Ông Thian-sióng

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Ông Thian-sióng

Ông Thian-sióng (王天賞; 1903 nî 11 goe̍h 16 ji̍t1994 nî 11 goe̍h 21 ji̍t) sī Tâi-oân ê si̍t-gia̍p-ka kiam chèng-tī-chiá.

Keng-le̍k[siu-kái | kái goân-sú-bé]

Ông Thian-sióng sī Ko-hiông Kî-āu chhut-sì--ê. Tām Ko-hiông Tē-it Kong-ha̍k-hāu chut-gia̍p liáu-āu pat tòe Lîm Kài-jîn (林介仁) chham Tân Sek-jû (陳錫如) o̍h Hàn-ha̍k; tè-bé kok hòe Tang-kiaⁿ Meziro (目白) Eng-gí Ha̍k-hāu ha̍k-si̍p, mā khì kòe Siōng-hái iû-ha̍k.

I 1917 nî ê sî ji̍p Tāi-chèng Bû-chìn Tu-sek Hōe-siā ê Ko-hiông chi-tiàm siōng-pan, chò kàu 1923 nî ê sî, koh kái ji̍p Ha̍p-chu Hōe-siā Āu-têng-cho͘ (合資會社後藤組). Kàu 1924 nî kòe Ji̍t-pún pún-thó͘ liû-ha̍k, 1926 nî chài koh tńg Tâi-oân keng-gêng hoat-tōng-ki hî-gia̍p. Kî-kan ia̍h sī Tâi-oân Heng-gia̍p Sìn-iōng Cho͘-ha̍p ê lí-sū, āu--lâi chò kàm-sū. Ông--sī 1929 nî chìn-ji̍p Tâi-oân Chhng-khò͘ Hōe-siā.

1930 nî i kòe Tiong-kok chi̍t chām, 1931 nî tńg Tâi-oân, tī Tâi-oân Sin-bîn-pò chò tāi-chì. 1932 nî khui Chín-bûn Su-kio̍k (振文書局). 1936 nî i chò Kî-āu Chhiⁿ-hî Î-chhut Kong-si ê cho͘-chit tāi-piáu téng hî-gia̍p hong-bīn ê sū-gia̍p.

1938 nî, Ông--sī chham-ú Ko-hiông Siong-kong Hōe-gī-só͘ gī-goân soán-kí tòng-soán. 1939 nî i koh chham-ka Tē-2-hôe ê Ko-hiông-chhī-hōe gī-goân soán-kí tòng-soán.

Chiàn-āu i mā bat chò Ko-hiông chhī-chèng-hú ê kàu-io̍k-kio̍k-tiúⁿ, Kok-seng-pò hoat-hêng-jîm téng sū-gia̍p.

Siong-koan[siu-kái | kái goân-sú-bé]

Chham-khó[siu-kái | kái goân-sú-bé]

  • 中山馨 & 片山淸夫 (1940). 躍進高雄の全貌. 
  • 臺灣新民報社, pian. (1937). "王天賞". 臺灣人士鑑. 呂靈石. 
  • 全島市會議員及街庄協議會員一覽. 臺灣新民報社. 1939. 
  • 蔡說麗 (2005). "王天賞". 線上台灣歷史辭典. 遠流出版事業 & 智慧藏學習科技.