Pang-chān:蔡英文

蔡英文
第14、15任中華民國總統
在任
就任 2016年5月20日
副總統	陳建仁 賴清德
前任	馬英九
第12、13、15任民主進步黨黨主席
任期 2020年5月20日 – 2022年11月26日
前任	卓榮泰
繼任	陳其邁 （代理）
任期 2014年5月28日 – 2018年11月24日
前任	蘇貞昌
繼任	林右昌 （代理）
任期 2008年5月20日 – 2012年2月29日
前任	謝長廷 （代理）
繼任	陳菊 （代理）
個人資訊
出世	1956年8月31日（1956-08-31）（67歲） 臺灣臺北
政黨	民主進步黨 (2004–今 (taⁿ))
母校	國立臺灣大學 Cornell 法律學院 London 經濟學院
簽名

蔡英文（1956年 8月31日 出世 ）是台灣兮一位政治人物，也是現任兮中華民國總統。祖籍屏東縣枋山鄉，佇臺北市中山區出世。學歷至臺灣大學法律學士、美國康乃爾大學法律學碩士兼英國倫敦政治佮經濟學院法律學博士。留學歸國了後，佇東吳大學佮國立政治大學擔任法律學教授，專長是國際貿易法佮競爭法等等。擔任教職兮期間，也捌受聘佇央行佮經濟部擔任關貿總協定佮世貿組織兮談判顧問。1990年代，伊佇李登輝政府擔任智慧財產局委員佮國安會兮經濟諮詢委員。2000年，伊正式踏入政壇，擔任陳水扁政府兮第一任陸委會主委，同事也兼任政務委員。伊佇2004年加入民進黨，並接受黨內提名做不分區立法委員。2006年出任行政院副院長至2008年馬英九就任總統為止。

伊佇2016年1月16日當選中華民國第14任總統，佇5月20日正式就任。伊佇2020年1月11日兮總統大選提著817萬外票，贏中國國民黨兮韓國瑜佮親民黨兮宋楚瑜，得著連任兮資格。

早年生活

家族背景

蔡英文家族兮祖厝佇屏東縣枋山鄉楓港村

1956年8月31號，蔡英文佇臺北市中山區兮馬偕紀念病院出世，後來搬去佇陽明山兮透天厝「生園」。 原本依照族譜譜名應該號名「蔡瀛文」，毋過老爸蔡潔生感覺「瀛」即字兮筆畫傷濟，才共名改做「蔡英文」。 籍貫是臺灣省屏東縣，家族來自屏東縣枋山鄉楓港村。伊是福佬客佮臺灣原住民兮後代，有4分之1兮排灣族血統。 老爸彼爿，蔡英文兮阿公是廣東省梅縣出身，後來成做楓港村兮客家旺族， 阿媽是屏東縣獅子鄉兮排灣族。 蔡英文兮排灣族姓名叫Tjuku， 意思是日頭圓圓兮形狀，嘛有頭目查某囝兮意思。

學歷背景

蔡英文對細漢備受爸母佮兄姊兮疼愛。 早期就讀臺北市私立雙連幼稚園， 啟明教育完成了後，著開始接收國民教育。 1963年，就讀臺北市中山區長安國民小學。 1966年，四年兮伊轉去佇新成立兮臺北市中山區吉林國民小學。 1971年，伊是臺北市立北安國民中學第一介畢業生畢業。 國立中學兮時，就讀臺北市立中山女子高級中學， 洪秀柱是大伊8屆兮學姐。

1980年代蔡英文捌佇倫敦政治經濟學院讀博士。

1974年，高中畢業了後，因為家族企業需要法律相關背景， 最後考牢國立臺灣大學法學院法律學系， 佇就讀時捌有學科無及格， 1978年，對臺灣大學畢業， 取得法學士學位， 馬上前往美國讀碩士。

1980年對美國Cornell 大學畢業， 取得法學碩士學位， 然後加留佇美國一冬，閣考牢美國兮律師執照。

後來伊到英國倫敦政治經濟學院讀法學博士，研究計劃兮題目是「無公平貿易行為佮保障措施」（Unfair trade practices and safeguard actions）。 1984 nî, i ùi hia pit-gia̍p, 取得法學博士學位。