跳至內容

Ông Pek-iông

Wikipedia (chū-iû ê pek-kho-choân-su) beh kā lí kóng...
Ông Pek-iông
王柏融
Tâi-kǹg Hiông-eng – No. 9
Gōa-iá-chhiú, it-lúi-chhiú
Chhut-sì: 1993 nî 9 goe̍h 9 ji̍t （1993-09-09）(32 hòe)
 Tiong-hôa Bîn-kok Pîn-tong-koān Bān-tan-hiong
Táⁿ-kek: tò Tâu-kiû: chiàⁿ
Chit-gia̍p chho͘-chhù chhut-sài
Tiong-hôa Chit-pāng:
2015 nî 9 goe̍h 2 hō, tī Lamigo Thô-oân
Ji̍t-pún Chit-pāng: 2019 nî 3 goe̍h 29, tī Pak-hái-tō Ji̍t-pún Há-muh Tàu-sū
Tiong-hôa Chit-pāng sò͘-kì thóng-kè
(chì 2025 nî ûi-chí)
Táⁿ-kek-lu̍t0.342
An-táⁿ779
Choân-lûi-táⁿ96
Táⁿ-tiám436
Thau-lúi72
Ji̍t-pún Chit-pāng sò͘-kì thóng-kè
(chì 2023 nî ûi-chí)
Táⁿ-kek-lu̍t0.235
An-táⁿ169
Choân-lûi-táⁿ15
Táⁿ-tiám97
Thau-lúi2
Tūi-ngó͘
Seng-gâi cheng-chhái piáu-hiān kah ti̍t-chióng

Tiong-hôa Chit-pāng

Kok-chè-sài

Chióng-pâi
Lâm-chú iá-kiû
Tāi-piáu  Tiong-hôa Tâi-pak
21U Sè-kài-poe Iá-kiû-sài
Kim-pâi – koan-kun2014 nî Tâi-tiongThoân-tūi
A-chiu Ūn-tōng-hōe
Gîn-pâi – a-kun2014 nî Jîn-chhoanThoân-tūi
Tang-a Ūn-tōng-hōe
Tâng-pâi – kùi-kun2013 nî Thian-chinThoân-tūi
Ji̍t-bûn siá-hoat
Ji̍t-bûn王　柏融
Kanaワン・ボーロン
Hepburn-sek Lô-má-jīWan Bōron

Ông Pek-iông (1993 nî 9 goe̍h 9 ji̍t chhut-sì ) sī Tâi-oân ê iá-kiû soán-chhiú, bo̍k-chiân tī Tiong-hôa Chit-pāng Tâi-kǹg Hiông-eng hāu-le̍k, siú-pī ūi-tì sī gōa-iá-chhiú kah it-lúi-chhiú, bat hāu-le̍k kòe Lamigo Thô-oân kah Ji̍t-pún Chit-pāng Pak-hái-tō Ji̍t-pún Há-muh Tàu-sū.

Seng-gâi

[siu-kái | kái goân-sí-bé]

Ông Pek-iông 1993 nî 9 goe̍h 9 hō tī Tâi-oân Pîn-tong-koān chhut-sì. Kok-sió kah kok-tiong lóng tī Pîn-tong-koān tha̍k-chheh, tī kok-sió ê sî in-ūi sin-châi ê koan-hē, tam-jīm kiû-tūi ê lāi-iá-chhiú. Ko-tiong tha̍k Ko-kip Ka-siong, sī kiû-tūi ê saⁿ-lúi-chhiú. Sui-jiân i tī chit-tōaⁿ kî-kan lāi-té ū chin-tōa--ê chìn-pō͘[1], m̄-koh iu-goân m̄-bat ji̍p-soán kok-ka-tūi, hō͘ i bat ū beh hòng-khì ê siūⁿ-hoat[2]. Tāi-ha̍k sî-kî tha̍k Bûn-hòa Tāi-ha̍k, siú-pī ūi-tì kái-chò gōa-iá-chhiú[3].

