Thó-lūn:Lôe

Wikipedia (chū-iû ê pek-kho-choân-su) beh kā lí kóng...
(Tùi choán--lâi)
跳至導覽 跳至搜尋

[kái goân-sú-bé]

挓園用的犁佮配件。

牛犁是一種作穡用的農具,佇人有咧種作、會曉借部份六畜的力來鬥做工課開始,應該著有這種家私,在無仝的所在,無仝的用途會有無仝的形體的犁:挓園犁田用的、收成專用用的。

一張犁是有犁車、犁頭、犁壁、犁車擔、犁thok佮兩條比牛身長(牛肩 -- 牛後座)較長小可的大索,一條牽胸索仔來組成的。

犁頭、犁壁是用鉎仔翻砂鑄造的,犁頭是消磨品。

在用犁挓園盤反,弄鬆塗的時,免不了黏塗會銜牢佇犁頭佮犁壁表面,予犁浮佇塗面無法度深挓。彼个時陣犁thok就會予咱提來掉黏佇犁頭、犁壁的塗,予犁閣會當繼續犁出欲挃的溝、弄鬆猶未挓完的園。

佇有種作的田園兩欄(兩稜、兩逝)中間挓園的時,為著避免予牛oân路犁oân路落食兩爿長成的農作物,牛喙著會掛牛喙籠,牛喙籠早期是用竹篾仔掠的,這馬nái-lóng(nylon)索仔凊彩買會著,家己鐵箍拗拗下,索仔掠掠下著有矣。

一陣人去到田園攏是替扞犁尾的人咧行,扞犁尾的人差不多著是這陣人的chhoā頭,扞犁尾的技術是愛學習,毋是凊彩人攏會曉的。