Thó-lūn:Gû-chhia

Wikipedia (chū-iû ê pek-kho-choân-su) beh kā lí kóng...
(Tùi 牛車 choán--lâi)
跳至導覽 跳至搜尋

牛車[kái goân-sú-bé]

臺灣環保人士用牛車宣傳生態主義

牛車是用抑是水牛成做動力的交通工具。

牛車聽好載人佮載貨物,佇農業社會特別重要。


澎湖作穡人往過的一張牛車

牛車佇無仝的環境會發展無仝的形體,一種兩輪的牛車佇山路無平的路面無問題,載重上崎,咱佇牛車棚揤予牛車擔貼牛肩,喊牛來瞪,較崎的崎就瞪會搝,一種牛車佇車棚托懸,挺懸予車尾貼地,會當直接佇車頭來的沙、番薯等等物件,卸甲清氣蔫蔫,毋免助手,無免車頂車跤不停來peh起peh落,佇足細的空間佇車棚托懸,挺懸予車尾貼地,車輪仔原地定點轉踅就會當做360度任何方向的轉踅對頭,這是佮四輪平路用的牛車無仝的所在。

欲載物件前後車閘愛穿踮徛柱內底,車杙頂懸捅出來彼節是準備欲加大車斗空間閣加穿一片車棚用的,下底捅出來彼節是予車繚索雕物件固定用的,車輪包鐵皮,車心抹點仔膠,來保持車輪佮車心接觸彼搭的搰溜,避免接觸彼位因為載重轉踅傷緊的磨損、u̍ih去。

牛車擔愛加一條牽胸索來予車擔貼牛肩,在原早牛車擔和車棚頭連接是用麻索掠一个箍,箍choān予伊做"8"字形,"8"字形的麻索一爿套入車擔,另外一爿套入車棚頭,這馬用螺絲佮鐵箍,是另外一種仝个技術佮智慧。

現此時牛車嘛有觀光的路用。

相關的文章:鐵牛