2014 nî 11 goe̍h 9 hō tī 21U Sè-kài-poe Iá-kiû-sài ī-sài tùi-chiàn Hân-kok, tī 7-kio̍k āu-pòaⁿ khà-chhut chhiau-chêng ê saⁿ-lúi an-táⁿ[4], lo̍h-bóe Tâi-oân tī koàn-kun-sài í 9 : 0 phah-pāi Ji̍t-pún, tit-tio̍h hit-kài ê koan-kun[5]. Tī 2015 nî Kong-chiu Sè-tāi-ūn iá-kiû hāng-bo̍k lāi-té phah-pāi Hân-kok chìn-ji̍p kim-pâi-chiàn ê sî, i tī sài-āu piáu-sī: "Hi-bāng chū goán chit-ê sè-tāi khai-sí ē-tàng it-ti̍t iâⁿ Lâm-Hân"[4]. Hit-tang i chham-ka Tiong-hôa Chit-pāng Soán-siù-hōe, tī soán-siù-hōe chìn-chêng tio̍h ū chin-koân--ê phêng-kè, ū chi̍t-kóa kiû-phêng jīn-ûi khó-lêng sī chek-chiàn-le̍k ê jîn-soán[1].

Lamigo Thô-oân

[siu-kái | kái goân-sí-bé]

Ông Pek-iông tī 2015 nî Tiong-hôa Chit-pāng Soán-siù-hōe í tē-1-lûn tē-4-ūi hō͘ Lamigo Thô-oân soán ji̍p-khì, í goe̍h-sin 10-bān-kho͘ ê ha̍p-iok ka-bêng[6]. Ông Pek-iông tī m̄-bat phah jī-kun pí-sài ê chêng-hóng chi-hā, 2015 nî 9 goe̍h 2 hō tī Thô-hn̂g Kok-chè Iá-kiû-tiûⁿ tùi-chiàn Gī-tāi Sai-gû ê pí-sài lāi-té thâu-chi̍t-pái chhut-sài, sian-hoat 6-hoan tam-jīm chiàⁿ-gōa-iá-chhiú, phah-chhut 4 táⁿ-sò͘ 2 an-táⁿ ê sêng-chek[7], lo̍h-bóe Ông Pek-iông koh tit-tio̍h hit-tiûⁿ pí-sài ê tan-tiûⁿ MVP[8]; 2-kang liáu-āu tī Thô-hn̂g Kok-chè Iá-kiû-tiûⁿ tùi-chiàn Thóng-it 7-ELEVEn Sai, 1-kio̍k āu-pòaⁿ bīn-tùi tâu-chhiú Phoaⁿ Ui-lûn kòng-chhut chit-pāng seng-gâi thâu-chi̍t-ki hŏng-bú-láng[9]. 2015 nî kiû-kùi chhut-sài 29-tiûⁿ tio̍h kòng-chhut 9-ki hŏng-bú-láng[10], 111-ê táⁿ-sò͘ ū 36-ki an-táⁿ kah 29-hun táⁿ-tiám, táⁿ-kek-lu̍t 0.324[11]; lēng-gōa kiû-tūi mā phah ji̍p-khì Tâi-oân Tōa-sài, tī 1-3 ê pháiⁿ sè-bīn chi-hā, liân-iâⁿ 3-tiûⁿ tò-iâⁿ, phah-pāi Tiong-sìn Hiaⁿ-tī tit-tio̍h chóng-koàn-kun, kî-tiong Ông Pek-iông kòng-chhut 2-ki hŏng-bú-láng, tī 28-ê táⁿ-sò͘ lāi-té kòng-chhut 14-ki an-táⁿ, táⁿ-kek-lu̍t 0.500[11], tit-tio̍h hit-tang ê sèng-hong iu-siù kiû-oân-chióng[12]. Chit-tang i mā ji̍p-ûi sin-jîn-ông, sui-jiân bô ji̍p-soán, m̄-koh in-ūi liân-bêng tī nî-té siu-kái sin-jîn-ông ê chu-keh, kā hō͘-tēng chū 93-ê táⁿ-se̍k kái-chò 124-ê táⁿ-se̍k, hō͘ i tī keh-nî iu-goân kè-sio̍k pó-liû sin-jîn-ông ê chu-keh[13][14][15].

2018 nî 10 goe̍h 5 hō, bīn-tùi tâu-chhiú Jordan kòng-chhut hŏng-bú-láng.

