Pang-chān:中華人民共和國

「中國」轉過遮。揣其他用法，看中國（區別頁）。

中華人民共和國 中华人民共和国
國旗 國徽
國歌： 义勇军进行曲 「義勇軍進行曲」
首都	北京
上大城市	上海
官方語言	漢語普通話
承認兮地方語言	蒙古語 Uyghur語 藏語 狀語 等等
政府	單一制、Marx-Lenin主義、一黨制、社會主義、共和國
• 國家主席	習近平（嘛是中共總書記）
• 國務院總理	李強
• 人大委員長	趙樂際
• 政協主席	王滬寧
立法機構	全國人民代表大會
面積
• 攏總	9,596,961 km2 (3,705,407 sq mi) (第3名)
• 水域（%）	2.8
人口
• 2023年估計	1,409,670,000 (第2名)
• 密度	145/km2 (375.5/sq mi) (第83名)
GDP (PPP)	2024年估計
• 攏總	$35.291兆 (第1名)
• 平均	$25,015 (第73名)
GDP（名義）	2024年估計
• 攏總	$18.533兆 (第2名)
• 平均	$13,136 (第68名)
Gini (2020年)	37.1 中
HDI (2022年)	0.788 高 · 第75名
貨幣	人民幣（元/¥） (CNY)
時區	UTC+8 (CST)
時間格式	yyyy-mm-dd yyyy年m月d日（CE; CE-1949）
商用電源	220 V–50 Hz
開車方向	右
電話區號	+86
ISO 3166代號	CN
上頂domain	.cn .中国 .中國

中華人民共和國（簡化字：中华人民共和国；英語：People's Republic of China），簡稱中國（簡化字：中国），是踮佇東亞洲的一个社會主義國家，佇1949年10月1日成立，首都佇北京市。中國土地面積大約是960萬平方公里，是世界上排佇前幾名的國家。

中國有三十四个一級行政區，包括二十三个省、五个自治區、四个直轄市佮兩个特別行政區。

中國的人口超過14億（2022年），是目前世界上人口上濟的國家。中國嘛是一个多民族國家，有五十六个民族，其中漢族人口上濟，佔上無九成。

中國的國語是華語，正式稱呼是現代標準漢語之中兮普通話，伊使用的文字是規範漢字，嘛叫做簡化字。

中華人民共和國目前是世界第2大經濟體，2021年中國的GDP有17.7兆美金，按照國際匯率計算，排世界第二，干焦輸美國；按照購買力平價來計算，是世界第一。1978年改革開放後，中華人民共和國是經濟成長上緊的一个主要經濟體，伊的GDP成長率定定是世界頭二十名經濟體之中上懸的。

國名

中華人民共和國國名中，「中華」代表中華民族，「人民」代表工人、作穡人、小資產階級佮民族資產階級，「共和國」代表伊的國體。

中華人民共和國有時會予人叫做「新中國」，這是欲和新民主主義革命時期的「舊中國」做區分。毋過1949年到1971年之間，中華民國政府移徙去臺灣了後，猶原予國際社會當做是中國政府，而且佇聯合國中閣佔有中國的席次；這个時陣的中華人民共和國予人叫做紅色中國（Red China）抑是共產中國（Communist-controlled China），總是伊原仔堅持伊家己是代表中國的唯一合法政府。

1971年10月，聯合國大會通過聯合國大會第2758號決議，中華人民共和國對彼時開始取得「中國」的席次佮相關地位，「中國」這个詞嘛漸漸成做國際社會對中華人民共和國的稱呼。「中」抑是「華」遮的簡稱嘛定定攏是咧指稱中華人民共和國，像講「中日關係」、「駐華大使」等等。

1949年以後，控制臺灣地區的中華民國政府到今猶未佇憲法層級主張伊家己佮中華人民共和國是無仝的兩个主權國家，所以伊無愛用正式國名來稱呼中華人民共和國，顛倒是共伊叫做「中國大陸」、「大陸」、「大陸當局」、「北京當局」抑「中共」等等。是講，民主進步黨執政時期，中華民國政府有時嘛會直接講「中國」抑是「中華人民共和國」。

地理

詳細請看：中國地理

領土

中國的法定疆域北至黑龍江省漠河縣的黑龍江河川航道中心點，東至黑龍江佮烏蘇里江合港的黑瞎 (hat)子島，西至新疆 Uyghur 自治區 Ulugqat 縣西方的 Pamir 懸坪，南至海南省管轄之下、 南沙群島的曾母暗砂。東西距離大約有5,200 km（迒過5个時區），南北距離大約有5,500 km。

