Âng It-tiong
 | 這篇文章有漢字的版本。 參考這篇文章的漢字的版本。 |
| Âng It-tiong 洪一中 | |||
|---|---|---|---|
(cropped).jpg) 2019 nî tī Tiong-hôa Bîn-kok chóng-thóng-hú ê Âng It-tiong | |||
| Tâi-kǹg Hiông-eng – No. 2 | |||
It-kun chóng-kàu-liān | |||
| |||
| Chit-gia̍p chho͘-chhù chhut-sài | |||
Tiong-hôa Chit-pāng: 1990 nî 3 goe̍h 17, tī Hiaⁿ-tī Chhiūⁿ | |||
Tâi-oân Tāi Liân-bêng: 1997 nî 3 goe̍h 2 hō, tī Ko-pîn Lûi-kong | |||
| Tiong-hôa Chit-pāng sò͘-kì thóng-kè (chì 1996 nî ûi-chí) | |||
| Táⁿ-kek-lu̍t | 0.268 | ||
| An-táⁿ | 590 | ||
| Choân-lûi-táⁿ | 32 | ||
| Táⁿ-tiám | 271 | ||
| Thau-luí | 21 | ||
| Tâi-oân Tāi Liân-bêng sò͘-kì thóng-kè (chì 2002 nî ûi-chí) | |||
| Táⁿ-kek-lu̍t | 0.283 | ||
| An-táⁿ | 454 | ||
| Choân-lûi-táⁿ | 15 | ||
| Táⁿ-tiám | 181 | ||
| Thau-luí | 34 | ||
| Tūi-ngó͘ | |||
|
Kiû-oân sî-kî
Kàu-liān sî-kî
| |||
| Seng-gâi cheng-chhái piáu-hiān kah ti̍t-chióng | |||
|
Kiû-oân sî-kî
Kàu-liān sî-kî
| |||
| Tit-kàu ê chióng | ||
|---|---|---|
 Lâm-chú iá-kiû | ||
Tāi-piáu  Tiong-hôa Tâi-pak | ||
 A-chiu Ūn-tōng-hōe | ||
 | 2002 nî Hú-san | Thoân-tūi |
| A-chiu Iá-kiû Kím-phiau-sài | ||
 | 1999 nî Hàn-siâⁿ | Thoân-tūi |
| Sè-kài Iá-kiû Kím-phiau-sài / Iá-kiû Sè-kài-poe | ||
| 1988 nî Parma | Thoân-tūi |
| 2001 nî Tâi-pak | Thoân-tūi |
Âng It-tiong (1961 nî 5 goe̍h 14 chhut-sì ), sī Tâi-oân ê iá-kiû soán-chhiú, bat tī Tiong-hôa Chit-pāng Hiaⁿ-tī Chhiūⁿ, Tâi-oân Tāi Liân-bêng Ko-pîn Lûi-kong hāu-le̍k, siú-pī ūi-tì sī pó͘-chhiú. Phian-miâ "Âng-tiong (紅中)", kiû-oân sî-kî koh hőng kiò-chò "thih-pó͘", tī tam-jīm kàu-liān liáu-āu mā ū "Chu-kat Âng-tiong (諸葛紅中)" chit-ê phian-miâ, bat tam-jīm Tiong-hôa Chit-pāng La New Hîm, Lamigo Thô-oân kah Hù-pang Hān-chiòng it-kun chóng-kàu-liān, tī 2021 nî 12 goe̍h choán-jīm Hù-pang Hān-chiòng kò͘-būn, 2023 nî 1 goe̍h 16 chhut-jīm Tâi-kǹg Hiông-eng ê thâu chi̍t jīm chóng-kàu-liān.