2016 nî 4 goe̍h 24, tī Thô-hn̂g Kok-chè Iá-kiû-tiûⁿ tùi-chiàn Thóng-it 7-ELEVEn Sai, 9-kio̍k āu-pòaⁿ bīn-tùi Kelly [en] khà-chhut i chit-gia̍p seng-gâi ê thâu-chi̍t-ki chài-kiàn an-táⁿ[16]. Tī 9 goe̍h 3 hō tī Thô-hn̂g Kok-chè Iá-kiû-tiûⁿ tùi-chiàn Tiong-sìn Hiaⁿ-tī, i tan-tiûⁿ phah-chhut 4-ki an-táⁿ, pau-hâm 2-ki hŏng-bú-láng, seng-gâi 122-tiûⁿ chhut-sài tio̍h khà-chhut chhiau-kè 200-ki an-táⁿ mā sī liân-bêng sú-siōng siōng-kín[17]; 2016 nî kiû-kùi, i chhut-sài 116-tiûⁿ, tī 483-ê táⁿ-sò͘ lāi-té khà-chhut 200-ki an-táⁿ, kî-tiong ū 29-ki hŏng-bú-láng, táⁿ-kek-lu̍t 0.414[11], kî-tiong an-táⁿ-sò͘ kah táⁿ-kek-lu̍t lóng phah-phòa liân-bêng tan-kùi ê kì-lo̍k[18], tit-tio̍h an-táⁿ-ông, táⁿ-kek-ông, kim-chhiú-thò chióng, chòe-ka 10-jîn, nî-tō͘ MVP kah nî-tō͘ sin-jîn-ông 6-ê chióng-hāng[19]. Āu--lâi tit-tio̍h kiû-thoân 2017－2021 nî goe̍h-sin siōng-chió 50-bān, chóng-kè-ta̍t siōng-koân thang kàu 3180-bān ê ho̍k-sò͘-nî ha̍p-iok. Ka-sin hok-tō͘ 400% chiâⁿ-chò Tiong-chit ê sin kì-lo̍k, ka-bêng chi̍t-tang-pòaⁿ liáu-āu goe̍h-sin tio̍h lâi-kàu 50-bān mā sī hui lú-gōa tńg--lâi ê siōng-kín kì-lo̍k[20].

2017 nî, Ông Pek-iông ji̍p-soán Tiong-hôa Chit-pāng Bêng-chheⁿ-tūi, kah Ji̍t-pún-tūi chìn-hêng 2-tiûⁿ kau-liû-sài, i tī kî-tiong chi̍t-ê táⁿ-se̍k bīn-tùi Thài-pêng-iûⁿ Liân-bêng săn-sín-ông Chek-pún Gông-tāi (則本昂大) kòng-chhut chi̍t-ki 2-hun táⁿ-tiám ê hŏng-bú-láng, chū án-ne khai-sí siū-tio̍h Ji̍t-pún iá-kiû-kài ê koan-chù[21][22]. 2017 nî kiû-kùi, i chhut-sài 115-tiûⁿ, tī 437-ê táⁿ-sò͘ lāi-té khà-chhut 178-ki an-táⁿ, kî-tiong ū 31-ki sī hŏng-bú-láng, táⁿ-kek-lu̍t 0.407[11], tit-tio̍h an-táⁿ-ông, táⁿ-kek-ông, choân-lûi-táⁿ-ông, táⁿ-tiám-ông, kim-chhiú-thò chióng, chòe-ka 10-jîn kah nî-tō͘ MVP lóng-chóng 7-hāng chióng-hāng[19][23], tī Tâi-oân Tōa-sài lāi-té 21-ê táⁿ-se̍k tit-tio̍h 7-pái pó-sàng, khà-chhut 6-ki an-táⁿ, táⁿ-kek-lu̍t 0.429[11].

Ông Pek-iông tī 2018 nî kiû-kùi, khui-kùi táⁿ-kek-lu̍t óa-kīn 4-siâⁿ, bat khip-ín Bí-kok Chit-pāng Tāi-liân-bêng kiû-tūi ê kiû-thàm chù-ì[24], m̄-koh tī kiû-kùi tiong-kî liáu-āu, táⁿ-kek-lu̍t ū tām-po̍h-á kiám-chió[25]. 2018 nî kiû-kùi i chhut-sài 118-tiûⁿ, 453-ê táⁿ-sò͘ lāi-té khà-chhut 159-ki an-táⁿ, kî-tiong ū 17-ki hŏng-bú-láng, táⁿ-kek-lu̍t 0.351, táⁿ-kek sêng-chek pí chêng nn̄g-tang ū kiám chi̍t-tiám-á[19], tit-tio̍h kim-chhiú-thò kah chòe-ka 10-jîn chióng[19]. I tī Tâi-oân Tōa-sài lāi-té 21-ê táⁿ-sò͘ khà-chhut 8-ki an-táⁿ, pau-hâm 2-ki hŏng-bú-láng, táⁿ-kek-lu̍t 0.381[11]. 10 goe̍h 17, Lamigo Thô-oân soan-pò͘ tú tit-tio̍h lú-gōa chū-iû kiû-oân chu-keh ê Ông Pek-iông, tī Tâi-oân Tōa-sài kiat-sok liáu-āu beh chèng-sek khé-iōng lú-gōa ji̍p-chat (入札) thêng-sū[26]. 11 goe̍h 20 Ji̍t-pún Chit-pāng Pak-hái-tō Ji̍t-pún Há-muh Tàu-sū keng-kòe ji̍p-chat thêng-sū tit-tio̍h iu-sian gī-iok-khoân[26], lo̍h-bóe Ji̍t-pún Há-muh Tàu-sū í chha-put-to 200-bān Bí-kim (6000-bān Sin-Tâi-phiò) ê choán-tūi-hùi ka-siōng 3-tang lóng-chóng 400-bān Bí-kim (chha-put-to sī 1-ek 2000-bān Sin-Tâi-phiò) ê ha̍p-iok kā Ông Pek-iông chhiam--loeh[27][28].

