋，一个講法是按呢：

目犍連(Maudgalyayana)是佛的門生，伊上(敖力)展神通，有一日伊的神魂出體，去到西天，看著伊過身的老爸佇遐徛起，伊感覺真滿意，紲來伊閣去到地獄，無張持煞看著(人因)老母墜落惡鬼道咧受苦，閣枵閣寒，揣無物件通食嘛揣無衫通穿，顧監的共講，(人因)老母在生傷掩貪，出家人來共分，伊攏毋分人，這馬應該做惡鬼，永遠無法度食飽穿燒，目犍連看了不忍心，就展伊的神通，變出一塊桌的酒菜予食，(人因)老母欲去食的時，嚨喉管煞規个勼起來，無法度共菜吞落腹，目犍連閣變出一軀衫予穿，(人因)老母一伸手沐著衫，衫煞燒起來，無奈何目犍連轉去問佛講，愛怎樣才會當救(人因)老母，佛講神通不敵業力，愛十方眾生同齊發願才有法度，就教伊佇7月15彼工，請十方眾生備辦白飯、五果、香燭、洗跤手面水等等，供應十方大德眾生，做功德予7世來的爸母，按呢才會當順紲救著目犍連的老母。

這个布施予出家人的做法，才沓沓仔變做祭拜好兄弟。

外部連結

---

• http://jing.loxa.edu.tw/ghost.html