I bat sī Tiong-hôa Chit-pāng Hiaⁿ-tī Chhiūⁿ ê hōaⁿ-ke pó͘-chhiú, pēng-chhiáⁿ tiāⁿ-tiāⁿ tāi-piáu Tâi-oân chham-ka kok-chè pí-sài. Tī 2004 nî choán-jīm kàu-liān. 2017 nî 7 goe̍h 11, chhōa-niá Lamigo Thô-oân phah iâⁿ Thóng-it 7-ELEVEn Sai, chiâⁿ-chò Tiong-hôa Chit-pāng sú-siōng sèng-tiûⁿ-sò͘ siōng-chē--ê chóng-kàu-liān, mā-sī tī tan-it kiû-tūi sèng-tiûⁿ-sò͘ siōng-chē--ê.
Keng-le̍k
[siu-kái | kái goân-sí-bé]- Ko-hiông-chhī Kó͘-san-khu Kó͘-san Kok-sió Siàu-pāng-tūi
- Pîn-tong-koān Bí-hô Tiong-ha̍k Chheng-siàu-pāng-tūi
- Pîn-tong-koān Bí-hô Tiong-ha̍k Chheng-pāng-tūi
- Hú-jîn Tāi-ha̍k Iá-kiû-tūi
- Bûn-hòa Tāi-ha̍k Iá-kiû-tūi
- Khong-kun Hó͘-hong Iá-kiû-tūi
- Hiaⁿ-tī Pn̄g-tiàm Iá-kiû-tūi (Gia̍p-û)
- Tiong-hôa Chit-pāng Hiaⁿ-tī Chhiūⁿ (1990 nî－1996 nî)
- Tâi-oân Tāi Liân-bêng Ko-pîn Lûi-kong (1997 nî－2002 nî)
- Nî-tāi Tiān-sī-tâi chit-pāng kiû-phêng (2003 nî)
- Tiong-hôa Chit-pāng La New Hîm tâu-pó͘ kàu-liān (2004 nî)
- Tiong-hôa Chit-pāng La New Hîm chóng-kàu-liān (2004 nî 6 goe̍h 15－2009 nî 10 goe̍h 11)
- Tiong-hôa Chit-pāng La New Hîm jī-kun chóng-kàu-liān (2010 nî)
- Tiong-hôa Chit-pāng Lamigo Thô-oân it-kun chóng-kàu-liān (2011 nî－2019 nî)
- Tiong-hôa Chit-pāng Hù-pang Hān-chiòng it-kun chóng-kàu-liān (2020 nî－2021 nî)
- Tiong-hôa Chit-pāng Hù-pang Hān-chiòng kò͘-būn (2022 nî)
- Tiong-hôa Chit-pāng Tâi-kǹg Hiông-eng chóng-kàu-liān (2023 nî)
- Tiong-hôa Chit-pāng Tâi-kǹg Hiông-eng it-kun chóng-kàu-liān (2024 nî－)
Seng-gâi
[siu-kái | kái goân-sí-bé]Soán-chhiú Sî-kî
[siu-kái | kái goân-sí-bé]1990 nî 3 goe̍h 17, Tiong-hôa Chit-pāng goân-nî khai-bō͘-chiàn, chò Hiaⁿ-tī Chhiūⁿ ê pó͘-chhiú.
1991 nî 6 goe̍h 14, bīn-tùi Bī-choân Liông tâu-chhiú Tiuⁿ Kiàn-hoat hong chhut Hiaⁿ-tī Chhiūⁿ tūi-sú thâu-chi̍t-ki móa-lúi hőng-bú-láng.
1992 nî 4 goe̍h 5 hō, bīn-tùi Bī-choân Liông kòng chhut tan-tiûⁿ siang-hióng-phàu, hō͘ Âng It-tiong bat sī choân liân-bêng kòng siōng-chē hőng-bú-láng ê thûi-á-chhiú chi̍t-ē-á; in-ūi chìn-chêng ū Lū Bêng-sù ê ka-bêng hong-pho, tong-sî ū pō͘-hūn chiūⁿ-bê hoah chhut "A-chiu kī-phàu Âng It-tiong", lâi siau-tháu hit-tang kiû-tūi bô-hoat-tō͘ tit-tio̍h Lū Bêng-sù ê hùn-nō͘[1].