中國的海岸線有18,000 km，倚近渤海、黃海、東中國海、南中國海，其中渤海是中國的內海，內海佮邊海水域面積大約470萬 km²。沿海島嶼有5000外个。中國閣有3个主要的海峽：渤海海峽、烏水溝、瓊州海峽。

中國的邊界線攏總有22000外 km，雖然猶有眾議，猶原是世界上長。伊有14个陸上鄰國，世界上濟，佮露西亞平濟。

中國的地形圖

地形佮氣候

中國的地勢是西懸東低，會使分做三岑岑仔。第一岑是西南部的青藏高原，嘛予人叫做「世界厝脊」。

歷史

：中華人民共和國歷史佮中國歷史

國共內戰

1917年露西亞十月革命成功，共產主義傳入去中國。1921年中國共產黨佇上海成立，𪜶 (in)的目標是欲建立一个無產階級專政的政權。一開始，𪜶 (in)加入共產國際接受指導，閣佮中國國民黨合作，參與北伐戰爭，毋過1927年蔣介石做頭的中國國民黨實施「清黨」，兩爿煞關係破裂，紲落來10年的時間就不時咧相戰。1930年代，以毛澤東做頭的本土派搦權，建立第一个由共產黨執政的政權：中華 Soviet 共和國。中國抗日戰爭時期，共產黨閣再和 (hām)國民黨合作，此時共產黨的勢力沓沓仔楦大。1945年中國抗日戰爭結束了後，國共之間的衝突演變成做第二次國共內戰，落尾，中國共產黨領導的中國人民解放軍拍敗中國國民黨的中華民國國軍，推翻中華民國，佔領中國大陸，啊蔣介石佮伊的政權渡海流亡到臺灣地區。

政治

北京長安街中央的天安門城樓佮廣場是中華人民共和國的國家佮政治象徵。

tóng-àn:Mao and lion.jpg

天安門面前的大幅毛澤東畫像是畫家王國棟佇1967年畫的。相片的前景是一身北京皇城的狻猊 (soan-gê)雕像，強強所有的政府機關頭前攏有狻猊，伊是國家權威的象徵之一。

國體佮政體

按照中華人民共和國憲法，中華人民共和國國體是由工人階級領導的、以工農聯盟為基礎的、人民民主專政的社會主義國家。中華人民共和國嘛是世界上少數由共產黨執政、而且宣揚共產主義的國家之一。中華人民共和國的國家意識形態是馬克思主義，閣有中國共產黨佇馬克思主義的基礎上提出的毛澤東思想、鄧小平理論、三个代表、科學發展觀、習近平新時代中國特色社會主義思想等等理論。國政方針包括人民民主專政、中國特色社會主義佮社會主義市場經濟。

政府結構

全國人民代表大會是國家最高權力機關；主要行使立法權，並選出國家元首（國家主席）、行政機關（國務院）、司法機關（最高人民法院）、檢察機關（最高人民檢察院）、軍事機關（中央軍事委員會）、監察機關（國家監察委員會）等等的。

