Thó-lūn:Jîn-kó

仁果

仁果：蘋果

仁果是果子的一款，歸屬佇單生果，定定佇薔薇科的植物看-著，濟濟仁果予人類提來食，親像蘋果、梨仔、山楂（澀梨仔）等等，仁果的外果皮佮中果皮之間敆界無分明，內果皮筋韌緻密，有个物種像山楂的內果皮猶有石細胞，質地非常的橂，內果皮共果子的核心分做五个細細的間格，逐个間格有兩粒種子佇-咧，仁果的花萼、雄蕊、花珠遮的結構宿存，位佇果柄的對側，仁果是由五个心皮敆做伙子房下圍的雌蕊發育來的，佇受精後，包圍子房的花桶佮子房同齊發育，形成厚佮濟汁的外果皮佮中果皮，因為仁果大部份的果子肉並毋是對子房發育來的，因此這類的果子予人稱呼做假果。