1993 nî 9 goe̍h 25, bīn-tùi Chùn-kok Hîm tâu-chhiú William hong chhut Tiong-hôa Chit-pāng sú-siōng tē-1000-hō hőng-bú-láng.
1996 nî 5 goe̍h 23, ka-siōng chêng-nn̄g-tang choân-khîn, chhòng-chō Tiong-chit thâu-chi̍t-ūi pó͘-chhiú liân-sòa khû 2000-kio̍k ê kì-lo̍k.
1997 nî lī-khui Tiong-hôa Chit-pāng, choán-tūi khì Tâi-oân Tāi Liân-bêng ê Ko-pîn Lûi-kong-tūi.
2002 nî-té ji̍p-soán Hú-san A-ūn kok-chhiú, in-ūi keh-nî Tâi-oân Tāi Liân-bêng kah Tiong-hôa Chit-pāng ha̍p-pèng, jî-chhiáⁿ in-ūi Poān-chiong Tiâu-khoán [chù 1], kim-pâi-chiàn ì-gōa chiâⁿ-chò i kiû-oân seng-gâi siōng-bóe chi̍t-chiàn.
Kàu-liān sî-kî
[siu-kái | kái goân-sí-bé]2004 nî, iû La New Hîm kiû-thoân tàu-la̍p "Poān-chiong Tiâu-khoán" hôe-kūi-kim, Âng It-tiong chèng-sek chiūⁿ it-kun jīm-kàu, kâng-nî chiap-jīm chóng-kàu-liān.
2006 nî 10 goe̍h 25, chhōa-niá La New Hîm tit-tio̍h siōng, hā pòaⁿ-kùi koan-kun, thiau-chiàn Kùi-āu Thiau-chiàn-sài chìn-kip ê Thóng-it Sai, lo̍h-bóe í sì-chiàn lóng iâⁿ phah-pāi Thóng-it Sai, tit-tio̍h chóng-kàu-liān seng-gâi thâu-chi̍t-ê Tâi-oân Tōa-sài koan-kun.
2007 nî 10 goe̍h 28, chhōa-niá La New Hîm tit-tio̍h hā-pòaⁿ-kùi koan-kun, koh-chi̍t-pái thiau-chiàn tùi Kùi-āu Thiau-chiàn-sài chìn-kip ê Thóng-it Sai, lo̍h-bóe 3-sèng 4-pāi su hō͘ Thóng-it Sai, bô-iân liân-pà.
2008 nî 5 goe̍h 7 hō, La New Hîm í 8 : 1 phah-pāi Heng-lông Gû, Âng It-tiong chiâⁿ-chò Tiong-hôa Chit-pāng tē-la̍k-ūi ta̍t-sêng 200-sèng ê chóng-kàu-liān.
2008 nî 8 goe̍h, chhōa-niá kok-ka-tūi chham-ka Pak-kiaⁿ Ò-ūn. Âng It-tiong bat tī chi̍t-kó͘-goe̍h chìn-chêng tio̍h kóng tio̍h "M̄-koán phah siáⁿ-mi̍h pí-sài, góa kan-na kā kiû-oân kóng it-tēng ài chīn-sim chīn-le̍k khì phah, su-iâⁿ ê chek-jīm hō͘ góa lâi taⁿ"[2], kiat-kó chin-chiàⁿ tī chèng-sek-sài thâu-chi̍t-pái su hō͘ Tiong-kok, i mā kan-na ē-sái tùi kok-ka-tūi chit-pái phah "tu̍t-phò kiong-kio̍k-chè" ê pí-sài kiat-kó piáu-sī "It-chhè chek-jīm hō͘ góa lâi taⁿ"[3].
2009 nî 10 goe̍h 11, kiû-kùi nî-tō͘ sài-sū kiat-sok liáu-āu, in-ūi kiû-tūi bô phah ji̍p-khì kùi-āu-sài chú-tōng hiòng kiû-tūi the̍h-chhut sià-jīm chóng-kàu-liān, kái-chò jī-kun ê chóng-kàu-liān.