Pak-hái-tō Ji̍t-pún Há-muh Tàu-sū

[siu-kái | kái goân-sí-bé]
Ông Pek-iông tī Pak-hái-tō Ji̍t-pún Há-muh Tàu-sū jī-kun chìn-hêng ho̍k-kiān pí-sài

2019 nî sī i tī Ji̍t-pún Chit-pāng ê thâu-chi̍t-tang, pōe-hō sī 99-hō. 4 goe̍h 17 tùi-chiàn O͘-le̍k-sū Béng-gû, bīn-tùi tâu-chhiú Kiat-tiân It-chiòng (吉田一将)[29]kòng-chhut i tī Ji̍t-pún Chit-pāng ê thâu-chi̍t-ki hŏng-bú-láng[30]. 4 goe̍h 30 in-ūi tò-kha tōa-thúi bô-sóng-khoài hŏng pàng lo̍h-khì jī-kun[31]. 8 goe̍h 10 hō tī keng-thâu ê siong goân-choân liáu-āu tńg--khì kàu it-kun ê thâu-chi̍t-tiûⁿ pí-sài koh in-ūi sí-kiû tio̍h-siong[32]. Lú-Ji̍t ê thâu-chi̍t-tang i chhut-sài 88-tiûⁿ, 306-ê táⁿ-sò͘ lāi-té khà-chhut 78-ki an-táⁿ, táⁿ-kek-lu̍t 0.255[33].

2020 nî in-ūi COVID-19 ê éng-hióng, kiû-kùi it-ti̍t kàu 6 goe̍h chiah khai-sí[34], m̄-koh Ông Pek-iông khui-kùi liáu-āu piáu-hiān bô hó, tī 7 goe̍h 26 hŏng pàng lo̍h-khì jī-kun[35]. Sui-jiân āu-lâi ū tńg--khì kàu it-kun, tān-sī kui-kùi tī it-kun chhut-sài 52-tiûⁿ, 87-ê táⁿ-sò͘ lāi-té kan-na 18-ki an-táⁿ, táⁿ-kek-lu̍t 0.207[33].

2021 nî i tī koaⁿ-pān jia̍t-sin-sài piáu-hiān bô-hó, ka-siōng siong-sè éng-hióng, it-ti̍t kàu 4 goe̍h 27 chiah tī it-kun chhut-sài[36], seng tī 5 goe̍h 8 hō tùi-chiàn Tang-pak Lo̍k-thian Kim-chiū ê pí-sài lāi-té bīn-tùi tâu-chhiú Tiân-tiong Chiong-tāi (田中将大) tan-tiûⁿ khà-chhut 2-ki jī-lúi an-táⁿ[37], koh tī 5 goe̍h 12 tùi-chiàn O͘-le̍k-sū Béng-gû ê sî bīn-tùi tâu-chhiú San-pún Iû-sin (山本由伸) kòng-chhut hit-kùi ê thâu-chi̍t-ki hŏng-bú-láng[38], pēng-chhiáⁿ tī kiû-kùi siōng-bóe chi̍t-chiàn tāi-táⁿ khà-chhut sài-kùi tē-20-ki jī-lúi an-táⁿ, pang-chō͘ kiû-tūi í 5 : 3 phah-pāi Chhian-ia̍p Lot-theh Hái-iûⁿ, thoat-lī thiām-té í tē-5-miâ kiat-sok chit-ê kiû-kùi[39]. 2021 nî kiû-kùi chhut-sài 95-tiûⁿ, 252-ê táⁿ-sò͘ lāi-té khà-chhut 61-ki an-táⁿ, sui-jiân táⁿ-kek-lu̍t 0.242 bô pí 2019 nî hó, m̄-koh 2021 nî hŏng-bú-láng, táⁿ-tiám, jī-lúi an-táⁿ, OPS kah tit-tiám-khoan táⁿ-kek-lu̍t lóng sī 3-tang lâi kò-jîn siōng-koân--ê, mā chiâⁿ-chò tūi-lāi táⁿ-kek sêng-chek tē-jī hó ê soán-chhiú, m̄-koh iu-goân ū bīn-tùi tò-tâu-chhiú kah siú-pī sêng-chek bô-hó ê būn-tê[40].

