Thó-lūn:Liân-ha̍p Chá-pò

聯合早報

聯合早報，是新加坡較主要的華文日報，出版商是新加坡報業控股公司，聯合早報的前身是"南洋早報" (1923年開始辦報)佮"星洲日報" (1929年開始辦報)，1983年，這兩張老牌的報紙正式合併，共同出版一張新的報紙，名叫做"南洋星洲聯合早報"，簡稱號做"聯合早報 "。.

發行數量

---

聯合早報對拜一到甲拜六，每工發行量普略二十萬份，禮拜是二十二萬份，佇(人因)本國新加坡，讀者人數徛算就有七十五萬人，這以外，(人因)佇中國、香港佮汶萊遮的所在嘛咧發刊，不而過發行的數目就加誠少囉。

網路版

---

對1995年開始，聯合早報就來開通網路版，到今為止，得著全世界袂少華人讀者的佮意，來看電子版的人一工比一工較濟，目前"zaobao.com" (這是佇電子版的基礎上發展起來的)已經成做聯合早報主要的新聞原頭。

觀點

---

聯合早報予人公認是素質懸、負責任、報導客觀、言論公正、可信度懸的報紙，伊對中國的發展抱持積極的態度，佇全球華人當中，有不止仔懸的評價佮口碑。

外部連結

• www.zaobao.com (聯合早報官方網站)