行政區

詳細請看：中華人民共和國的行政區

中華人民共和國行政區圖	層級	番號、名、簡稱、省都/首府
省 (23个)   自治區 (5个)   直轄市 (4个)   特別行政區 (2个)   實際控制，但是有爭議的地區   主張有主權，但是無實際統治、有爭議个地區	省	1) 河北省 (冀，石家莊市) 2) 山西省 (晉，太原市) 3) 遼寧省 (遼，瀋陽市) 4) 吉林省 (吉，長春市) 5) 烏龍江省 (黑，哈爾濱市) 6) 江蘇省 (蘇，南京市) 7) 浙江省 (浙，杭州市) 8) 安徽省 (皖，合肥市) 10) 江西省 (贛，南昌市) 11) 山東省 (魯，濟南市) 12) 河南省 (豫，鄭州市) 13) 福建省 (閩，福州市) 13) 湖北省 (鄂，武漢市) 14) 湖南省 (湘，長沙市) 15) 廣東省 (粵，廣州市) 16) 海南省 (瓊，海口市) 17) 四川省 (川/蜀，成都市) 18) 貴州省 (貴/黔，貴陽市) 19) 雲南省 (雲/滇，昆明市) 20) 陝西省 (陝/秦，西安市) 21) 甘肅省 (甘/隴，蘭州市) 22) 青海省 (青，西寧市) 23) 臺灣省（臺，臺北市）（有爭議）
	自治區	24) 內蒙古自治區 (內蒙古，Hohhot 市) 25) 廣西壯族自治區 (桂，南寧市) 26) 西藏自治區 (藏，Lhasa 市) 27) 寧夏回族自治區 (寧，銀川市) 28) 新疆 Uyghur 自治區 (新，Ürümchi 市)	省佮自治區下跤通常會劃分地級市（包括副省級市)、地區行政公署、自治州、盟等等地級行政區，地級行政區下跤劃分縣、自治縣、縣級市、旗、自治旗、市轄區等等縣級行政區（閣有林區佮特區各一个特例），縣級行政區下跤劃分行政建制鎮、鄉、民族鄉、sumu（蘇木）、街道辦事處等等鄉級行政區。 直轄市下跤無設地級行政區，直接劃分縣級行政區（包括副省級市轄區）。 港澳特區依一國兩制原則，根據港澳特區的《基本法》照原用舊的行政區分。 臺灣省佮福建省的金門、馬祖、烏坵等等地區攏是由中華民國政府實際統治。
	直轄市	29) 北京市 (京，通州區) 30) 天津市 (津，河西區) 31) 上海市 (滬，黃埔區) 32) 重慶市 (渝，渝中區)
	特別行政區	33) 香港特別行政區 (港) 34) 澳門特別行政區 (澳)

經濟

能源佮礦產

中國是世界上𠢕 (gâu)開能源的國家，嘛是能源生產上濟的國家。2016年生產電力5.883兆度電，消磨5.564兆度電。

交通

詳細請看中國的交通

中國有鐵路系統、公路系統、航空系統、航運系統佮 pipeline 運輸構成的交通運輸網。

國際貿易

中國是世界貿易組織的成員，伊是佇2001年加入去个。

科技

資訊科技

中國有華為、Lenovo 集團、小米科技、OPPO 等等個人電腦佮手機仔公司。

人口

族群

：中華民族佮中華人民共和國的民族

中華人民共和國的法定民族有56个，合稱中華民族，其中的主體是漢族。除去漢族掠外的55族攏予人叫做「少數民族」。

語言佮文字

詳細請看：中國的語言

參閱：現代標準漢語、普通話、規範漢字佮漢語拼音

中國的語言真濟，會使分做5个語言家族：漢藏語系、Altai 語系、南島語系、南亞語系、印歐語系。漢藏語系下跤的漢語是中國內底使用人口上濟的，嘛是世界上使用人口上濟的。漢語下跤包含7个大分支：官話、吳語、粵語、閩語、湘語、贛語、客家語，𪜶 (in)予中國的語言學家當做是漢語的「方言」，毋過實際上較成幾若个語言。

中華人民共和國佇2000年通過《中華人民共和國通用語言文字法》，依法將普通話佮規範漢字定為國家通用語言文字，以便全國各族人民溝通交流。 政府允准佇特定情形下保留繁體漢字，而且予各民族會使去使用佮發展家己的語言佮文字。 國家通用語普通話是「以北京語音為標準音、以北方話為基礎方言、以典範的現代白話文著作為語法規範。」

中國的少數族群嘛使用𪜶 (in)家己的語言，比論講蒙古語、藏語、Uyghur 語、Kazakh 語、朝鮮語、彝 (î)語、壯語等等。

雖然中國佇法律上寫講會保障所有語言，實際上不時咧打壓普通話掠外的語言。比論講佇少數民族地區，中國政府漸漸限制少數民族使用民族語言來教冊、出版，像蒙古語、藏語、Uyghur 語攏有受害的記錄，這款情形嘛不時咧受著人權人士的批評。

宗教信仰

詳細請看：中國的宗教

中華人民共和國的官方立場是無神論，無設置法定宗教，政府支持並執行反宗教運動。雖然《憲法》保證宗教自由，，閣有國家宗教事務局管理國內宗教事務，但是無予政府批准的宗教組織會受著壓制甚至迫害。

• 
  Hëytgah 清真寺
• 
  Potala 宮
• 
  莫高窟
• 
  法輪功

文化

閣看

• 中國（用語）
• 中國人
• 中國大陸
• 中華民族
• 中華民國

外部連結

• 中華人民共和國中央人民政府門口網站
• 中國網