2022 nî i kan-na chhut-sài 15-tiûⁿ, 32-ê táⁿ-sò͘ kan-na 2-ki an-táⁿ, bô choân-lûi-táⁿ, táⁿ-kek-lu̍t 0.063 sī seng-gâi siōng-bái[33], lo̍h-bóe tī 12 goe̍h 5 hō hŏng kàng-keh chò io̍k-sêng kiû-oân, pōe-hō 199-hō[41]. Ông Pek-iông 2023 nî kiû-kùi í io̍k-sêng kiû-oân ê sin-hūn khai-sí, 7 goe̍h 30 hō͘ kiû-thoân seng-keh chò chi-phòe-hā (支配下) kiû-oân, pōe-hō mā chhēng tńg--khì 99-hō[42]. 2023 nî kiû-kùi tī it-kun chhut-sài 20-tiûⁿ, 42-ê táⁿ-sò͘ khà-chhut 10-ki an-táⁿ, kî-tiong chi̍t-ki sī hŏng-bú-láng, táⁿ-kek-lu̍t 0.238[33].

Tâi-kǹg Hiông-eng

[siu-kái | kái goân-sí-bé]
Ông Pek-iông tī Tâi-kǹg Hiông-eng chìn-hêng gōa-iá siú-pī

2023 nî 12 goe̍h, Tâi-kǹg Hiông-eng kah Ông Pek-iông chhiam--loeh pau-hâm kek-lē chióng-kim 3-tang 3600-bān-kho͘ ê ha̍p-iok[43].

2024 nî 4 goe̍h 4 hō, tī Tâi-pak Tōa-kī-tàn tùi-chiàn Tiong-sìn Hiaⁿ-tī, 5-kio̍k téng-pòaⁿ bīn-tùi tâu-chhiú Chhî Ki-lîn kòng-chhut chi̍t-ki tó-gōa-iá hong-hiòng ê hŏng-bú-láng, mā sī Tâi-kǹg Hiông-eng tūi-sú ê thâu-chi̍t-ki[44].

2026 nî 4 goe̍h 29, tī Sin-chng Iá-kiû-tiûⁿ tùi-chiàn Hù-pang Hān-chiòng, 6-kio̍k téng-pòaⁿ bīn-tùi tâu-chhiú Tân Phín-hông kòng-chhut chi̍t-ki chiàⁿ-gōa-iá hong-hiòng ê ko͘-hun hŏng-bú-láng, sī i seng-gâi tē-100-ki hŏng-bú-láng[45].

Chit-pāng Seng-gâi Sêng-chek

[siu-kái | kái goân-sí-bé]

Tiong-hôa Chit-pāng

[siu-kái | kái goân-sí-bé]
  • (Chho͘-o͘-jī sī hit-nî siōng-koân ia̍h siōng-hó ê sêng-chek)
  • (Chho͘-âng-jī sī liân-bêng le̍k-sú lāi-té siāng-hó ia̍h siāng-koân ê sêng-chek)
Nî-tō͘Kiû-tūiChhut-sàiTáⁿ-sò͘An-táⁿHőng-bú-lángTáⁿ-tiámThau-luíSa̋n-sínSì-síLúi-táⁿ-sò͘Siang-satTáⁿ-kek-lu̍tChiōⁿ-lúi-lu̍tTn̂g-táⁿ-lu̍tOPS
2015Lamigo Thô-oân291113692909227120.3240.3770.6401.017
20161164832002910524515933360.4140.4760.6891.165
20171154371783110116504430660.4070.4910.7001.191
201811845315917849516324870.3510.4460.5470.993
2024Tâi-kǹg Hiông-eng110403113660138670160100.2800.3830.3970.780
20251093899345710584012340.2390.3070.3160.623
Ha̍p-kè6-tang597227677996436723323371241350.3420.4240.5450.969

