Ông Bêng-tiat (chok-khek-ka)
 | 這篇文章有漢字的版本。 參考這篇文章的漢字的版本。 |
Ông Bêng-tiat (1955 nî chhut-sì ), Pîn-tong-koān Chhâ-siâⁿ-hiong lâng, sī Tâi-oân ê sû-khek chhòng-chok-ka. Bat chò-kòe kang-chhiúⁿ kang-lâng, bē ōe-chng-phín, pēng-chhiáⁿ bat chhòng-chok Hôa-gí chêng-koa, chū 1985 nî chiap-chhiok Tóng-gōa ūn-tōng liáu-āu, khai-sí chhòng-chok Tâi-oân pún-thó͘ ì-sek, Tâi-oân to̍k-li̍p ūn-tōng siong-koan ê koa-khek, pēng-chhiáⁿ kái-iōng Tâi-gí chhòng-chok, koh chham-ka siong-koan ê siā-hōe ūn-tōng. I ê chok-phín tû-liáu chèng-tī í-gōa, mā-ū siā-hōe koan-hoâi téng-téng ê chú-tê[1], lóng-chóng 400-gōa siú[2][3].
Lēng-gōa, iōng i ê miâ koan-miâ ê im-ga̍k hia̍p-hōe tī 2021 nî 3 goe̍h sêng-li̍p[1].
Chèng-tī Chham-ú
[siu-kái | kái goân-sí-bé]Chha-put-to tī Bîn-chú Chìn-pō͘ Tóng sêng-li̍p ê sî, khai-sí chhòng-chok chèng-tī koa-khek, āu--lâi mā bat chham-ú chèng-tī oa̍h-tāng ián-chhiùⁿ. Tēⁿ Lâm-iông chū-hûn tùi i ê éng-hióng chin tōa, mā ū hō͘ Sú-bêng chhin-sin kà chèng-tī su-sióng. 1992 nî bat khì Bí-kok sûn-hôe ián-chhiùⁿ[2].
2023 nî 11 goe̍h, Ông Bêng-tiat piáu-sī, chit-má chip-chèng ê Bîn-chìn-tóng chióng-ak tāi-to-sò͘ chú-liû mûi-thé ê hong-hoat kah í-chêng ê Tiong-kok Kok-bîn Tóng kin-pún tio̍h beh-kâng beh-kâng, só͘-í chi-chhî Hí-lo̍k-tó Liân-bêng ê chú-se̍k Koeh Pōe-hông[4].
Tāi-piáu Chok-phín
[siu-kái | kái goân-sí-bé]- Tâi-oân-hûn
- Hái-iûⁿ ê Kok-ka (Lîm Éng-seng sû, Ông Bêng-tiat khek)
- Tâi-oân Bîn-cho̍k Chú-gī (Sú-bêng sû, Ông Bêng-tiat khek)
- Pe̍h-lân-hoe (Bûn-hòa Chóng-hōe tē-1-kài "Tâi-oân chi Koa" iu-soán-chióng)[5]
- Tâi-oân（Bûn-hòa Chóng-hōe tē-2-kài "Tâi-oân chi Koa" te̍k-iu)[5]
Chù-kha
[siu-kái | kái goân-sí-bé]- 1 2 "「2023臺灣創作歌手樂團系列」 《Formosa鄉音》王明哲作品精選音樂會". 臺灣戲曲中心. 2024-02-24 khòaⁿ--ê.
- 1 2 "專訪王明哲 ──為台獨運動作詞譜曲的政治音樂工作者（共和國雜誌第 56 期）". 臺灣獨立建國聯盟. 2026-02-24 khòaⁿ--ê.
- ↑ "唱頌台灣／社運歌手王明哲 秀出浪漫多情的一面". 民視. 2022-10-21. 2024-02-24 khòaⁿ--ê.
- ↑ Ông Í-Pîn (王苡蘋) (2023-11-24). "王明哲痛斥民進黨操控主流媒體 呼籲摒棄藍綠唯一支持郭倍宏". 台灣好報. 2026-02-24 khòaⁿ--ê.
- 1 2 "王明哲專欄". 台灣海外網. goân-loē-iông tī 2025-06-17 hőng khó͘-pih. 2026-02-24 khòaⁿ--ê.