Thó-lūn:Siáu-gû-pēⁿ

Wikipedia (chū-iû ê pek-kho-choân-su) beh kā lí kóng...
(Tùi 痟牛病 choán--lâi)
跳至導覽 跳至搜尋

痟牛病[kái goân-sú-bé]

痟牛病 (瘋牛病/狂牛病/BSE),是一種發生佇動物 (干焦包括四跤精牲仔 ??)佮人身上的病症,醫學界共叫做" 牛腦海綿狀病 ",伊的英文名簡稱號做BSE(Bovine spongiform encephalopathy)。

受著痟牛病威脅的所在[kái goân-sú-bé]


1985年4月,醫學家上代先佇英國發現這款新的病毒,共號名叫做BSE,彼時英國的報刊嘛有專題做報導,10外年後,BSE發作真緊,英國有十外萬隻牛仔著病,牛仔著病了後,出現神精錯亂顛倒、孝呆的症狀,閣免偌久就會死去,目前痟牛病已經擴散到世界上的真濟國家佮地區,譬喻講法國愛爾蘭加拿大丹麥葡萄牙瑞西阿曼(Oman)佮德國,遮的受著痟牛病影響較嚴重的國家當中,有的是因為捷捷對英國進口牛肉所造成的。

牛著病後的症狀[kái goân-sú-bé]


醫學家發現BSE的病程一般佇14~90工中間,不而過ín-choh期凡勢有4~6年遐爾久,4年左右的老牛上蓋容易著痟牛病,病牛的症狀濟濟款,無一定攏相仝,大多數病牛會中樞神經系統會發生變化,牛仔變甲誠反常,咇咇掣、硞硞傱、誠無特定,甚至閣徛袂在,愛跋倒,病牛頭殼部位變甲真敏感,啊有時聽著聲就會著生驚,隨著病情發展,病牛不時就會糾筋硬掙、心跳變慢、喘氣加足緊,此去牛仔愈來愈瘦,到甲死去,破腹發現,病牛中樞神精系統的腦灰質已經變成若像是一塊海綿仝款,神經細胞發生嚴重病變。

足濟冬以來,英國的專家分析講,一寡仔得著Creutzfeldt-Jakob病症(CJD; 中文 :克——雅二氏病)的病人,是因為無張持去食著遐的進前就已經穢著痟牛病的牛肉所引起的,這款的解讀引起著全世界的人對痟牛病的恐懼佮驚心,根據專家的統計,每一年佇100萬人當中,大概干焦有一个人會穢著痟牛病。