Thó-lūn:Tē-tāng

Wikipedia (chū-iû ê pek-kho-choân-su) beh kā lí kóng...
(Tùi 地動 choán--lâi)
跳至導覽 跳至搜尋

地動[kái goân-sú-bé]

地動,簡單講,是一種發生佇地球外殼的震動。

宇宙空間內的萬物攏是不斷咧運動,地球嘛無掠外,運動會產生能量,當當地球內部的能量粒積甲超過一定的程度,地殼接chàn袂牢,地球地底的岩層出現裂痕佮攝襇,了後地底的能量著chôaⁿ規大垺攏總濺出來,並且形成地動波向四箍輾轉湠出去,造成地動,一般來講,凡若強烈的地動過後,往往會閣相連紲出現一寡仔小地動。

地動波[kái goân-sú-bé]


地動波是一種彈性波,分做橫波直波兩種,橫波傳播的速度是3~4公里/秒,直波傳播的速度是5~6公里/秒,橫波致使塗跤hi̍t佮搖,直波致使塗跤佮tiō,地動發生的時,直波先到,橫波晏到,直波隨來隨去,橫波那來那猛,橫波是造成地面建築物損害的主要因素。

地動的大細[kái goân-sú-bé]


表示地動大細的標準,有震級佮烈度兩个指標。

地動的類型[kái goân-sú-bé]


Tipos de fallas.png

分做人為佮天然兩種。

地動的危害[kái goân-sú-bé]


地動是地球頂主要的自然災害,地球頂差不多每工攏有地動咧發生,其中大多數是小地動,並且發生佇偏遠的山區,強烈的地動一旦發生佇人類生活區,往往會造成大規模的傷亡佮損失。

陸地上的大地動定定致到厝塌、樹仔倒,崩山裂地,人畜傷亡。

大海的大地動往網閣會引起海漲,造成閣較大的災難。

如何佇地動的時保護咱家己[kái goân-sú-bé]


發生這款天災的時陣,代先是愛冷靜,千萬毋通生狂,若准明顯感覺著地動的時,著愛趕緊來逃生,會記毋好四界傱,覕的時陣毋好走傷遠,愛注意保護頭殼。

地動發生的時,盡量愛趕緊離開厝間,走去較闊曠、較通俍的所在閃避,準講暫時無法度離開厝間的,會當覕踮遐的結構較絚、較有擋頭的家具下面,抑是一寡仔較狹、較siok-kiat的房間仔內,按呢著會當減少著傷的機會,不而過,當當地動有回落來的時,著愛趕緊來離開蹛的所在。