2010 nî 12 goe̍h 16, chèng-sek soan-pò͘ jī-kun chóng-kàu-liān Âng It-tiong tńg-khì chiap-jīm it-kun chóng-kàu-liān, keh-nî in-ūi kiû-tūi poaⁿ-khì Thô-hn̂g[4][5], La New Hîm tio̍h kái-miâ hō-chò "Lamigo Thô-oân".
2011 nî 11 goe̍h 20, chhōa-niá Lamigo Thô-oân tit-tio̍h hā-pòaⁿ-kùi koan-kun, thiau-chiàn siōng-pòaⁿ-kùi koan-kun Thóng-it 7-ELEVEn Sai, lo̍h-bóe í 1-sèng 4-pāi su hō͘ Thóng-it 7-ELEVEn Sai.
2012 nî 10 goe̍h 18, chhōa-niá Lamigo Thô-oân tit-tio̍h hā-pòaⁿ-kùi koan-kun, thiau-chiàn siōng-pòaⁿ-kùi koan-kun Thóng-it 7-ELEVEn Sai, lo̍h-bóe í 4-sèng 1-pāi phah-iâⁿ Thóng-it, tit-tio̍h tē-jī-ê Tâi-oân Tōa-sài koan-kun.
2014 nî kah 2015 nî, Âng It-tiong lóng chhōa-niá Lamigo Thô-oân tit-tio̍h siōng-pòaⁿ-kùi koan-kun, tī Tâi-oân Tōa-sài thiau-chiàn hā-pòaⁿ-kùi koan-kun Tiong-sìn Hiaⁿ-tī, lo̍h-bóe hun-pia̍t í 4-sèng 1-pāi kah 4-sèng 3-pāi phah-iâⁿ Tiong-sìn Hiaⁿ-tī, tit-tio̍h tē-3 kah tē-4-ê chóng-koan-kun.
2017 nî 5 goe̍h 21, tī Thô-hn̂g Kok-chè Iá-kiû-tiûⁿ tùi-chiàn Hù-pang Hān-chiòng, í 4 : 3 phah-pāi tùi-chhiú, tit-tio̍h chip-kàu seng-gâi tē-700-sèng, chiâⁿ-chò Tiong-hôa Chit-pāng tē-jī-ūi ta̍t-sêng 700-sèng ê chóng-kàu-liān. 7 goe̍h 6 hō, tī Thô-hn̂g Kok-chè Iá-kiû-tiûⁿ tùi-chiàn Hù-pang Hān-chiòng, sī chū choân-oân chú-tiûⁿ si̍t-si liáu-āu thâu-chi̍t-pái tī Thô-hn̂g Iá-kiû-tiûⁿ chò kheh-tūi, lo̍h-bóe phah-pāi Hù-pang Hān-chiòng, tit-tio̍h chip-kàu seng-gâi tē-715-sèng, kah Chhî Seng-bêng pêⁿ chē. 7 goe̍h 11, tī Táu-la̍k Iá-kiû-tiûⁿ hā-pòaⁿ-kùi thâu-chi̍t-chiàn tùi-chiàn Thóng-it 7-ELEVEn Sai, lo̍h-bóe Lamigo tò-iâⁿ hō͘ Âng It-tiong tit-tio̍h tē-716-sèng, chiâⁿ-chò Tâi-oân chit-pāng sú-siōng sèng-tiûⁿ-sò͘ siōng-chē ê chóng-kàu-liān[6]. 11 goe̍h 2 hō, chhōa-niá Lamigo Thô-oân tit-tio̍h siōng, hā pòaⁿ-kùi koan-kun, thiau-chiàn tùi Kùi-āu Thiau-chiàn-sài chìn-kip ê Tiong-sìn Hiaⁿ-tī, lo̍h-bóe í 4-sèng[chù 2] 1-pāi phah-iâⁿ Tiong-sìn Hiaⁿ-tī, tit-tio̍h tē-gō͘-ê Tâi-oân Tōa-sài koan-kun, chhiau-kòe-chêng Thóng-it Sai chóng-kàu-liān Lū Bûn-seng ê 4-koan, chiâⁿ-chò Tiong-hôa Chit-pāng tit-tio̍h siōng-chē-pái chóng-koan-kun ê chóng-kàu-liān[7].
