Ti̍t-seng-ki

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Tng teh ho·-bá-lìn-guh ê UH-1H

Ti̍t-seng-ki kap si̍t-á kò·-teng ê hui-hêng-ki bô-kâng, sī lī-iōng chú-soân-e̍k ê ko-sok soân-chóan lâi tit-tio̍h seng-le̍k.

In-ūi hui-hêng ê te̍k-sû-sèng, ti̍t-seng-ki ē-tàng ti̍t-chiap siōng-seng, poe khí-khì khong-tiong. M̄-kóan sī khí-poe iah-sī kàng-lo̍h lóng m̄-bián pháu-tō. Chit-khóan te̍k-sek, tì-sú ti̍t-seng-ki ū chin-tōa ê iōng-tô·. Iû-kî sī chai-lān hian-tiûⁿ, it-poaⁿ lóng sī chin bái ê tē-bīn khôan-kéng, mā ū khó-lêng sī tī soaⁿ--nih iah-sī hái-bīn. Chit-chióng chōng-hóng, ti̍t-seng-ki sī siōng sek-ha̍p lâi chìn-hêng kiù-oān kap kok-chióng jīn-bū--ê.