Thó-lūn:Chîⁿ

Wikipedia (chū-iû ê pek-kho-choân-su) beh kā lí kóng...
(Tùi choán--lâi)
跳至導覽 跳至搜尋

[kái goân-sú-bé]

是人用來買物抑服務(倩人做工課)的,嘛是怹賣物予人抑是共人服務會提著的,通世間有真濟無仝款式的錢,較正式的講法是貨幣,大多數的國家攏有發怹國使用的貨幣,比論美國美金或者是菲律賓的比索(peso)。

錢的歷史[kái goân-sú-bé]

錢是用來買物件的,人做買賣是從古早就有的代誌,當原初,人咧交易並無用錢,怹是做倒換,也就是用物件去佮人換無(相同)的物。

人一開始使用錢的時,怹想欲揣會擋久,閣直直有價值,而且利便紮來去倒的項物,歷史上頭一个用金屬鑄做銀角仔的國家號做呂底亞(Lydia),時間是約其略公元前650年,這个國家的位置就佇土耳其(Türkiye)西部,呂底亞的銀角仔是用貴重的金屬鑄的,懸頂有獅的圖,也這款做法真緊就傳去希臘佮地中海的濟濟所在,尾仔湠去甲世界別搭,較古早的時陣,嘛捌有人用螺仔殼抑是鹽角等等來做貨幣。

用錢來做買賣比起倒換加較利便,嘛會當無受貨物本身無法度閣拆分的制限,嘛較袂因為仝一款物,隨个的品質佮大細精差來去交繚,錢共交易的單位標準化,提昇經濟活動的效率,人嘛通透過粒積錢來備辦未來的需要,甚至留予囝孫仔。

發明銀角仔幾仔百冬了後,紙票開始予人用來表示有允人欲付錢,上起先是一種照字的款式,第一張誠仝的銀票是佇公元600至1455中間的中國出現的,1660到1664年中間瑞典嘛開使用銀票,總是這二个例佇彼當時攏因為尾仔窮無夠銀角仔通兌換,choaⁿ-á推行了無蓋順事,麻薩諸塞(Massachusetts)的麻薩諸塞灣殖民地佇1690年嘛發行銀票,這擺就有成功,了後銀票嘛變做愈來愈四常。

現此時,人觀念裡的錢,凡勢毋是實體的貨幣,顛倒是銀行口座內底儉踮電腦記持體的數額。

錢的意思有時陣是較闊面的,親像信用卡,就叫做塑膠貨幣。