2018 nî 11 goe̍h 3 hō, chhōa-niá Lamigo Thô-oân koh-chi̍t-pái pau-pān siōng, hā pòaⁿ-kùi koan-kun, thiau-chiàn tùi Kùi-āu Thiau-chiàn-sài chìn-kip ê Thóng-it 7-ELEVEn Sai, lo̍h-bóe 4-sèng 2-pāi phah-pāi Thóng-it 7-ELEVEn Sai, tit-tio̍h tē-la̍k-ê Tâi-oân Tōa-sài koan-kun.
2019 nî 10 goe̍h 17, chhōa-niá Lamigo Thô-oân í 4-sèng 1-pāi phah-pāi hā-pòaⁿ-kùi koan-kun Tiong-sìn Hiaⁿ-tī, tit-tio̍h tūi-sú thâu-chi̍t-pái 3-liân-pà, mā-sī tūi-sú tē-7-koan, Lamigo Thô-oân kiû-thoân-sú ê siōng-bóe chi̍t-ê koan-kun, sài-kùi kiat-sok liáu-āu kiû-tūi bē hō͘ Ji̍t-pún ê Lo̍k-thian Chi̍p-thoân.
2019 nî 11 goe̍h 16, 2019 nî Sè-kài Iá-kiû 12-kiông Sài Ho̍k-sài sài-āu soan-pò͘, "In-ūi chū-chek bô-ha̍p kok-jîn kî-thāi phah ji̍p-khì sì-kiông sīm-chì tit-tio̍h Ò-ūn mn̂g-phiò, só͘-í chhéng-sî kok-ka sêng-pāng it-kip pí-sài chóng-kàu-liān", tńg-khì-kàu Tâi-oân liáu-āu thê-chhut sî-têng.
2019 nî 12 goe̍h 6 hō, lī-khui chip-kàu chiâⁿ-chē-tang ê Lamigo Thô-oân, kah Hù-pang Hān-chiòng chhiam--loeh 3-nî ha̍p-iok, tam-jīm chóng-kàu-liān[8].
2021 nî 12 goe̍h 9 hō, choán-jīm kiû-thoân kò͘-būn[9]. Tùi 2004 nî khai-sí tam-jīm chóng-kàu-liān 17-tang í-lâi, lóng-chóng chhut-sài 1870-tiûⁿ, 992-sèng, sèng-lu̍t .540, tit-tio̍h 7-pái Tiong-hôa Chit-pāng Chòe-ka Chóng-kàu-liān.
2023 nî 1 goe̍h 16 khai-sí tam-jīm sin kiû-tūi Tâi-kǹg Hiông-eng ê chóng-kàu-liān, sī in tūi-sú thâu-chi̍t-ê chóng-kàu-liān.
2024 nî 5 goe̍h 15, chhōa-niá Tâi-kǹg Hiông-eng tī Lo̍k-thian Thô-hn̂g Iá-kiû-tiûⁿ phah-pāi Lo̍k-thian Thô-oân, sêng-kong tit-tio̍h chip-kàu seng-gâi tē-1000-sèng, sī Tiong-chit sú-siōng thâu-chi̍t-lâng.
2025 nî 4 goe̍h 13, tī Sin-chng Iá-kiû-tiûⁿ tùi-chiàn Hù-pang Hān-chiòng, sī i chò chóng-kàu-liān ê tē-2000-tiûⁿ chhut-sài, sī Tiong-chit thâu-chi̍t-lâng, hit-tiûⁿ pí-sài Tâi-kǹg Hiông-eng lo̍h-bóe í 4:2 phah-pāi Hù-pang Hān-chiòng[10].