Ji̍t-pún Chit-pāng

[siu-kái | kái goân-sí-bé]
Nî-tō͘Kiû-tūiChhut-sàiTáⁿ-sò͘An-táⁿHŏng-bú-lángTáⁿ-tiámThau-lúiSì-síSăn-sínLúi-táⁿ-sò͘Siang-satTáⁿ-kek-lu̍tChiōⁿ-lúi-lu̍tTn̂g-táⁿ-lu̍tOPS
2019Há-muh88306783351316510060.2550.3210.3270.647
20205287182907272820.2070.2630.3220.585
202195252619481307010840.2420.3220.4290.750
202215322000012310.0630.0630.0940.156
20232042101503161310.2380.2890.3570.646
Ha̍p-kè5-tang2707191691597271190254140.2350.3020.3530.655

Chham-khó Chu-liāu

[siu-kái | kái goân-sí-bé]
  1. 1 2 "中職選秀1》武神+神全 新生代重砲手王柏融". 自由時報. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  2. ↑ 羅志朋 (2017-05-09). "大隻雞慢啼╱小時不起眼 王柏融︰曾想放棄". 自由時報. Goân-pún bāng-ia̍h Pó-chûn tī 2018-11-30. 2023-08-26 khòaⁿ--ê.
  3. ↑ 自由體育. "守備移防減壓 王柏融變重砲 - 自由體育". sports.ltn.com.tw. Goân-pún bāng-ia̍h Pó-chûn tī 2019-05-27. 2019-09-09 khòaⁿ--ê.
  4. 1 2 世大運／王柏融轟陽春砲：我們世代要一直贏南韓 Archived 2016-08-20 at the Wayback Machine..ETtoday.2015-07-10
  5. ↑ "2014/11/16, 18:30 Taichung Intercontinental Baseball Stadium" (ēng Eng-gí). 世界棒壘球總會. Goân-pún bāng-ia̍h Pó-chûn tī 2023-08-27. 2023-08-25 khòaⁿ--ê.
  6. ↑ 吳清正 (2015-08-19). "猿定王柏融 行情破550萬". 自由時報. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  7. ↑ 中職快訊》一軍初登板 王柏融首安毀掉希克無安打 Archived 2017-10-12 at the Wayback Machine..自由時報.2015-09-02
  8. ↑ "成績看板 (2015年編號202場一軍例行賽)". 中華職棒大聯盟全球資訊網. Goân-pún bāng-ia̍h Pó-chûn tī 2023-08-27. 2023-08-25 khòaⁿ--ê.
  9. ↑ "全壘打明細 (王柏融)". 中華職棒大聯盟全球資訊網. Goân-pún bāng-ia̍h Pó-chûn tī 2022-10-22. 2023-08-25 khòaⁿ--ê.
  10. ↑ 歐建智 (2015-10-15). "中職新人王入圍公布　許基宏、王柏融及方昶詠角逐". ETtoday運動雲. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  11. 1 2 3 4 5 6 "個人成績表 (王柏融)". 中華職棒大聯盟全球資訊網. Goân-pún bāng-ia̍h Pó-chûn tī 2023-05-27. 2023-08-25 khòaⁿ--ê.
  12. ↑ "成績看板 (2015年一軍總冠軍賽第七場)". 中華職棒大聯盟全球資訊網. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  13. ↑ "〈CPBL〉明年爭新人王敗部復活　王柏融坦言開心". TSNA. goân-loē-iông tī 2016-04-24 hőng khó͘-pih. 2019-09-09 khòaⁿ--ê.
  14. ↑ "中職規則放寬 王柏融明年續爭新人王". 蘋果新聞網. Goân-pún bāng-ia̍h Pó-chûn tī 2017-12-26. 2019-09-09 khòaⁿ--ê.
  15. ↑ 歐建智 (2016-10-15). "中職今年有56人具新人王資格 王柏融雙冠王穩拿新人王". ETtoday運動雲. Goân-pún bāng-ia̍h Pó-chûn tī 2023-08-26. 2023-08-26 khòaⁿ--ê.
  16. ↑ "成績看板 (2016年編號第51場一軍例行賽)". 中華職棒大聯盟全球資訊網. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  17. ↑ 郭羿婕 (2016-09-03). "中職》王柏融4安雙響7打點 3大紀錄一次滿足". 自由時報. 自由時報. Goân-pún bāng-ia̍h Pó-chûn tī 2023-08-25. 2023-08-25 khòaⁿ--ê.
  18. ↑ 郭羿婕 (2016-10-20). "中職年度MVP、新人王 Lamigo王柏融雙料入圍". 自由時報. Goân-pún bāng-ia̍h Pó-chûn tī 2023-08-26. 2023-08-26 khòaⁿ--ê.
  19. 1 2 3 4 "年度獎項得主". 中華職棒大聯盟全球資訊網. Goân-pún bāng-ia̍h Pó-chûn tī 2022-04-06. 2023-08-26 khòaⁿ--ê.
  20. ↑ 歐建智 (2017-01-04). "王柏融只用1.5年月薪50萬　加薪400%都破中職紀錄". ETtoday運動雲. goân-loē-iông tī 2017-01-04 hőng khó͘-pih. 2017-01-04 khòaⁿ--ê.
