Thó-lūn:Tiat-ha̍k

Wikipedia (chū-iû ê pek-kho-choân-su) beh kā lí kóng...
(Tùi 哲學 choán--lâi)
跳至導覽 跳至搜尋

哲學[kái goân-sú-bé]

哲學這个詞是對日本漢字詞 哲学 (てつがく) 來-的,另外希臘語φιλοσοφια是"對智彗的愛"的意思,希臘語的這个字是德語Philosophie, 法語philosophie英語 philosophy的共同來源。

哲學的意思真濟:

  • 個人看這个世界抑是世界某物物件 / 代誌的方式。
  • 捌學過按怎思考的人所想出來的規套的觀念系統。
  • 研究抽像觀念的學門。

這篇文章所講的哲學是講研究哲學這个學科的學者(哲學家)怹久長咧做思考的遐的觀念(學問)。

頂懸講遮个觀念已經成做一个真大的智識佮問題的系統矣,哲學本身就有分做真濟類,有个哲學系統是對歐洲,特別是古早的希臘來-的,有个是對亞洲-出來的,有个是閣別位-的。

基本紹介[kái goân-sú-bé]


哲學是一款透過思考佮問問題來研究人類佮這个世界的學問,另外一種哲學的定義是"對抽像觀念的研究",哲學毋是科學的一種,因為哲學毋是咧研究這世間的物件佮代誌按怎運作,基本上,哲學是透過回答一寡大問題,閣對彼實際的答案進一步問看"為甚物 / 為甚物毋是"這款的方視咧做思考。

毋過哲學佮科學有關係,嘛和宗教有底代,對科學佮宗教的一寡問題,哲學甚至會當做伙來提供答案,有人認為哲學是一款佇科學佮宗教中間的學問,嘛有人認為哲學應該著獨立做研究,莫有交插。

哲學家對問題的答案會使是五花十色,哲學佮科學和宗教無仝,有當時仔對問題並無正確的答案,干焦通講揣有較好的答案niā-tiāⁿ。

下跤是一寡哲學的重要的問題:

  • 甚物是好,抑是講甚物是媠-的?
  • 敢有上帝
  • 咱佇咧這个世界敢誠實存在?
  • 是啥貨?
  • 甚物是真理

哲學的領域佮分支[kái goân-sú-bé]


咱會當共哲學閣分拆,變做無仝的領學或者是分支,分拆的標準是咱問的問題的分類,下跤就是照逐類的問題分做幾若个領域或是分支,遮的問題比頂懸遐的問題加真齊全,若有一套通回答遮的問題的答案,咱就通講彼是一套"哲學",今已經有濟濟哲學佇咧,就親像逐的人對下面遮的問題的看法攏各樣仝意思,總-是嘛毋是攏總的哲學家攏問仝款的問題,下跤的問題干焦是歐洲的哲學家較捷問的。


  • 形而上學: 有時陣閣分做本體論 (研究實體佮存在的哲學)、研究心靈、佮研究宗教的哲學三種。
    • 本體論
      • 咱所看的這个世界到底是啥物? (甚物是實際-的?)
      • 敢有人看會著聽會著以外的物件 / 代誌?
      • 若準無人看著代誌發生,敢著通講彼代誌無發生?
      • 敢有其他的世界?比論講有另外一个世界,佇遐發生的代誌和咱這个世界各樣?
      • 做人或者是活咧敢有甚物特別的所在?若無來講,是按怎有人會想做有?
      • 甚物是空間?閣甚物是時間
    • 研究心靈的哲學
      • 甚物是 / 心靈?
      • 甚物是身體 / 肉體?
      • 甚物是意識
      • 人敢會使家己做決定? 抑是講然窮實干焦會當決定做一件代誌? ( 人敢有自由意向? )
    • 研究宗教的哲學
      • 人敢有靈魂
      • 敢有一个創造萬物的上帝?
  • 認識論(智識論)
    • 甚物是智識?
    • 咱是按怎知影代誌(物件), 了解代誌(物件)-的?
    • 甚物是科學?
    • 甚物是真理?
  • 倫理學
    • 甚物是著、甚物是毋著? 好佮歹閣是-啥
    • 人敢有一寡代誌著做,閣有寡代誌袂使做?
    • 甚物是正義
  • 美學
    • 甚物是媠?
    • 誠實的物件敢有媠?
    • 好的物件敢有媠?
    • 甚物是藝術
  • 明學 (論理學)
    • 咱用的字詞的意思是甚物?
    • 咱著按怎才會當用一款方式共一項物件(一件代誌)講-出來,閣干焦有孤一个意思?
    • 敢是攏總的觀念攏有才調用語言表達?
    • 甚物是事實 / 真理 ?