Thó-lūn:Sí-hêng

Wikipedia (chū-iû ê pek-kho-choân-su) beh kā lí kóng...
(Tùi 死刑 choán--lâi)
跳至導覽 跳至搜尋

死刑[kái goân-sú-bé]

死刑法律分類圖。(水色:完全廢除;黃色:特殊狀況以外攏廢除;柑仔色:等於廢除;粉紅色:有死刑)

死刑,人間上古老的刑法之一,有權動刑的人,按照法律的許可,執行法律的規定,聽好結束一个犯人的性命,當然這个犯人定著是已經犯了嚴重的罪行,到今,世間人對待"嚴重罪行"的定義、看法無一定相siâng,也就是講閣存在爭議,不而過,對遐的到今猶閣保留"死刑"的國家來講,"刣人者賠人性命"這條規律一貫是實施"死刑"的一个蓋基本的條件。

奴隸社會開始就有死刑,到今,有袂少國家猶原保留這項刑法,比論講美國日本新加坡這款的發達國家,以及一寡仔社會主義國家和伊斯蘭國家,這以外,大多數的發展中國家攏有死刑,不而過,歐洲國家透底已經廢除死刑,原因有兩方面,第一是宗教信仰的影響,按照舊約聖經的講法,一切犯罪的人攏有改過自新的機會,無應該用死刑來結束怹的性命,第二種原因聽講是佮"民主制度、法制建設、以及人道主義的發展"有關係。

Hông判死刑的犯人,透底號做"死人犯"抑是"拍銃phoe",咧欲動刑進前,透底攏會hông押去一間特殊的監牢單獨關一站,到甲這款的坎站,司法機關欲做的工課是收集證據,準備動刑,啊犯人嘛聽好提出最後的上訴。

來看國際特赦組織佮其他有關方面的統計資料:

  • 84个國家,佮百慕達香港澳門紐威島、Thò·-kek-su群島、Khai-kho-su群島...遮的國家佮地區無死刑。
  • 10个國家佮庫克群島到今對特殊情形執行死刑,若普通情形就無死刑。
  • 24个國家規定普通的情行有死刑,不而過若10年內袂當定案的,就袂使執行死刑,比論講露西亞
  • 76个國家,包括中華民國巴勒斯坦,攏規定普通犯罪有死刑。

另外,根據統計:

  • 目前世界上有99个國家猶咧動死刑。
  • 動刑的方式,主要是"拍銃、絞刑、斬(刣)頭,電刑、毒氣刑、石刑、注射"等等。
  • 採用"拍銃"解決的國家86个,採用"絞刑"的國家77个,干焦中華人民共和國美國正式採取"注射死刑"。

建議去參考[kái goân-sú-bé]


外部連結[kái goân-sú-bé]