Thó-lūn:Bí-kim

Wikipedia (chū-iû ê pek-kho-choân-su) beh kā lí kóng...
(Tùi 美金 choán--lâi)
跳至導覽 跳至搜尋

美金[kái goân-sú-bé]

美金抑是講美國錢美國的官方貨幣,或者是講較白咧,就是美國聯邦儲備銀行(Federal Reserve, The Fed)發行的,一般咧書寫抑印刷的時,伊的記認是$,嘛定定簡省做USD。

美金紙票的笑面(正面)。

美金一箍的紙票懸頂有喬治‧華盛頓(George Washington)的相,一箍的掠外,閣有兩、五、十、二十、五十佮一百箍面額的紙票。

除去紙票,美金嘛有銀角仔,這內底有的色水是銀的,有的是金的, 自動發兌機(vending machine)四常是找銀角仔,因為對機器來講,欲吐銀角仔的比吐紙票較簡單,毋過若一般人顛倒是較捷用紙票。

一箍美金分做一百仙,一仙是佇美國上下的貨幣單位,也銀角仔裡有彼囉半箍銀的,就是值五十仙的意思,若是四分一 (quarter)的銀角仔,就值得二十五仙,十分一(dime)的是值十仙,二十分一(nickel)的值五仙,上細圓的,是干焦值一仙的,號做penny,毋管是銀角仔抑紙票,(人因)的笑爿攏有出名的美國人的面模。

美金紙票正式的名是"聯邦儲備票" (Federal Reserve Note). "聯邦儲備"指美國指美國聯邦儲備銀行,美國憲法有捌訂講美國政府著留夠額的黃金通壘換伊所發行的紙票。也就是講,佇這个情況之下,美金紙票是會用得佮美國政府壘換黃金的,毋過1971年美國已經廢捒這个金本位的制度,也今國際上對美金的信心主要是靠美國的 經濟軍事等等的整個國力咧支持。

就親像今濟濟貨幣仝款,現此時有真大數額的美金是前甲今攏毋捌真正印刷發行做實體的,(人因)干焦是以電子記錄的款式儉踮口座裡。