  21. ↑ "台日對抗賽》王柏融炸響福岡巨蛋". 自由時報. 2017-02-28. Goân-pún bāng-ia̍h Pó-chûn tī 2023-08-27. 2023-08-26 khòaⁿ--ê.
  22. ↑ "中職》台灣の大王威震東洋 日媒1200字談王柏融". 自由時報. 2017-03-03. Goân-pún bāng-ia̍h Pó-chûn tī 2018-12-02. 2023-08-26 khòaⁿ--ê.
  23. ↑ "2017中華職棒頒獎典禮完整名單 王柏融年度MVP連霸". 自由時報. 2017-11-07. Goân-pún bāng-ia̍h Pó-chûn tī 2018-01-01. 2023-08-26 khòaⁿ--ê.
  24. ↑ 林宥辰 (2018-05-17). "攔胡王柏融? 美職11隊球探出沒". 自由時報. Goân-pún bāng-ia̍h Pó-chûn tī 2023-08-26. 2023-08-26 khòaⁿ--ê.
  25. ↑ "逐廠成績表 (王柏融)". 中華職棒大聯盟全球資訊網. Goân-pún bāng-ia̍h Pó-chûn tī 2022-10-19. 2023-08-26 khòaⁿ--ê.
  26. 1 2 "中職／王柏融海外入札　北海道日本火腿得標". ETtoday運動雲. 2018-11-20. goân-loē-iông tī 2021-05-18 hőng khó͘-pih.
  27. ↑ "存档副本". Goân-pún bāng-ia̍h Pó-chûn tī 2025-02-20. 2024-12-04 khòaⁿ--ê.
  28. ↑ "震撼！奪6總冠軍Lamigo突轉賣　16年虧損16億". Goân-pún bāng-ia̍h Pó-chûn tī 2019-08-09. 2019-08-09 khòaⁿ--ê.
  29. ↑ "台鋼雄鷹》日職首轟就是打吉田一将如今變隊友 王柏融大學就對過他". Yahoo News (ēng Hôa-gí). 2024-08-09. Goân-pún bāng-ia̍h Pó-chûn tī 2024-09-16. 2025-11-14 khòaⁿ--ê.
  30. ↑ "日本ハム"台湾の大王"王柏融が来日１号「うれしいです。待望の一発です」". デイリースポーツ. 2019-04-17. Goân-pún bāng-ia̍h Pó-chûn tī 2019-04-17. 2023-09-09 khòaⁿ--ê.
  31. ↑ 體育中心 (2019-04-30). "日職》日本火腿宣布 王柏融下放二軍". 自由時報. Goân-pún bāng-ia̍h Pó-chûn tī 2019-05-01. 2019-05-01 khòaⁿ--ê.
  32. ↑ "日本ハム王柏融は左足骨挫傷の重傷　台湾代表も白紙". Goân-pún bāng-ia̍h Pó-chûn tī 2019-09-27. 2019-09-27 khòaⁿ--ê.
  33. 1 2 3 4 王　柏融（北海道日本ハムファイターズ） | 個人年度別成績. 日本棒球機構 (ēng Ji̍t-pún-gí). Goân-pún bāng-ia̍h Pó-chûn tī 2023-03-20. 2023-08-27 khòaⁿ--ê.
  34. ↑ 廖德修 (2020-05-28). "日職6月19日開打 熱身賽箭在弦上" (ēng Hôa-gí). 中國時報. goân-loē-iông tī 2021-01-10 hőng khó͘-pih. 2021-01-08 khòaⁿ--ê.
  35. ↑ 王怡翔 (2020-07-26). "已經不是火腿近期先發主力　王柏融遭降二軍" (ēng Hôa-gí). 三立新聞網. Goân-pún bāng-ia̍h Pó-chûn tī 2023-08-27. 2021-01-08 khòaⁿ--ê.
  36. ↑ "日職／久等了！「大王」回歸 王柏融本季首度升上一軍" (ēng Hôa-gí). 聯合新聞網. 2021-04-27. Goân-pún bāng-ia̍h Pó-chûn tī 2023-07-30.
  37. ↑ "田中將大坦言唯一的痛是王柏融". goân-loē-iông tī 2021-10-31 hőng khó͘-pih. 2022-01-15 khòaⁿ--ê.
  38. ↑ "山本由伸坦言不甘心". goân-loē-iông tī 2021-10-31 hőng khó͘-pih. 2022-01-15 khòaⁿ--ê.
  39. ↑ "存档副本". goân-loē-iông tī 2021-11-04 hőng khó͘-pih. 2022-01-15 khòaⁿ--ê.
  40. ↑ "日球評痛批素人守備 王柏融IG回應". Yahoo奇摩新聞 (ēng Hôa-gí). goân-loē-iông tī 2021-11-08 hőng khó͘-pih. 7 Nov 2021 khòaⁿ--ê.
  41. ↑ 陳立勳 (2022-12-05). "王柏融育成約年薪？　經紀人：不會那麼低" (ēng Hôa-gí). ETtoday新聞雲. Goân-pún bāng-ia̍h Pó-chûn tī 2023-07-30. 2023-07-30 khòaⁿ--ê.
  42. ↑ 體育中心／綜合報導 (2023-07-30). "日職》99號大王回來了！ 日本火腿將王柏融轉為支配下球員" (ēng Hôa-gí). 自由時報. Goân-pún bāng-ia̍h Pó-chûn tī 2023-08-02. 2023-07-30 khòaⁿ--ê.
  43. ↑ 李昶毅 (2023-12-13). "台鋼大王來了！王柏融正式加盟　簽下3年3600萬元合約". 民視新聞網. Archived from the original on 2023-12-13. 2023-12-13 khòaⁿ--ê.
  44. ↑ 林建嘉 (2024-04-04). "還不是靠大王！台鋼隊史首轟就是王柏融生涯第87轟". 太報. goân-loē-iông tī 2025-07-16 hőng khó͘-pih. 2024-04-04 khòaⁿ--ê.
  45. ↑ 楊舒帆 (2026-04-29). "王柏融生涯百轟出爐！中職史上第28人". ETtoday. 2026-04-29 khòaⁿ--ê.