Chit-pāng Seng-gâi Sêng-chek
[siu-kái | kái goân-sí-bé]Tiong-hôa Chit-pāng
[siu-kái | kái goân-sí-bé]- (Chho͘-o͘-jī sī hit-nî siōng-hó ia̍h siōng-koân ê sêng-chek)
| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Tit-hun | Thau-luí | Sì-sí | Sa̋n-sín | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|---|
| 1990 | Hiaⁿ-tī Chhiūⁿ | 90 | 365 | 104 | 0 | 31 | 52 | 5 | 31 | 17 | 134 | 10 | 0.285 | 0.338 | 0.367 | 0.705 |
| 1991 | 71 | 224 | 56 | 4 | 35 | 20 | 0 | 10 | 17 | 81 | 6 | 0.250 | 0.273 | 0.362 | 0.635 | |
| 1992 | 85 | 273 | 68 | 6 | 38 | 33 | 4 | 43 | 17 | 96 | 8 | 0.249 | 0.344 | 0.352 | 0.696 | |
| 1993 | 90 | 321 | 83 | 4 | 37 | 35 | 1 | 19 | 16 | 107 | 10 | 0.259 | 0.298 | 0.333 | 0.631 | |
| 1994 | 90 | 323 | 101 | 4 | 43 | 41 | 3 | 17 | 14 | 141 | 5 | 0.313 | 0.343 | 0.437 | 0.780 | |
| 1995 | 100 | 352 | 88 | 9 | 46 | 42 | 2 | 28 | 21 | 133 | 5 | 0.250 | 0.302 | 0.378 | 0.680 | |
| 1996 | 100 | 345 | 90 | 5 | 41 | 36 | 6 | 29 | 25 | 120 | 11 | 0.261 | 0.314 | 0.348 | 0.662 | |
| Ha̍p-kè | 7-tang | 626 | 2203 | 590 | 32 | 271 | 259 | 21 | 177 | 127 | 812 | 55 | 0.268 | 0.318 | 0.369 | 0.687 |
Tâi-oân Tāi Liân-bêng
[siu-kái | kái goân-sí-bé]| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Lúi-táⁿ-sò͘ | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|
| 1997 | Ko-pîn Lûi-kong | 90 | 324 | 72 | 5 | 39 | 99 | 0.222 | 0.264 | 0.306 | 0.570 |
| 1998 | 105 | 374 | 113 | 4 | 50 | 148 | 0.302 | 0.358 | 0.396 | 0.754 | |
| 1999 | 77 | 275 | 77 | 2 | 32 | 100 | 0.280 | 0.321 | 0.364 | 0.685 | |
| 2000 | 81 | 272 | 97 | 2 | 32 | 123 | 0.357 | 0.410 | 0.452 | 0.862 | |
| 2001 | 59 | 220 | 56 | 2 | 20 | 72 | 0.255 | 0.294 | 0.327 | 0.621 | |
| 2002 | 55 | 141 | 39 | 0 | 8 | 48 | 0.277 | 0.338 | 0.340 | 0.678 | |
| Ha̍p-kè | 6-tang | 454 | 1606 | 454 | 15 | 181 | 590 | 0.282 | 0.331 | 0.367 | 0.698 |
Chip-kàu Seng-gâi Sêng-chek
[siu-kái | kái goân-sí-bé]Tiong-hôa Chit-pāng
[siu-kái | kái goân-sí-bé]- (Chho͘-o͘-jī sī hit-nî siōng-hó ia̍h siōng-koân ê sêng-chek)
