Tiô-thoà-koān

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Tiô-thoà-koān (长泰县), Tiong-kok Hok-kiàn Chiang-chiu-chhī kóan-ha̍t ê 1-ê kōan, tiàm tī Bân-lâm saⁿ-kak-chiu ê tiong-sim tē-tài, lī Ē-mn̂g-chhī 56 km, lī Chiang-chiu chhī-khu kan-na 20 km. Chit-tah óa soaⁿ kīn hái, khì-hāu sio-lō, khôan-kéng iu-bí, kau-thong lī-piān, peh-sèⁿ an-hô-lo̍k-lī.

Chiang-chiu-chhī
Tiô-thoà-koān
Kōan-tī Bú-an-tìn
Bīn-chek 912.67 km²
Jîn-kháu 18.6 bān

Tē-lí chō-piau

Tang-keng 117°36′17″-117°57′37″
Pek-úi 24°33′50″-24°55′22″
Hêng-chèng kip-pia̍t Kōan
Iû-chèng pian-má 363000
Tn̂g-tô͘ tiān-ōe khu-hō 0596


Hêng-chèng tan-ūi[siu-kái]

Chôan-kōan lóng-chóng 5 ê hiuⁿ-tìn, 1 ê kok-ka lông-tiûⁿ, 1 ê séng-kip khai-hoat-khu. Kōan-tī siat-tī Bú-an-tìn (武安镇).

Tē-lí khôan-kéng[siu-kái]

Tiô-thòa ê tē-sì sī pak-pêng kôan, lâm--sì kē, chū lâm hiòng pak ta̍uh-ta̍uh-á chhèng-kôan, chéng-kô ê tē-hêng tú-hó chhan-chhiūⁿ sī chi̍t khut bé-kha-ìn. In-ūi te̍k-sû ê tē-hêng, ē-tàng ū-hāu chó͘-tòng hong-thai kah hân-liû ê si̍p-kek.

Tiô-thòa khì-hāu un-hô, khong-khì sin-sián, hiān-tāi kang-gia̍p ê un-lián chiâⁿ chió, sī chi̍t-ê kài sek-ha̍p khia-ke ê só͘-chāi. Chit-tah sio̍k-î lâm-a-jia̍t-tài hái-iûⁿ-sèng ê khì-hāu, nî pêng-kun khì-un phó͘-lio̍k 21 ℃. Hō͘-chúi chhiong-chiok, nî kàng-hō͘-liōng ta̍t-kàu 1460 kong-lî. Iú-lī ê khí-hāu khôan-kéng iu-kî sek-ha̍p lâi chai-chèng lông-chok-bu̍t.

Thó·-te̍k-sán[siu-kái]

Lô͘-kam, iū-á, lêng-géng, nāi-chi, keng-chio, mô͘-ko͘, íu-ki so͘-chhài, tê-le̍k (tê-chhiⁿ), môa-tek, téng-téng.

Che í-gōa, Tiô-thòa-kōan ê thiok-bo̍k-gia̍p kah chúi-sán ióng-si̍t (chiáⁿ-chúi) óan-á kài heng-ōng.