Gōa-pō͘ Liân-kiat

[siu-kái | kái goân-sí-bé]

Tī Wikimedia Commons téng ê siong-koan tóng-àn: Ông Pek-iông

Chióng-hāng
chêng-jīm: 
Lîm Tì-sèng		 Tiong-hôa Chit-pāng nî-tō͘ MVP
2016 nî－2017 nî		 kè-jīm: 
Tân Chùn-siù
chêng-jīm: 
Khó͘ Ki-hông		 Tiong-hôa Chit-pāng Sin-jîn-ông
2016 nî		 kè-jīm: 
Chiam Chú-hiân
chêng-jīm: 
Ô͘ Kim-liông		 Tiong-hôa Chit-pāng An-táⁿ-ông
2016 nî－2017 nî		 kè-jīm: 
Tân Kia̍t-hiàn
chêng-jīm: 
Ô͘ Kim-liông		 Tiong-hôa Chit-pāng Táⁿ-kek-ông
2016 nî－2017 nî		 kè-jīm: 
Tân Chùn-siù
chêng-jīm: 
Lîm Hông-io̍k		 Tiong-hôa Chit-pāng Táⁿ-tiám-ông
2017 nî		 kè-jīm: 
Chiúⁿ Tì-hiân
chêng-jīm: 
Ko Kok-hui		 Tiong-hôa Chit-pāng Choân-lûi-táⁿ-ông
2017 nî		 kè-jīm: 
Tiuⁿ Chì-hô
chêng-jīm: 
Chiam Tì-giâu, Lô Kok-liông, Û Tek-liông		 Tiong-hôa Chit-pāng Kim-chhiú-thò Chióng (gōa-iá-chhiú)
2016 nî－2018 nî		 kè-jīm: 
Lîm Tiat-soan, So͘ Tì-kia̍t, Tiuⁿ Chì-hô
chêng-jīm: 
Ko Kok-hui, Tiuⁿ Chèng-úi, Tiuⁿ Kiàn-bêng		 Tiong-hôa Chit-pāng Chòe-ka 10-jîn Chióng (gōa-iá-chhiú)
2016 nî－2018 nî		 kè-jīm: 
Chiam Chú-hiân, So͘ Tì-kia̍t, Nâ În-lûn
chêng-jīm: 
Nâ În-lûn		 Tâi-oân Tōa-sài Iu-siù Kiû-oân-chióng (Sèng-hong)
2015 nî		 kè-jīm: 
Lîm Ui-tîng
Lâi-goân: "https://zh-min-nan.wikipedia.org/w/index.php?title=Ông_Pek-iông&oldid=3274716"