- (Chho͘-âng-jī sī liân-bêng sú-siōng siōng-hó ia̍h siōng-koân ê sêng-chek)
| Nî-tō͘ | Kiû-tūi | Miâ-chhù | Chhut-sài | Sèng-tiûⁿ | Hô-kio̍k | Pāi-tiûⁿ | Sèng-lu̍t | Sèng-chha | Pī-chù |
|---|---|---|---|---|---|---|---|---|---|
| 2004 | La New Hîm | 6 | 50 | 22 | 2 | 26 | 0.458 | 15 | Hā-pòaⁿ kiû-kùi chiap-jīm |
| 2005 | 6 | 100 | 42 | 3 | 55 | 0.433 | 12 | ||
| 2006 | 1 | 100 | 62 | 4 | 34 | 0.646 | 0 | Tâi-oân Tōa-sài koan-kun | |
| 2007 | 2 | 100 | 58 | 0 | 42 | 0.580 | 0.5 | Hā-pòaⁿ-kùi koan-kun | |
| 2008 | 2 | 84 | 50 | 4 | 30 | 0.595 | 4 | in-ūi chhōa-niá Tiong-hôa-tūi chham-ka Pak-kiaⁿ Ò-ūn hō͘ Lū Bêng-sù tāi-lí Hā-pòaⁿ-kùi koan-kun, Kùi-āu-sài (0-3 su hō͘ Hiaⁿ-tī) | |
| 2009 | 2 | 120 | 61 | 1 | 58 | 0.513 | 3 | ||
| 2011 | Lamigo Thô-oân | 1 | 119 | 66 | 2 | 51 | 0.564 | 0 | 6 goe̍h 30 pí-sài hō͘ Lîm Hông-io̍k tam-jīm chi̍t-ji̍t chóng-kàu-liān[11] Hā-pòaⁿ-kùi koan-kun |
| 2012 | 2 | 120 | 66 | 2 | 52 | 0.559 | 4.5 | Tâi-oân Tōa-sài koan-kun | |
| 2013 | 3 | 120 | 58 | 2 | 60 | 0.492 | 4.5 | ||
| 2014 | 1 | 120 | 66 | 3 | 51 | 0.564 | 0 | Tâi-oân Tōa-sài koan-kun | |
| 2015 | 1 | 120 | 68 | 0 | 52 | 0.567 | 0 | Tâi-oân Tōa-sài koan-kun | |
| 2016 | 4 | 120 | 53 | 3 | 64 | 0.453 | 14.5 | ||
| 2017 | 1 | 120 | 78 | 1 | 41 | 0.655 | 0 | Tâi-oân Tōa-sài koan-kun | |
| 2018 | 1 | 120 | 73 | 0 | 47 | 0.608 | 0 | Tâi-oân Tōa-sài kaon-kun | |
| 2019 | 1 | 117 | 61 | 2 | 54 | 0.530 | 0 | 8 goe̍h 2 hō - 8 goe̍h 4 hō ê pí-sài hō͘ Koeh Kiàn-lîm tāi-lí chóng-kàu-liān Tâi-oân Tōa-sài koan-kun | |
| 2020 | Hù-pang Hān-chiòng | 4 | 120 | 54 | 1 | 65 | 0.454 | 14.0 | |
| 2021 | 4 | 120 | 54 | 4 | 62 | 0.466 | 12.5 | ||
| 2024 | Tâi-kǹg Hiông-eng | 6 | 120 | 49 | 1 | 70 | 0.412 | 20.5 | |
| 2025 | 4 | 120 | 59 | 2 | 59 | 0.500 | 10.0 | ||
| Ha̍p-kè: 18-tang | 2109 | 1099 | 37 | 973 | 0.530 | ||||
Kok-chè Sài-sū Chóng-kàu-liān Sêng-chek
[siu-kái | kái goân-sí-bé]- 2006 nî A-chiu Chit-pāng Tōa-sài:
tē-jī-miâ (La New Hîm) - Hā-kùi Ò-ūn Chòe-chiong Chu-keh Pâi-miâ-sài: tē-saⁿ-miâ (chìn-kip Ò-ūn)
