Thó-lūn:Hoat-gí

Wikipedia (chū-iû ê pek-kho-choân-su) beh kā lí kóng...
(Tùi 法語 choán--lâi)
跳至導覽 跳至搜尋

法語[kái goân-sú-bé]

La langue française dans le monde Légende:
Bleu foncé: langue maternelle ;
Bleu: langue administrative ;
Bleu clair: langue de culture ;
vert: minorités francophones.
法語 (le français, la langue française) 是一種羅曼語言(Romance language),通世界有超過7千萬儂的母語是法語,羅曼語言內底干焦西班牙語葡萄牙語有閣較大的母語人口。

有52个國家的儂講法語,25个國家用伊做怹的官方語言,主要的使用國家有法國比利時瑞西加拿大

歷史[kái goân-sú-bé]

4世紀,羅馬帝國統治法國,拉丁語開始佇法國流行。到5世紀,拉丁語已經廣泛取代本底通行於法國的凱爾特語。佇高盧境內,隨著羅馬移民的增加,高盧儂佮怹使用的通用拉丁語融合成通俗拉丁語(le latin vulgaire),同時,上層文人使用的書面拉丁語沓沓仔衰退。5世紀,高盧境內原本講拉丁語的居民,參隨著民族大遷徙進入高盧的講日耳曼語的法蘭克儂的語言開始融合。法語開始失去非重音音節。6-7世紀,大眾語變做一種混合性語言。8世紀,查理曼帝國的建立予法語開始規範化。到9世紀,拉丁語佮日耳曼語最終融合成羅曼語。對939年卡佩王朝開始,法語成為法國唯一的官方語言。

1066年,征服者威廉共法語帶去英格蘭,深刻影響著英語,英語內底有誠夠濟的詞彙攏是對法語中來的。佇十九世紀二十年代前,法語嘛是歐洲外交場合的通用語。

方言[kái goân-sú-bé]

佇即馬的法國領土內,本成有誠濟無仝的方言,後來巴黎附近的方言取代其他方言,成為現代標準法語的基礎。毋過佇南方,因為經濟較落後、閣加上歷史面頂的分隔,到今猶有真濟方言,比論講馬爾舍方言、上朗格多克方言、下朗格多克方言、利木贊方言、上奧佛尼方言、下奧佛尼方言、加斯克尼方言佮普羅旺斯方言。加拿大法語嘛是法語的一種,較倚近古法語,不而過嘛有受著英語的影響。

地理分布[kái goân-sú-bé]

法語是下底遮的國家抑是地區的第一語言:

  • 法國(六千萬人使用,包括新喀裏多尼亞、留尼汪、瓜德洛普、馬提尼克、法屬圭亞那佮聖皮埃爾和密克隆)
  • 加拿大(6,700,000使用者,特別是魁北克省、新不倫瑞克省):加拿大法語
  • 比利時(4,000,000使用者,瓦龍語是 Langue d'Oïl 語的一種方言,佮比利時法語有明顯的差異)
  • 瑞士(除了法語,德語、意大利語佮羅曼什語嘛是官方語言):瑞士法語
  • 摩納哥
  • 海地

伊亦是下底遮的國家的主要第二語言:阿爾及利亞、黎巴嫩、毛裏求斯、摩洛哥佮突尼斯。

伊佇下底遮的國家是官方語言,嘛是學校唯一使用的語言:科摩羅、剛果共和國、法屬波利尼西亞、加蓬佮馬裏。

伊佇下列國家是官方語言或者官方語言之一,毋過無在地亓語言遐爾常用:貝寧、布基納法索、布隆迪、喀麥隆、中非共和國、乍得、赤道幾內亞、科特迪瓦、幾內亞、馬達加斯加、尼日爾、盧旺達、塞內加爾、塞舌爾、多哥、瓦努阿圖佮剛果民主共和國。

