Thó-lūn:Hêng-jî-siōng-ha̍k

Wikipedia (chū-iû ê pek-kho-choân-su) beh kā lí kóng...
(Tùi 形而上學 choán--lâi)
跳至導覽 跳至搜尋

形而上學[kái goân-sú-bé]

形而上學哲學內底一个重要的分支,形而上學所研究的是第一原理第一因端英語: first principles, first cause)佮存在(佇咧;甚物是存在、存在的性質等等)的問題和主題。

形而上學的語源[kái goân-sú-bé]


漢字文化圈的語源
形而上學是對日語漢字詞形而上学 (keizizyôga)來的,華語嘛是吸收這个日語辭來用(有當時仔簡省做形上學), 上起見日本學者是根據易經的繫辭上傳,內底的"形而上者謂之道,形而下者謂之器"這兩句話創出這个新詞來的。
一寡西方語言的語源
希臘古早的哲學家亞里斯多德(Aristotle)有寫一寡冊,攏總號做 φυσικά (physika, 英語寫做Physics),佇較早的版本內底,有另外一寡亞里斯多德的著作是予人編佇 φυσικά後面的,遐的冊看起來是佮基本、基礎的哲學問題有底代的,亞里斯多德家治共遐的著作號做"第一哲學",若早期的亞里斯多德派的學者是規氣共遐的冊叫做 τὰ μετὰ τὰ φυσικά βιβλια (ta meta ta physika biblia),意思是"第一physika後壁的冊",有一个講法講這就是英語metaphisics (德語: Metaphysik, 法語: Métaphysique, 西班牙語: Metafísica)的語源。
若照語言學來看,metaphysics就是盤過(meta) 自然科學(physika),嘛有對同。

基本紹介[kái goân-sú-bé]


形而上學有一部份是咧"對思考來做思考",形而上學一个蓋主要的主題就是咧研究思考的過程:親像咱是按怎知覺的、咱是按怎理解的、咱是按怎溝通的、咱是按怎做思考的等等。

形而上學的主題定定真抽像,咱嘛通講形而上學關心的,就是"咱人按怎處理一寡抽像的代誌"。

普通講起來形而上學上重要的問題是本體論的問題,研究存在佇咧實體等等的代誌。

現此時形而上(學)這个詞捷捷予一般人妄用,四常聽著的定定是佮神秘主義等等的代誌較有關係,顛倒和形而上學佮本體論較無底代,雖然這款用法和第一原理或是存在的本質無關係,毋過一般遮的用法嘛會佮形而上學的假定有牽涉著。