- 2008 nî Hā-kùi Ò-ūn iá-kiû pí-sài: tē-gō͘-miâ
- 2012 nî A-chiu Chit-pāng Tōa-sài: tē-jī-miâ (Lamigo Thô-oân)
- 2017 nî A-chiu Chit-pāng Koan-kun Cheng-pà-sài: tē-saⁿ-miâ
- 2019 nî Sè-kài Iá-kiû 12-kiông Sài: tē-gō͘-miâ
Chù-kha
[siu-kái | kái goân-sí-bé]- ↑ Tâi-oân Tāi Liân-bêng sêng-li̍p ê sî, Tiong-hôa Chit-pāng chiam-tùi thiàu-chô ê kiû-oân lia̍t ji̍p-khì "éng-oán bē lo̍k-iōng" ê miâ-toaⁿ. 2003 nî nn̄g-liân-bêng ha̍p-pèng liáu-āu, kàu-liān kan-na thang í "o͘-koaⁿ" miâ-gī jīm-kàu
- ↑ Kî-tiong chi̍t-sèng sī in-ūi pau-pān siōng, hā pòaⁿ-kùi koan-kun ê ti̍t-chiap pó-sàng
Chham-khó Chu-liāu
[siu-kái | kái goân-sí-bé]- ↑ 李大號 (2014-05-03). "〈CPBL〉兄弟戰艦難以突破的障礙：連蹲兩千局！". Goân-pún bāng-ia̍h Pó-chûn tī 2015-04-24. 2019-12-07 khòaⁿ--ê.
- ↑ 楊逸民 (2008-07-18). "防中國狙擊 洪總：輸贏責任我扛". 台灣蘋果日報. 2019-12-07 khòaⁿ--ê.[bû-hāu liân-kiat]
- ↑ 黃照敦 (2008-08-16). "棒球輸中國 台灣球迷錯愕". 自由時報. Goân-pún bāng-ia̍h Pó-chûn tī 2019-12-04. 2019-12-07 khòaⁿ--ê.
- ↑ 曹玉炯 (2011-01-06). "全新桃猿拼奪總冠軍". TSNA. goân-loē-iông tī 2011-01-09 hőng khó͘-pih. 2011-01-06 khòaⁿ--ê.
- ↑ "La new熊更名 Lamigo Monkeys桃猿隊". CPBL. 2014-02-18. Goân-pún bāng-ia̍h Pó-chûn tī 2021-05-19. 2019-12-17 khòaⁿ--ê.
- ↑ "中職Live》桃猿9上大逆轉 洪總寫史上執教最多勝". 自由報. 2017-07-11. Goân-pún bāng-ia̍h Pó-chûn tī 2019-12-04. 2019-12-07 khòaⁿ--ê.
- ↑ 黃巧雯 (2017-11-02). "成最多冠總教練 洪一中明年擔心兄弟隊". 中央社. Goân-pún bāng-ia̍h Pó-chûn tī 2021-01-19. 2019-12-07 khòaⁿ--ê.
- ↑ 謝靜雯 (2019-12-06). 吳協昌, pian. "洪一中離開Lamigo 確定接掌富邦兵符". 中央社. Goân-pún bāng-ia̍h Pó-chûn tī 2021-04-18. 2019-12-07 khòaⁿ--ê.
- ↑ 羅志朋 (2021-12-09). "從「洪教頭」轉任「洪顧問」 洪一中親自吐露心聲". 自由時報. 自由電子報. Goân-pún bāng-ia̍h Pó-chûn tī 2021-12-13. 2021-12-13 khòaⁿ--ê.
- ↑ "洪總執教生涯第2000場 杜家明延長賽致勝安打收勝利". 中華職棒. 2021-12-09. 2025-04-13 khòaⁿ--ê.
- ↑ 葫島幫 (2015-10-09). "中職史上最年輕總教練－林總..." 運動視界. Goân-pún bāng-ia̍h Pó-chûn tī 2015-12-10. 2019-12-07 khòaⁿ--ê.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：洪一中(Hôa-gí)
| |||||||
| ||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||