伊佇安道爾佮盧森堡亦是一種普遍的語言。

佇香港誠濟直資學校有法語科,香港中學會考亦會使報可即項科目。

另外,佇埃及、印度的本地治裏(Pondicherry)、意大利(Vallée d'Aoste)、老撾、柬埔寨、毛利塔尼亞、英國(汊河島,海峽群島)、美國(阿卡迪亞、卡真,參見美國的法語)佮越南亦有一寡法語使用者。

根據相關部門調查, 有一千萬的美國儂有法國血統, 其中罔有一百萬法國裔美國儂佇咧家庭內使用法語,法語是西班牙語以偌, 較濟美國儂學習的外語。

發音[kái goân-sú-bé]

Siông-sè: 法語音系

元音[kái goân-sú-bé]

法語有16个元音,包括12个口元音佮4个鼻元音

毋過就現當時的實際情況來講,口元音內面的/a/交/ɑ/已經有真濟儂無分,合併做/a/。國內有誠濟法語教材嘛無閣區分即兩个音位。

另外,鼻元音內面的/œ̃/亦佇咧向/ɛ̃/合併,有的儂已經無分。

佮其他主流羅曼語無仝,法語有誠濟單元音音位(西班牙語5个,義大利語7个)。

法語的元音攏總是單元音,加上音位較濟,所以法語的元音佇發音時攏會較緊張。

鼻元音是法語的特色之一,大部份的歐洲語言無即款元音(葡萄牙語佮波蘭語有)。有的漢語內底亦有即款元音,閩南語是鼻元音上豐富的漢語之一。

法語元音的另外一个特色是圓唇音較濟,包括三个前圓唇元音(無算鼻元音)。

輔音[kái goân-sú-bé]

法語有20个輔音,佇即二十个以外,/ŋ/隨著英語借詞的進入,嘛有變成新音位的趨勢。

法語的塞音擦音有清濁對立,清塞音佇元音前一般無送氣,對母語無分清濁的大部份中國儂來講,法語的清濁塞音無好分別。漢語內底,吳語、老湘語佮閩南語的塞音攏有清濁對立。

法語內面無塞擦音

法語的r本成是小舌顫音,但即馬一般是發做濁小舌擦音,即種發音是巴黎方言的特點。實際上,法語的r音位含有真濟變體。

拼讀[kái goân-sú-bé]

相對英語來講,法語是一種拼讀較規則的語言,熟似拼讀規律了後,大部份的法語單詞攏有法度按形推音。

毋過若是佮其他語言比較,法語的拼讀其實是真複雜的,條例誠濟,例外嘛誠濟。

實際上,法語並毋是一種拼讀一致的語言,書寫佮發音之間經常有走縒。比論講,法語單詞上尾頭的輔音大部份攏是無發音的(但若拄著聯誦就會恢復發音)。

常用词句[kái goân-sú-bé]

閩南語 法語
法語 le français
漢語 le chinois
英語 l'anglais
Oui
毋是 Non
汝好!(日時) Bonjour !
汝好!(暗時) Bonsoir !
晚安! Bonne nuit !
再會! Au revoir !
祝汝規日順利! Bonne journée !
S'il vous plaît
多謝 Merci
歹勢 Pardon / désolé(男性)/ désolée(女性)
誰、啥儂? Qui ?
啥物? Quoi ?
啥物時陣、底時? Quand ?
佗位? Où ?
為啥物? Pourquoi ?
汝號做啥名? Tu t'appelles comment ?(非正式)
Comment vous appelez-vous ?(正式)
因為 Parce que
按怎? Comment ?
偌濟? Combien ?
我無了解 Je ne comprends pas.
是,我了解矣! Oui, je comprends.
救儂! Au secours ! (à l'aide !)
廁所佇佗位? Où sont les toilettes ?
汝會曉講中文袂? Parlez-vous chinois?
汝會曉講英語袂? Parlez-vous anglais ?

外部連結[kái goân-sú-bé]

Wikipedia
Wikipedia ū Hoat-gí ê pán-pún.
Wikibooks-logo.svg
Wikibooks ū koan-hē French ê kàu-châi kap soat-bêng-su.